سؤال لخبراء ومالكي النيسان

**ahmed895** · 17-04-2010 05:43 PM

سؤال لخبراء النيسان

بإذن الله نويت انزل بكره اشتري نيسان تيدا هاتشباك ومحتاج مساعدتكوا في الاتي:
1- اشتري منين افضل : السبع ولا مودرن موتورز؟ وليه؟
2- هل صياناتي مرتبطة بالموزع ال اشتريت منه ولا ممكن أصين فاي واحد منهم؟
3- مين صيانته أفضل فنيا و أسعار؟
4- ايه رأيكوا في اللون الجديد Purpelish silver الموف الليلاه
(ال هتركبها بنت) في الاستعمال واعادة البيع ولا هيكون اعادة بيعه صعبة؟ ميزته انه مش موجود في اي عربية تانية

مستني خبراتكوا و مشاركتكوا.. أرجو الافادة لاني نازل بكرة او بعده ان شاء الله

**amir** · 17-04-2010 05:57 PM

المشاركة الأصلية كتبت بواسطة ahmed895

2- هل صياناتي مرتبطة بالموزع ال اشتريت منه ولا ممكن أصين فاي واحد منهم؟
3- مين صيانته أفضل فنيا و أسعار؟
4

اللي اقدر ارد عليه
2- صياناتك في السبع او مودرن و في اي مكان ليهم و اسمع ان يونايتد عامل مراكز خدمه كمان
3- انا جربت مودرن البوابات معجبنيش و حاليا بصين في السبع زهراء المعادي مع اني من سكان مدينه نصر

**ahmed895** · 17-04-2010 08:33 PM

متشكر جدا لأمير باشا و أيمن بيه على ردودهم و اهتمامهم
بس هو فين باقي الناس؟؟ هم دول ال عندهم تيدا بس ولا ايه؟؟؟!!!

وسؤال كمان حد شاري نيسان اتعامل مع تأمين رويال صن؟
لو حد عنده فكرة ياريت يفيدني

**Ahmed.TV** · 18-04-2010 03:32 PM

بص انا اشتريت عربيتى مستعملة كانت تيدا سيدان وروحت التوكيل مودرن عشان اشترى من عنده شوية كماليات وكان محترم بصراحة جدا فى التعامل
وبالنسبة لناس كانوا اشتروها من السبع كانوا بيقولوا ان بياخدوا كوبون خصومات , وانا من راى اشترى من السبع افضل عشان الموضوع ده بتاع خصومات الصيانات , عقبال ما ناخد منهم خصومات ثابتة سواء من السبع او مودرن , وادينا بنجاهد معاهم عشان الموضوع يخلص على خير بس حيطول شوية
المهم ممكن حتى لو اشتريت من السبع بتعمل فى اى فرع تانى من مراكز خدمة نيسان عادى جدا
وبخصوص اللون اللون السليفر شيك جدا وحلو وكمان اللون الاحمر راقى فى التيدا ولذيذ والبيج كمان ,
والعربية فوق الممتاز بجد وصدقنى حتعجبها جدا خصوصا فى سواقة التيدا عربية ناعمة جدا فى سحبها وماتور قوى فى نفس الوقت , وخامات محترمة فى الصالون من الداخل , وتقفيل فوق الممتاز ,وتكيف تلاجة ومش بياثر على استهلا البنزين , وغير كدا العربية بسم الله ماشاء الله فى استهلاك البنزين موفرة جدا
بصراحة العربية حتعجبها جدا والهاتش باك لذيذة على البنات
وبالنسبة الى اعادة البيع العربية بتخسر زى اى عربية بتتباع مستعمل , وكمان بتتباع فى السوق عادى وبتتخطف لو حالتها ممتازة لانها عربية مطلوبة ويابانى 100%
واى خدمة وتحت امرك فى اى استفسار اخر
وبعتلك رسالة على الخاص كمان

**ahmed895** · 18-04-2010 04:44 PM

المشاركة الأصلية كتبت بواسطة ahmed.tv

بص انا اشتريت عربيتى مستعملة كانت تيدا سيدان وروحت التوكيل مودرن عشان اشترى من عنده شوية كماليات وكان محترم بصراحة جدا فى التعامل
وبالنسبة لناس كانوا اشتروها من السبع كانوا بيقولوا ان بياخدوا كوبون خصومات , وانا من راى اشترى من السبع افضل عشان الموضوع ده بتاع خصومات الصيانات , عقبال ما ناخد منهم خصومات ثابتة سواء من السبع او مودرن , وادينا بنجاهد معاهم عشان الموضوع يخلص على خير بس حيطول شوية

