عندى مشكلة مع زيت الموتور أية الحل وأية العمل

**Abdm** · 17-04-2010 04:19 PM

دلوقتى أنا معايا سوزوكى ألتو 2009 عاملة 1800كيلو غيرت عند الآلف الآولى لزيت موبيل 1 اللى بيعمل 10000 وغيرت فلتر كلة كان فى صيانة الآلف الآولى يعنى عملت بعد الآلف 800 كيلو فقط
علامة الزيت بعد التغيير فى الآلف كانت على المقياس تحت Max ب 3 ملى ليس أقل قلت عادى ممكن علشان مش عاوزين الزيت يوصل لل Max

دلوقتى بعد 800 كيلو بعد تغيير الزيت بتاع الآلف علامة الزيت على المقياس بقت عند النصف

أذاى أنا مش فاهم زيت موبيل 10000 المفروض أغيرة بعد 10000 كيلو على الحال دة مش هيقعد فى الموتور لغاية 3000 كيلو أذا كان معدل الحرق أستمر بالشكل دة بأستمرار أنا مش عارف دة حرق ولا بخر ولية بتحرق أو بيتبخر بالشكل دة

لو العربية قديمة كنت قلت دى بتاكل زيت لكن دية لسة جديدة أزاى دة يحصل وهل دة طبيعى وما هو الحل وما هو العلاج وأية هى المششششكلة بالضبطططططططط

أنا قلت أستشيركم أنتم الآول قبل ما أكلم التوكيل علشان أبقى فاهم وعارف فين المشكلة علشان محدش من التوكيل يشتغلنى ويعملى حوارات ويضحك عليا

وجزاكم الله خيرا

**ابوهاشم** · 17-04-2010 04:26 PM

لو العربيه داخل الضمان روح بيها التوكيل يكشفو عليها
كان فى صديق ليا جاب فيرنا واكتشف برضه ان العربيه
بتاكل زيت كتير وراح التوكيل ويعتبر غير نص الموتور
على حساب الضمان طبعا
واحتمال يكون فى جوان بيسرب زيت

**ahmedsamir5edr** · 17-04-2010 04:31 PM

و الأحتمال الأكبر طبعا كعاده زيت موبيل يكون مغشــــوش

**mahmoudysf** · 17-04-2010 05:21 PM

سمعت ان زيت موبيل مغشوش
وكمان معدل البخر بتاع موبيل سريع

**hany121** · 17-04-2010 06:30 PM

اتاكد ان العربيه مكانتش واقفه مايله( الارض غير مستويه) لما كنت بتقيس وان الموتور مكانش داير قبل القياس بفتره قليله..

**Abdm** · 17-04-2010 06:44 PM

المشاركة الأصلية كتبت بواسطة ابوهاشم

لو العربيه داخل الضمان روح بيها التوكيل يكشفو عليها
كان فى صديق ليا جاب فيرنا واكتشف برضه ان العربيه
بتاكل زيت كتير وراح التوكيل ويعتبر غير نص الموتور
على حساب الضمان طبعا
واحتمال يكون فى جوان بيسرب زيت

أنا معاك وهسئل التوكيل بس ما فيش أثار تسريب زيت على الموتور من فوق أو من تحت
وربنا يستر وما يكونش فى حاجة فى الموتور هو دة اللى أنا خايف علية وربنا يستر

المشاركة الأصلية كتبت بواسطة ahmedsamir5edr

و الأحتمال الأكبر طبعا كعاده زيت موبيل يكون مغشــــوش

أنا مغير فى التوكيل هل ممكن يكون مغشوش فى التوكيل

المشاركة الأصلية كتبت بواسطة mahmoudysf

سمعت ان زيت موبيل مغشوش
وكمان معدل البخر بتاع موبيل سريع

أنا مغير فى التوكيل هل ممكن يكون مغشوش فى التوكيل وهل معدل البخر يكون عالى كدة

المشاركة الأصلية كتبت بواسطة hany121

اتاكد ان العربيه مكانتش واقفه مايله( الارض غير مستويه) لما كنت بتقيس وان الموتور مكانش داير قبل القياس بفتره قليله..

أنا كنت راكنها لا يقل عن 4 ساعات وعلى أرض مستوية

لو فى أى حد من الآخوة حصل معاة الموضوع دة يا ريت يفدنا

وجزاكم الله خيرا جميعا

**SAMEH_FOUAD** · 17-04-2010 09:02 PM

طيب شوف خلى حد يقف ورا العربية وزد بنزين على الاخر وانت واقف ,وشوف اية اللى هايطلع من الشكمان لو ماطلعش دخان او اى حاجة شوف الماتور هل معرق زيت او اى حاجة لان ممكن تكون العربية جديدة وفيها عيوب صناعة
والاهم من دة كلة اتاكد ان فلتر الزيت مربوط كويس ومش بيسرب

**Abdm** · 18-04-2010 10:42 AM

أنا أسف للادارة لآن الموضوع مكرر مرتين فى الورشة يا ريت الآدارة تتكرم بنقل كل المشاركات اللى فى الموضوعين فى موضوع واحد
بدون حذف أى مشاركات من الآخوة فى الموضوعين
وجزاكم الله خيرا