طلع عندى كشاف الفانوس اليمين عايز يتغير لانى لسه مغير لمبه 100/80 اوثرم و النور طالع من الفانوس ضعيف .ايه افضل نوع اجيبه ومن عند مين وسعرة بيكون كام
عرض للطباعة
طلع عندى كشاف الفانوس اليمين عايز يتغير لانى لسه مغير لمبه 100/80 اوثرم و النور طالع من الفانوس ضعيف .ايه افضل نوع اجيبه ومن عند مين وسعرة بيكون كام
على فكره مش شرط تغير الفانوس
لو ركبت كتاوت (بـ 20 جنيه تقريبا) وجبت لمبات اعلى في الوات بتاعها هتاخد منها اضاءه محترمه جدااااااااا
اللمبات الافتراضيه بتاعت اللانوس 100/80 وات
لكن لو جبتها 220/110 وات - المانى هتاخد منها اداء عالى جدااااااا
وكمان ممكن تجيب اللون الابيض منهم ,, انا سمعت ان في لغايه 500 وات في اللون الابيض ولكن طبعا هتلاقي اللمبتين عاملين مش اقل من 120 جنيه ,, لكن الـ 220/110 منهم بتعمل حوالى 60 جنيه
بس لازم تاخد بالك من حكايه انك لو هتركب وات اعلى يبقه لازم كتاوت , وإلا دراع النور هيسيح حسب كلام بعض الكهربائيين , والله اعلم
وحتى لو مفيش مشاكل حصلت فبردو مش هتاخد من اللمبه العاليه كل قوتها بدون كتاوت
فكر في الموضوع قبل تغيير الفانوس نفسه
لو اضطريت انك تشتري فانوس فـ خلي بالك ان الصيني منه بيكون الزجاج بتاع الفانوس نفسه لونه مش شفاف بنسبه 100% , بتلاقيه مطفي شويه او مصفر عن الأصلي بتاع العربيه
لو عرفت تجيب حاجه استيراد نضيفه من عند الناس بتوع التقطيع هيكون احسن , واتوقع انه احتمال يكون اغلى من الجديد
سالت من مده قالى الفانوس الصينى ب65 والتايونى ب 120
انا مركب كتاوت ولسه مغير لمبط اوثرم 100/80 والفانوس الشمال نورة اقوى من الفانوس اليمين ...طيب العيب ايه ان لم يكن فانوس
لمبات اللانوس الاصلي 55\60 مش 80\100
وبعدين مفيش 80\100 فيه 90\100
انا مركب 120/200 و نورهم كويس جدا
التايوانى افضل حاجة بسعر مناسب
MMamdouh
بلاش تجيب الصيني علشان مش هايظبط وش العربية يعني هتلاقية مش كابس تمام في مكانة زي الاصلي ودة حصل عندي واتاكدت بعد ما غيرتة وجبت واحد استيراد تمام زي الجديد بس غالي ب 200 جنية
مشكور على التوضيح
^^^^^^^^^^^^^^^^^^ولكن بغض النظر عن الارقام لاني معرفش فيها اوي , بس المبدأ في الكلام صح , وهو انه كلما زاد الوات كلما زادت الاضاءه بشرط تركيب كتاوت للحصول على أفضل اداء
الافضل بالترتيب وحسب امكانياتك
الاصلي والفانوس بيعمل اكتر من 400 جنية
اصلي استيراد وحالته بتكون قدامك والتمن انت ومجهودك
الديبو التايوانى افضل حاجة في الجديد لو مش هتجيب الاصلي
تمام كده
بس بحس ان كل اما الوات يبقي علي بتكون اللمبات مضروبة
يعني صيني وكاتبين عليها اي كلام
زي اما تروح تشتري كاسيت صيني مكتوب عليها 3000 وات وهو اي كلام يمكن اخره 100 وات بس
اهم حاجة يكون نوع معروف زي الاوسرام اللي ممكن متلاقيش فيها الوات العالي ده
كلامك صح بس عالاقل الواحد وهو بيشتري بيخلي باله من شكل الحاجه وتقفليها وهكذا
يعني انا شوفت في التوفيقيه على الرصيف اللمبتين الابيض 200 وات (او 220 ,, مش فاكر بصراحه)بـ 35 جنيه , مكتوب عليهم كوري لكن هما صيني
نفس اللمبتين الألمانى الأصلي كنت شوفتهم في محل في التوفيقيه بـ 65 جنيه , لكن دول اصلي
اهم حاجه للي هيشتري انه ميجبيش حاجه من على الرصيف لانها مضروبه ولو باظت بعدها بخمس دقايق يبقه راحت عليه فلوسه لان ساعتها صاحب الفرشه هيقوله ولا شوفتك ولا اعرفك
فى واحد قالى نوع اسمه ديبو ده كويس ولا صينى بردة وبيكون سعرة كام وهل بيبقى موجود عند المنير او ابو الحسن
الديبو تايوانى هتلاقية عند ابو الحسن او المنير في حدود 120