أريد معرفة كل شىء عن الفيورا 127

**sleepyhammer** · 21-01-2008 02:20 PM

اهلا بالناس الحلوة والعباقرة انا عارف انه موضوع عن عربية قديمة بس محتاجه بجد
لانى اول مرة اتعامل مع العربيات اساسا
أريد معرفة كل شىء عن الفيورا 127 من الالف للياء
العفشة والموتور وكله كله وكيفية عمل الصيانة اللازمة لها فى حالات الضرورة
وكل خبرتكم ارجو الافادة

واشكركم على وقتكم معى
وارجو لهذا المنتدى الدواااااااااااام لانه بجد من اجمل المنتديات وخاصة اسرته الجميلة دى

وشكرا لكم جميييييييييعا

**hamadaalo2002** · 21-01-2008 03:25 PM

طيب انا واللهي زيك بس عاوز اعرف انا جسمي عريض فهل ينفع اركب فيورا لو رجعت الكرسي ورا شوية وهل الدركسيون ممكن يترفع شوية ؟

**mohamed_rhem** · 21-01-2008 03:57 PM

اهلا بيكم في المنتدي واهلا بيكم كممتلكي سيارات
ال127 عربيه اقاصاديه جدا وكل الميكانيكيه فاهمينها وقطع غيار متوفره ولا تقلق من اي شيء
اهم حاجه اتاكد ان النمره علي الكارايره مش عالباب
وشويه حاجات كده في البنزينه ممكن يكشفو عليها
السياره صغيره الحجم والدركسيون مش بيتعلي
يعيب العربيه ان عزمها قليل لانها 900 سي سي يعني لو انت ماشي اغلب مشاويرك لوحدك يبقي تمام انما مش سياره عائليه وكمان عايزه مشاوير صغيره يعني مش بتاعه سفر طويل
الموتور صيانته سهله
بس انت عارف انك حتشتري مستعمل
حاجات خلي بالك منها اول ما تشتريها
اولا تغير الزيت والسيور وتغير الابلاتين والكوندنسر
تكشف عالبطاريه والكاوتشوك
لو البطاريه فيها مشاكل غيرها ولو الكاوتش متاكل او قديم او في اخرام كتير غير فردتين وخليهم في الدركسيون ضبط الكهرباء وحل المارش والدينامو واكشف عليهم
ضبط العفشه واكشف علي الكبالن وفي الاخر ضبط زوايا
واتزان
ده اللي انصحك تعمله اول ما تشتري العربيه طبعا بعد اما خبير يقولك انها كويسه وتستحق اللي حتدفعه فيها لان خلي بالك المستعمل طلعان عينه يعني عربيه شغاله بقاله اكتر من 20 سنه فتخلي بالك اوي