عرض للطباعة
دي أول مشاركة لي ! مع اني مواظب بطريقه شبه يوميه علي قراءة مواضيع المنتدي الشيقه جدا من حوالي شهر و نصف !
كان لي سؤال صغير أرجو أن تفيدوني فيه
أيه الفرق بين الزيت المعدني و الزيت التخليقي ؟
و من المستحب استعمال اي منهما في السيارات الجديدة و القديمه ؟
معلش للأسف معنديش أي خبرة في موضوع الزيوت لذا فأرجو الأفاده !!:11:
اخي العزيز اهلا بيك معانا في مملكه بروتون
وطبعا احب اعرفك بايمن صاحب عرش ملك مملكه بروتون
بي النسبه للزيوت
الزيوت المعدنيه مستخرجه من البترول الخام بعد تكريره وبعد كده بيضاف علي الزيوت المعدنيه اضافات لتحسين جوده الزيت ولتقليل معامل التاكل ولزياده مقاومه الاكسده ومانع رغاوي .....الخ
لاكن الزيوت التخليقيه مصنعه كميائيا مع بعض الاضافات من الزيوت النباتيه وايضا الاضافات المعدنيه
وبي النسبه للعربيات الجديده مش بيفرق لو تستخدم زي معندي او تخليقي علي قد مابيفرق انك لازم تستخدم زيت زو لزوجه معينه
الزيت المعدنى بيتغير كل 3000 فى حين التخليقى بيتغير كل 10000
نسبه اللزوجه فى التخليقى بيخليه ميحتجش تسخين كتير فى الشتا زى الزيت المعدنى
مشكورين على المداخلات الطيبة...
فى حاجه مهمه جدا فى الاختيار والمقارنه
الزيت التخليقى من صفاته انه بيغسل الرواسب الكربونيه
اللى داخل الموتور حوالين البساتم وعلشان كده بينصح بيه
للعربيات الزيرو
اما الزيت المعدنى على العكس تمام بيربى رواسب كربونيه
حوالين البساتم وبيعوض اى نقص فى المسافات المتأكله
وعلشان كده بينصح بيه للمواتير الاقدم عمرا
الموضوع ده مهم وهتلاقى فيه كل اللى حضرتك عايز تعرفه عن الزيوت من مهندس سمير عياد .
http://www.nilemotors.net/Nile/75386-a.html
انا ان شاء الله لاسبوع دة هجيب فيسكو 3000 وعرفت انه نص تخلقى
يعنى اية النص تخليقى
وهل دة احسن والا التخليقى الكامل
علي حسب انتا حتغيره كل اد ايه يا اسلام
ألف شكر علي المداخلات الطيبه
سؤال تاني بعد اذن الجميع ..!!
أنا كل ما أغير زيت المويور الاقي الزيت القديم أسود جدا لدرجه أن دايما الفني اللي بيغير
الزيت بيحسب أني "قاسيت" جدا علي الزيت- أي أستخدمته مده أطول من المسموح بيها-
مع العلم أني بأستخدم موبيل xhp وعمري ما عديت بيه 2500 كم مع علمي أنه ممكن
أن يستخدم لغاية 3000 كم , و دايما بغير فلتر الزيت .
مش عارف المشكله فين مع العلم أن معايا عربيه ستروين ax موديل 1995 و بأذن الله
هاجيب ال saga أول ما أبيعها الفتره الجايه ..
و بالنسبه لغسيل الموتور ما هي أفضل طريقه لغسيله و هل هناك مواد معينه يجب أن تضاف
في حاله غسيل الموتور ..
أرجو المعذره للاطاله ..
مش مهم المدة بس يعنى اية زيت نص تخليقىاقتباس:
المشاركة الأصلية كتبت بواسطة dr.almaghraby
يعني اساسا معدني لكن مضاف اليه كثير من المواد الكيميائية لتحسين كفائته.....
ممكن يقعد لحد 10000 كيلو فحالة فيسكو 3000 مثلا
ربنا يكرمك تسلم على المعلومة دى انا بجد كنت محتار جدااقتباس:
المشاركة الأصلية كتبت بواسطة dr.almaghraby
انا فعلا هحط فيسكو 3000 ان شاء الله
لكن انت اية رايك احط فيسكو 3000 ولا 5000 انا مش فارق معيا المدة لكن الاهم الاداء
والله الاتنين زيوت ممتازة....بس فرق السعر مش قليل برده
عالعموم الزيت ال 5000 دا لو انتا بتقطع مسافات كبيرة ففترة قليلة لان المهندس احمد بتاع فيسكو قال انه ممكن يقعد لحد 20 الف كيلو
ال 3000 ممكن يقعد لحد 10 الاف و و انا رايي يفضل تنزله علي 8 مثلا....
والاتنين ممتازين.. بس شوف انتا بتقطع كيلومتر قد ايه
يبقا هحط 3000 ان شاء الله شكرا جدا جدا على اهتمامكاقتباس:
المشاركة الأصلية كتبت بواسطة dr.almaghraby
طب صلاحيه فيسكو اد ايه ... ؟؟؟
يعنى ينفع لو حد بيعمل 5,000 كم فى 6 شهور مثلا انه يستخدمه ... ولا يخليه فى توتال وخلاص ؟؟؟؟
اقتباس:
المشاركة الأصلية كتبت بواسطة ayman_52
صلاحية الزيت بتبقا على حساب الكليو متر
وفى حالة انك بتعمل كليو متر قليل زيت فيسكو ممكن يعقد معك سنة بدون تغير
بس شرط انك تتابع مستوى الزيت مرة كل شهر تتاكد انه مش بينقص
جرب فيسكو هتلقى فرق واضح
اقتباس:
المشاركة الأصلية كتبت بواسطة dr.almaghraby
انا حطيت 3000 ممتاز بمعنى الكلمة
طب ال 5000 عامل معك اية يعنى صوت المتور اهداء وانعم من الاول ولا لا
شكــرا يا أسلام http://i122.photobucket.com/albums/o...owerysmile.gifاقتباس:
المشاركة الأصلية كتبت بواسطة eslam_wega
بس انا سمعت ان زيت توتال الـ5000 صلاحيته 5 شهور ... ولو عدى 5000 شهور لازم يتغير حتى لو مامشيت الـ 5000 كم ... ايه رايك فى الكلام دا ؟؟؟
وهل فيسكو نفس النظام دا ؟؟؟
تحيــــــــــاتــىhttp://i122.photobucket.com/albums/o.../th_eclown.gif
لا فيسكو مش نفس النظام لان فى زيوت عندهم بتوصل ل 25 الف كليو مستريح
ولو عملت ربع المسافة دى ونزلته بعد السنة يبقا انت فى الامان 100 %
بالنسبة للتوتال التجربة خير دليل
بمعنى لما بتنزل الزيت بعد 5 شهور لو لسة محتفظ بنفس اللزوجة (يعنى مش خفيف عن الاول ) يبقا تقدر تكمل بيه 5 الف بدون مشاكل
سؤال يا جماعه هل التوكيل ليس لديه مانع من اي واحد يجيب معاه اي نوع زيت غير ال موجود في التوكيل لاني سالت السؤال ده في توكيل الاسكندريه وكانت الاجابه لا يصلح