مجرد جمله بتتقال , أستخدام طبيب !

**AMA** · 17-04-2010 10:25 PM

جمله الكل بيسمعها على طول
سيارة للبيع أستخدام طبيب !!
طيب و انا مالى طبيب ولا مهندس ولا صنايعى ولا مدرس
هوا الطبيب مثلا بيعمل عمليه جراحيه للسيارة يعنى ولا أية ؟ ولا لو دكتور أسنان مثلا ممكن يحشى ضرس العربيه لو حصلها بارومه أو صدأ !!!؟
بجد جمله غريبه جدا هدفها كله تعليه سعر السيارة و فى نفس الوقت البعد كل البعد عن النظر لحالتها طيب ماهو فيه أطباء كتير عربياتهم راشه دواخل أية المشكلة طيب ماهو بنى أدم و له سلوك عاديه جدا زى أى بنى أدم ممكن يدخل البيت عنده يقلع الجزمة و يحط الشراب فوق التليفزيون محدش بقى يقولى أن الشراب بتاع الجزمة هيطلع معقم بالمره

معلش أصل الموضوع غايظنى أوى دا أنا على كدة أطلع من دراستى و أدخل كليه طب و بعد ماأزهق من شغلى أشتغل تاجر سيارات بقى و أقولهم أصل أنا طبيب
مع أحترامى لكل الدكاترة أنا عارف أن الموضوع هيزعل ناس كتير
بس أنا بنتقد مستغلين الجمله دى لزيادة السعر و الأبعاد عن الحاله

**م.محمد علاء** · 17-04-2010 10:34 PM

دى مقوله كانت زمان..كان الغرض منها تحديد إستعمال العربيه كأستعمال خفيف...
فالطبيب شغله كان من بيته لعيادته وشكرا...فقط..
و إلى الآن..
انا والدى طبيب..و العربيه الأولى اللى كانت معاه 128 موديل 1982...الى الأن عامله100الف كم.
لأن مشاويره كانت من البيت الى اعياده..والعكس...و النتيجه ان العربيه مش بتمشى كتير..
المهندس مثلا...
عربييته بيقضى بيها مشاوير تخص شغله..
يا سلام لو مهندس مدنى...
بيروح بيها السايت بتاعه و الطريق مليان طوب و حصى,,والتراب ..
و هكذا..
طبعا المقوله دى مش بتطبق حاليا...لان كله فى الهوا سوا

**icehearted girl** · 17-04-2010 10:38 PM

هوا استعمال طبيب دا يبقي استعمال خفيف؟؟؟

دنا بعمل بتاع الف كيلو فلشهر مينيمم

هي بس كلمة تدل علي العناية المركزة للسيارة مش اكتر

ونظافتها ... وتعقيمها

بس هي فعلا وصف مستفز بيتحط في الاعلانات

**Ahmed Galal** · 17-04-2010 10:45 PM

ديه بس اللى زعلتك ده كمان اللى يكتب لك
1-عربية شاذة استغفر الله العظيم
2- و نادرة يعنى تشتريها و تلبس فيها و زيها كدة الوحيدة فى مصر و الوحيدة فى فئتها
3- و استعمال سيدة مع احترامى للسيدات يعنى عربية طلع عينها و الكل عارف سواقتهم
4-مرفوعة 100 سنة
5-الاستبن لم يلمس الارض اصله لو لمسها هايبقا اتنجس و لازم يهدر دمة
6-و بيع السيارة لدواعى السفر يعنى صاحبها ما كانش هايفارقها الا انه مهاجر و سايب البلد
7-و استعمال عائلة يعنى لو عربية شاب يبقا النار و بئس المصير

و حاجات كتير تنقط فى الاعلانات

**M.Zaher** · 17-04-2010 10:50 PM

المشاركة الأصلية كتبت بواسطة Ahmed Galal

ديه بس اللى زعلتك ده كمان اللى يكتب لك
1-عربية شاذة استغفر الله العظيم
2- و نادرة يعنى تشتريها و تلبس فيها و زيها كدة الوحيدة فى مصر و الوحيدة فى فئتها
3- و استعمال سيدة مع احترامى للسيدات يعنى عربية طلع عينها و الكل عارف سواقتهم
4-مرفوعة 100 سنة
5-الاستبن لم يلمس الارض اصله لو لمسها هايبقا اتنجس و لازم يهدر دمة
6-و بيع السيارة لدواعى السفر يعنى صاحبها ما كانش هايفارقها الا انه مهاجر و سايب البلد
7-و استعمال عائلة يعنى لو عربية شاب يبقا النار و بئس المصير

و حاجات كتير تنقط فى الاعلانات

هههههههههه

**hugan** · 17-04-2010 10:50 PM

اي كلام في اي كلام المهم انك تعرف تضحك علي الزبون ويتدبس في عربيه شوربه اصلها استعمال طبيب ما هي ممكن تكون فابريكه من الداخل وتكون العربيه بايشه والموتور قرب يقع من الحوض اصلها فابريكه يا باشا

**amir** · 17-04-2010 10:56 PM

المشاركة الأصلية كتبت بواسطة ama

ولا لو دكتور أسنان مثلا ممكن يحشى ضرس العربيه لو حصلها بارومه أو صدأ !!!؟

صباحو خلع
انت بقي مراقبني ولا ايه؟
ده انا حشيت ضرسها و سنها و بحشي عنب و كرنب كمان
و بغسل بقها كل يوم 3 مرات
بس فكره استخدام طبيب لو بجد يعني بتكون احسن
علشان فعلا عاده مش بيكون ليه في اللف و الدوران و التفحيط و التخميس و باقي الحاجات دي
يعني هي بتديك نظره عامه عن العربيه
انما الصيانه و مراعاه استخدام العربيه الاستخدام الصح مش بتكون عند كل الناس حتي لو دكاتره
بس برضو حرص مني بقي

-

-

الموضوع: مجرد جمله بتتقال , أستخدام طبيب !

LinkBack

أدوات الموضوع

عرض

مجرد جمله بتتقال , أستخدام طبيب ! - انشر الموضوع فى :

-

-

-

-

المواضيع المتشابهه

أستفسار هام عن أستخدام منظف الأنجيكشن stp

هل يفضل أستخدام زيت ثقيل لما المكنة تكون خفيفة ؟

أستخدام سلاح المقاطعة

هوه اسعار السماعات اللى بتتقال فى المنتدى عن كام سماعة ؟

الكلمات الدلالية لهذا الموضوع

المفضلات

المفضلات

ضوابط المشاركة