عندى مشكلة مع زيت الموتور أية الحل وأية العمل

**Abdm** · 17-04-2010 03:17 PM

دلوقتى أنا معايا سوزوكى ألتو 2009 عاملة 1800كيلو غيرت عند الآلف الآولى لزيت موبيل 1 اللى بيعمل 10000 وغيرت فلتر كلة كان فى صيانة الآلف الآولى يعنى عملت بعد الآلف 800 كيلو فقط
علامة الزيت بعد التغيير فى الآلف كانت على المقياس تحت Max ب 3 ملى ليس أقل قلت عادى ممكن علشان مش عاوزين الزيت يوصل لل Max

دلوقتى بعد 800 كيلو بعد تغيير الزيت بتاع الآلف علامة الزيت على المقياس بقت عند النصف

أذاى أنا مش فاهم زيت موبيل 10000 المفروض أغيرة بعد 10000 كيلو على الحال دة مش هيقعد فى الموتور لغاية 3000 كيلو أذا كان معدل الحرق أستمر بالشكل دة بأستمرار أنا مش عارف دة حرق ولا بخر ولية بتحرق أو بيتبخر بالشكل دة

لو العربية قديمة كنت قلت دى بتاكل زيت لكن دية لسة جديدة أزاى دة يحصل وهل دة طبيعى وما هو الحل وما هو العلاج وأية هى المششششكلة بالضبطططططططط

أنا قلت أستشيركم أنتم الآول قبل ما أكلم التوكيل علشان أبقى فاهم وعارف فين المشكلة علشان محدش من التوكيل يشتغلنى ويعملى حوارات ويضحك عليا

وجزاكم الله خيرا
وجزاكم الله خيرا

**د.محمود صلاح** · 17-04-2010 05:14 PM

كما علمت من مهندس خالد سبعاوي يوجد معدل نقص للزيت طبيعي في أي عربية ولو حديثة .
كما ان ظروف قياس مستوى الزيت في المرتين السابقتين تبدو مختلفه .

ده تقديري والله أعلم

**amir** · 17-04-2010 05:18 PM

لو الزيت بينقص قوي كده من غير دخان ابيض او ريحه زيت من الشكمان حتي يبقي اكيد اكيد تركيب طبه الزيت او الفلتر مكنش كويس
و ده الاحتمال الاحسن
روح بنزينه و زود الزيت طبعا و خليه يرفعهالك و تبص كويس الزيت بينقط ولا لأ
ربنا يعينك

**Abdm** · 17-04-2010 06:52 PM

أنا مغير الزيت فى التوكيل و قست بعد كدة الزيت على أرض مستوية وبعد حوالى 4 ساعات
ومكانش فى تسريب زيت لا من تحت العربية ولا من فوق الموتور

هل المشكلة من الزيت يكون مغشوش على الرغم أنى مغيرة فى التوكيل
أو معدل البخر هيكون سريع قوى كدة
ولا ممكن يكون فى مشكلة فى الموتور من جو

لو فى أى حد من الآخوة مرت علية المشكلة دية يا ريت يفيدنى

وجزاكم الله خيرا

**shikoooooo** · 17-04-2010 07:22 PM

السلام عليكم ورحمة الله وبركاتة
اولا حضرتك لازم تقيس الزيت الصبح قبل ماالعربية تشتغل علشلن الزيت يكون تحت فى الموتور وتعرف تقيسة دة الصح والله اعلم وبالنسبة لزيت موبيل فهو مضروب ودة الى انا اعرفة ولزلك انا غيرت نوع الزينت من موبيل الى شيل وهو احسن بكتير وعن تجربة والله اعلم واسف على الاطالة

**romeo_6887** · 17-04-2010 10:13 PM

و الله لما شفت اسم حضرتك في القسم اتخضيت علي الالتو لانه زيرو
لا الشنبر فوت و لا جوان سرب و لا طبه مش راكبه مكانها ( يمكن و ساعتها تطلع عين التوكيل ) و لا كرتيره اتخرمت ( لو دخل فيها من تحت ) ... لازم تروح التوكيل و تقولهم علي الموضوع ده لانه خطير و ان شاء الله المشكله تتحل في اقرب وقت و ابقي طمنا علي حضرتك

**darkangel007** · 17-04-2010 11:11 PM

المشاركة الأصلية كتبت بواسطة shikoooooo

السلام عليكم ورحمة الله وبركاتة
اولا حضرتك لازم تقيس الزيت الصبح قبل ماالعربية تشتغل علشلن الزيت يكون تحت فى الموتور وتعرف تقيسة دة الصح والله اعلم وبالنسبة لزيت موبيل فهو مضروب ودة الى انا اعرفة ولزلك انا غيرت نوع الزينت من موبيل الى شيل وهو احسن بكتير وعن تجربة والله اعلم واسف على الاطالة

بالزبط كدة يا باشا معاك فى كل كلمة!

**Abdm** · 18-04-2010 10:32 AM

شكرا ليكم قوى يا جماعة على رودودكم ,

أنا قست مستوى الزيت كذا مرة فى كذا يوم و وكانت السيارة بعد ما روحت الشغل وركنتها مش أقل من 8 ساعات وأنا مروح قست الزيت قبل ما أشغلها وكانت على أرض مستوية يعنى الزيت ريح على الآخر
وما فيش تسريب باين من تحت الموتور ولا من فوق الموتور ولا دخان

هل ممكن التوكيل ذات نفسة يستخدم زيت موبيل مضروب

طيب ما هو لو أستخدم زيت مضروب هيبقى فية مشاكل كتير عندة من العملاء كلهم
كل العملاء هيشتكوا من مستوى الزيت الناقص
أزاى يستخدم زيت مضروب

أنا ناوى بأذن الله أروحلهم بكرة أن شاء الله بس كنت خايف شوية وعايز أطمن على الموتور وأعرف قبل ما أروحلهم المشكلة دية من نوع الزيت ولا من حاجة تانية فى العربية
وجزاكم الله خيرا جميعا