الموضوع: مجرد جمله بتتقال , أستخدام طبيب !

المشاركة الأصلية كتبت بواسطة د.محمود صلاح

عمري ما استعملتها طوال اعلانات بيعي لعربياتي في الأهرام ( متعود إني أبيع في اعلانات الأهرام )

ألف شكر على ردك يا دكتور محمود و بجد منور الموضوع جدا و فعلا أسلوب سليم منك لأن حاله العربيه إلى بتحكم

المشاركة الأصلية كتبت بواسطة mahora

المفروض الجملة دى بتتقال عشان قال يعنى العربية متحافظ عليها فى حين العكس هو الصحيح و العربية دى بتكون "كنبة" على رأ ى محمد ممدوح لان سيادة الطبيب مبيكونش عنده وقت يعمل صيانة للعربية

الف شكر على المرور يا باشمهندس و الأستخدام دلوقتى بقى شخصى بحت مفيش حاجة لها علاقة بالمهنه

المشاركة الأصلية كتبت بواسطة momo_sunny

والله مش شرط ان العربية تكون حالتها حلوة عشان استخدام طبيب انا اعرف دكتور العربية بتاعتة ما بتوقفش ولكن هوا محافظ عليها جدا وبيعملها الصيانات الدورية لانها لو وقفت منة حياتة كلها هاتقف
وبرضة مش شرط ان المهندس دايما عربية مبهدلة ومتربة
انا والدى مهندس ومابيكملش بالعربية 5000 ك فى السنة وانا كمان ببقى سايق منهم شوية:c_laugh[1]:لازم طبعا احط ختمى عليها
فعمرها ماكانت شرط حالة العربية طبقا لمهنة صاحبها
انما المحافظة عليها وطريقة القيادة وطبيعة الشخص نفسة همااللى بيقيمو العربية
انما هاتعمل ايه للشعب المصرى

فعلا المعامله الشخصية للعربيه هيا إلى بتدل على حالتها و ربنا يكرمك إن شاء الله و تحط ختمك على كل العربيات إلى فى مصر

المشاركة الأصلية كتبت بواسطة muslima

حقد حقد حقد

يعني دي بس اللي مضايقاكم

طيب ما فيه جراجات بيبقى مكتوب عليها ممنوع الوقوف عشان ده جراج طبيب

عمركم سمعتم ده على مهنة تانية

يعنى كل البلد سلبيات فأحنا بناخدها حاجة حاجة يعنى لحد يمكن الحال مايتعدل شوية إن شاء الله
و على فكرة أنا مش بحقد ولا حد بيحقد كله راضى الحمد لله

المشاركة الأصلية كتبت بواسطة migo9898

هى يعنى علشان طبيب يبقى من البيت للعيادة ماهو اكيد بيعمل مشاوير تانى كتير زى اى حد كلامكو كل صح

فعلا المشاوير دلوقتى بقيت كتيرة جدا و الأستخدام الشخصى عمتا دا إلى بيحدد

المشاركة الأصلية كتبت بواسطة magyver

دة راي ....

منور يا باشمهندس

المشاركة الأصلية كتبت بواسطة amrelsaqqa

استعمال طبيب : عشان دى بلد شهادات وقال يعنى كمان مش بيستخسر فيها ومش متهانة ماهو طبيب بقى


استخدام سيدة : الكلمة دى سلاح ذو حدين

المعنى الكويس : العربية ما طلعتش على التالت في حياتها غير بتاع 5 او 6 مرات بس ولا حاجة ههههههه ، واقصى سرعة 60 غير حاجات كتير زي مثلا ولاعة السجاير سليمة والتابلوه فبريكة ونضيف وريحته حلوة

المعنى الوحش : العربية كانت بتتعامل بغشم وعايزة اسطوانة ودسك وتيل فرامل والموتور ياما مشى على الاول لحد الرد زون هههههههه والعربية ماغيرتش زيت ولازودت مية بقالها سنين ده غير شوية خبطات بالعبيط في الرفارف و في الاكصدامات

فعلا استخدام السيدات يا أما نضيف و العربيه كلها بارفانات يا أما لو بنت مستعجله بتبقى العربيه لا تساوى كيس شيبسى الحجم العائلى

المشاركة الأصلية كتبت بواسطة dr ahmed abdelghany

صراحة الجملة دى ممكن تخم أى حد عدا الدكاترة
الدكاترة عارفة إن إستخدام طبيب = عربية مطحونة كيلومترات ومطبات والدكتور بالذات لو كبير هيبقى مش فايق لصيانتها ونضاغتها والكلام ده

طلعنا كدة فى الموضوع دة بشهادة دكاترة الحمد لله
على العموم يا دكتور إن شاء الله ربنا يعطيك خيرها و يكرمك إن شاء الله

موضوع جميل
دا حتى الدكاتره بتختلف حسب طبيعة شغلهم دكتور انف وازن وحنجره اكيد غير دكتور تشريح هههههههههههههههههههههههه

المشاركة الأصلية كتبت بواسطة omaroof

موضوع جميل
دا حتى الدكاتره بتختلف حسب طبيعة شغلهم دكتور انف وازن وحنجره اكيد غير دكتور تشريح هههههههههههههههههههههههه

دكتور التشريح هيبقى كيلومتر أقل لأنه -غالباً- ماعندوش عيادة أو ماعندوش شغل كتير
في المقابل أعرف دكتور تشريح بينقل (حتت) في شنطة العربية لزوم مراجعة الدروس

(حتت) يعني ذراع، فخذ، رأس، كبد، كلية إلخ...

و عندك كمان كل العربيات القديمة كل ما اقرأ لها اعلان الاقي مكتوب مرفوعة مش عارف اللي خمشاشر و تمناشر سنة و اللي مرفوعة خمسة
و عندك الوحيدة في مصر
كلام في الهوا و خلاص

والله فكرتني بأيام زمان

الكلمة دي من إبتكار الباشاوات تجار السيارات الأوائل اللي هم الآن أصحاب المعارض والتوكيلات الكبري بدون مبالغة

وسبحان الله