والعربية فوق الممتاز بجد وصدقنى حتعجبها جدا خصوصا فى سواقة التيدا عربية ناعمة جدا فى سحبها وماتور قوى فى نفس الوقت , وخامات محترمة فى الصالون من الداخل , وتقفيل فوق الممتاز ,وتكيف تلاجة ومش بياثر على استهلا البنزين , وغير كدا العربية بسم الله ماشاء الله فى استهلاك البنزين موفرة جدا
بصراحة العربية حتعجبها جدا والهاتش باك لذيذة على البنات
وبالنسبة الى اعادة البيع العربية بتخسر زى اى عربية بتتباع مستعمل , وكمان بتتباع فى السوق عادى وبتتخطف لو حالتها ممتازة لانها عربية مطلوبة ويابانى 100%
واى خدمة وتحت امرك فى اى استفسار اخر
وبعتلك رسالة على الخاص كمان

بالنسبة للتخفيضات ال بتحاولو تجيبوها من مودرن بتتعاملوا مع مين علشان أعرف مدير تسويق و مبيعات نيسان مودرن موتورز يعنى علشان لو نساعد

متشكر جداااااا على اهتمامك وابداء رايك في مسالة اللون و هابلغك باللون لان البيت انقسم في التصويت هي عايزة السيلفر الموف لكن ناس كتير مخوفينا وبيقولو انه في اي تصليح بيكون وحش وغير عملي
باقي البيت عايز 2 اسود و 2 أحمر بقيت أزمة دوليه
اكيد هاقولك اشترينا ايه

متشكر يا باشا و اكيد هاكلمك قريب باذن الله

بافكر اركب Parking Sensor
ايه رايك؟ اجيب نوعه ايه؟ علشان بافكر اشتريه واخليهم يركبوه في التوكيل

**Ahmed.TV** · 18-04-2010 05:28 PM

المشاركة الأصلية كتبت بواسطة ahmed895

بالنسبة للتخفيضات ال بتحاولو تجيبوها من مودرن بتتعاملوا مع مين علشان أعرف مدير تسويق و مبيعات نيسان مودرن موتورز يعنى علشان لو نساعد

متشكر جداااااا على اهتمامك وابداء رايك في مسالة اللون و هابلغك باللون لان البيت انقسم في التصويت هي عايزة السيلفر الموف لكن ناس كتير مخوفينا وبيقولو انه في اي تصليح بيكون وحش وغير عملي
باقي البيت عايز 2 اسود و 2 أحمر بقيت أزمة دوليه
اكيد هاقولك اشترينا ايه

متشكر يا باشا و اكيد هاكلمك قريب باذن الله

بافكر اركب parking sensor
ايه رايك؟ اجيب نوعه ايه؟ علشان بافكر اشتريه واخليهم يركبوه في التوكيل

اولا مبروك العربية وبجد اختيار موفق والف مبروك مقدما
على فكرة انا معايا اللون الموف هو على السيدان تحفة معرفش بقا حيبقا على الهاتش باك حيكون لايق ولالا , بس انا شوفت الفضى والبيج على العربية راقى جدااا وخصوصا الفضى لو كنت جايب الهاتش باك اللى اعلى فئة اللى فيها جنوط

ثانيا بالنسبة اللى التخفضيات ياريت لو تعرف حد هناك , هو الموضوع وصل الى استاذ هانى اللى ماسك خدمة ما بعد البيع لو تعرف توصلنى بيه يبقا تمام لان الورق مفروض انه عنده , وده اللى ماسك خدمة ما بعد البيع لسوزكى ونيسان

ثالثا ياريت لو تكلمنى ,معاك رقمى بعتهولك على الخاص يكون افضل عشان ننسق مع بعض

رابعا موضوع البارك سيسنور اذا حابب تركبه دى حاجة ترجعلك طبعا , واكيد السينسور طبعا مفيد جدا فى الركن ,
بس انا كنت حركب سيسنور معين عندهم ومش لقيته موجود فقلت اصبر لغاية ما يجى , وهو عبارة عن مراية صالون فيها كاميرا ركن وسيسنور وكل حاجة ب1200 جنية بس قالولى مش موجودة دلوقتى وحتيجى كمان شهر وعلى فكرة بتكون مراية تعتيم كمان
لان اللى موجود عبارة عن سيسنور وكاميرا بس بتتحط على الطابلوه وشوفتها وصغيرة , مش زى مراية الصالون , لان مراية الصالون مجال الرؤية فيها اكبر واعرض
وتقبل تحياتى وحستنا تليفونك