مشكلة فى الكورسا مدوخانى مش لاقيلها حل بجد....ارجو المساعدة

العربية كورسا 1200 المشكلة انها من مدة كانت بتقطع وبتنتش وروحت للميكانيكى غيرت البوجيهات والفلاتر زيت وبنزين ونضفت السناسر كلها اتزبطت شوية .....وبعد فترة ظهرت المشكلة اللى مدوخانى انها بتبطل بس مش علطول يعنى ممكن اروح مشوار تبطل 3 او 4 مرات وانا ماشى ومرة طول اليوم لف متبطلش وحتى لو مبطلتش بتعمل حركة كده بتضايقنى اوى ترعش كده كانها هتبطل وبعدين تلحق نفسهاوهى وحظها بقى تبطل او متبطلش .....
روحت للميكانيكى قلى سنسور حراره نغيره غيرته اتزبطت شوية ورجع نفس العيب ...
هل ده يبقى طلمبة البنزين ولا العربية محتاجة تعلى شوية وخلاص خاااااااااصة ان التبطيلة بتحصل دايما بين النقلات يعنى اول لما اجى انقل واشيل رجلى من علبنزين ....
ارجوكم لو حد كان عنده نفس المشكلة يقولى عشان مش عاوز اغير حاجة ويظهر نفس العيب.....مستنى ردودكم

دي أعراض حساس الكرنك لو العربية دي فيها الحساس ده!

تحياتي.

معرفش فيها حساس كرنك ولا لا بس هى كورسا 1200 موديل 94

اقتباس:

---

المشاركة الأصلية كتبت بواسطة ma7oo

معرفش فيها حساس كرنك ولا لا بس هى كورسا 1200 موديل 94

---

هو حساس الكرنك لو العربية دي فيها الحساس ده ، عموما الأعضاء الأفاضل اللى راكبين زيها ممكن يفيدوك أكثر مني! العيب ده حصل فى عربية والدي (فيكترا 2000 موديل 2000) كانت كل ماتمشي وتسخن تنتش وتقف بس مش بشكل منتظم، تسيبها شوية تدور تاني.

تحياتي.

فعلا دى اعراض حساس الكرنك
لكن اعتقد انها مفيش فيها الحساس ده

دى اعراض تلف الأيدل

هى فيها ايدل
اللى سمعته ان مفيهاش حساسات اصلا
طب لو فيها
فيها كم حساس ؟

مساء الخير انا معايا نفس الموديل دة و كان عندى نفس المشكله دى ورحت لكذا ميكانيكى وبردة معرفش ايه السبب بس انا اكتشفت بالصدفه السبب لقيت سللك من اسلاك البوجيه بيهرب كهربا يعنى تلاقى شرارة كدة طالعة من راس البوجيه انا كل اللى عملته خلعت الكابل و ضيقته شويه بمفك و رحت مركبه تانى و بقى تمام ممكن يكون عندك نفس العيب دور العربيه و افتح الكابوت و خليك واقف فى مكان ظلمه شويه عشان تقدر تشوف لو الكابل بيهرب و ربنا يسهل

معلش الايدل ده اللى هو السنسور ؟؟؟
elewey يعنى المشكلة دى كانت عندك بالزبط وكانت تهريب كهربه من بوجيه يعنى اروح لميكانيكى اخليه يشوف البوجيه اللى بيهرب؟؟؟

والله انا باقترح بس

اقتباس:

---

المشاركة الأصلية كتبت بواسطة tananybasha

والله انا باقترح بس

---

السلام عليكم ورحمة الله
على فكرة ياباشا العربية فيها كذارحساس مش حساس واحد
وفيها أيدل كنترول
ودى أعراض من أعراض تلف الأيدل أو طلمبة البنزين
حساس الكرنك تلفه يخلى العربية تبطل منك لما تسخن وماتدورش إلا لما تبرد
وموضوع التهريب دة يعنى العربية متلتة شغالة تلاتة بس مش أربعة بسبب التهريبودة يخليها تدرر فى الطعة والسحب يبقى مش قد كدة
أخوك فى الله هانى

ايوة ممكن تروح للمكانيكى يكشفلك عن الكابلات بتاعة البوجيهات لو بايضة او يعنى بتهرب يبقى حتتغير و على فكرة الايدل كنترول موجود تحت عمه الكبراتيور علطول وفى موضوع فى المنتدى عن كيفيه تنظيفة بنفسك و تركيبه حشوفلك الرابط و ابعتهولك

هنا الشرح حتلاقيه على الفكترا هو موجود فى نفس مكانه بالنسبه للكورسا
http://www.nilemotors.net/Nile/130445-b.html
جرب بردة و شوف ورد علينا عشان نعرف حل المشكله ايه

الف شكر ياباشا بس ده ده يتغير يعنى لو بايزولا ينضف وخلاص؟

اقتباس:

---

المشاركة الأصلية كتبت بواسطة ma7oo

الف شكر ياباشا بس ده ده يتغير يعنى لو بايزولا ينضف وخلاص؟

---

السلام عليكم ورحمة الله
إبدأ بالتنظيف الأول
ولو ماحصلش أى تغيير فى الموضوع دة يبقى إكشف قبل ماتغييره

أخوك فى الله هانى

بالضبط زى ما استاذ هانى قال منفعش التنظيف يبقى حتجيب واحد تانى

غير-اسبرانير-اكيد

السلام عليكم
انا كان عندى نفس المشكلة
غيرت الكربرتير واتظبطت تماااااااما

بص يا زعيم ... انا معايا اختها ال 95 و كان عندى نفس المشكله و الاعراض كما يلى:

1- رجه فى الطلعه و وطيان فى النور و الكهربا تشوفها فى لمبات التابلوه
2- الموضوع ده يبان فى الاول و التانى

انا كنت فاهم انه دبرياج ... بس مره كنت عند الميكانيكى فى اسكندريه (ابو الحمد) ببص على الفرامل

لقيته قالى الموتور ده من صوته واخد كهربا عاليه ... و بيسكع ... جاب مفتاح فى السريع و فك البتاع ده البرتقالى اللى على اليمين (اسبراتير؟) و حركه همسه و سمع صوت الموتور و هكذا لحد ما حس انه اتظبت

و من ساعتها العربيه الحمد لله مبتعملش المشاكل ديه ... و لا تبطل و لا ترج فى الطلعه و لا الكهربا توطى فى النقل