الموضوع: الدنيا ربيع و الجو بديع، ليه؟ علشان عادل دخل الماتريكس تانى!!!!!

على فكرة ، الحالة دى معروفة نفسيا من قبل فيلم الماتريكس وبيسموها فى الإنجليزية بالمصطلح الدارجbrain in a vat او ما معناه"المخ فى برطمان"،وده اجراء دفاعى بيتخذه الكثيرين ممن لا يستطيعون تبديل الأحوال السيئة من حولهم الى احوال اخرى ترضيهم، بوضع نفسهم فى حالة انعزال عن كل مجريات واقعهم والإكتفاء بما يحبون ان يسمعوا من اشياء ترضيهم وينجحون فى اقناع نفسهم بإن "كله تمام" ، او بالمختصر يضعون امخاخهم فى برطمان

وأنا قررت أرشح نفسي نايم في البرطمان (على وزن نائب في البرلمان)!!!!

خلينا ساكتين يا حسام و خلى صاحبك يدخل الماتريكس فى إطمئنان و سكينه و إنت ممكن تدخل اللانوس بتاعتك بس لوحدك :) عشان لو حاولت تاخد حد معاك إنت و اللانوس و الحد هاتدخلوا المتاتريكس بالإكراه :)

خلينا مستنيين نيو لحد ما يجى :)

على فكرة ياحسام مش صديقك بس اللي بيعمل كده..دا في ناس كتير كده وأنا منهم !!
أنا باستمرار مهموم بالمواضيع والقضايا اللي ذكرتها دي ودايماً باتنقل بين المواقع والمحطات الإخبارية والجرايد الأجنبية ..ودايماً باحس إن الدنيا مكركبة وهاتقع فوق دماغنا ..ولما أحب أخلع من المود دا ..بانعزل تماماً عن المواقع والمحطات والنقاشات دي ..
الغريبة إنك تحس فعلاً إن الدنيا " بمبي " والأحوال زي الفل ..وتشعر إن في حالة من الهدوء والسلام سيطرت على المناطق الملتهبة في العالم وإن مراكز الشرطة والأقسام المصرية أصبحت فنادق خمس نجوم !!!!

رسالة من السيد مورفيوس:
السيد محمود حفناوى: هل تأخذ الكبسولة الحمراء أم الخضراء؟

حسام حسن:
وصف رائع للواقع رغم اننا لا يمكن نقدر نطلع بره الماتريكس ولا نفضل فيها طول الوقت...

أحلى حاجة إن أنا أفضل داخل الماتريكس
لأني لو خرجت خراجها هاترشق من الغيظ و خصوصا السواقة و اللي بيسوقوا
و ربنا يخليني كدا جوه الماتريكس لغاية ما أهج من البلد دي و ارجع مكان ما كنت عايش و مبسوط

:) إنت تعتقد آخد الحمرا و لا الزرقا و ماتقوليش ده قدرك و إختيارك يا مورفيس :) أحسن لو قولت كده هاضرب الإتنين :)