الأسواء في مباراة القمة 105
مباراة فيها ستة اجوال من اول دقائق حتى الوقت بدل الضائع..فما هو الأسوأ فيها؟؟ دا رصد لبعض السلبيات من وجهة نظري اعرضها على الأعضاء إللي بيفهموا في الكورة مش المتحمسين والمتعصبين على الفاضية والمليانة:
- عدم قدرة الزمالك على الحفاظ على تقدمه حتى في آخر 10 دقائق من عمر المباراة الأصلي..حاجة غريبة مش كدا..الموضوع اتكرر مع الأهلي كتير، فاكرين مباراة الأهلي والزمالك في الكأس (2007) لما الزمالك كان بيتقدم والأهلي يتعادل حتى الدقائق الأخيرة من المباراة ولكن لما تقدم للأهلي بهدف استطاع الأهلي الحفاظ على التقدم وخلصت المباراة بالتقدم دا.
- الجول الأخير للنادي الأهلي جاء وسط غابة من الفانلات البيضاء
- ضعف اللياقة البدنية للاعبي الأهلي والزمالك (وبخاصة الزمالك)
-الميوعة في اللعب من لاعيبة الأهلي (الله يشفيك يا احمد يافتحي) لاعيبة الأهلي بيتفرجوا على اللعيب إللي معاه الكرة وبيوصولوه بالسلامة لحد الـ18..مافيش التحامات ولا اداء physical حاجة ياي خالص
حتى حارس مرمى الأهلي بيلعب بميوعة (الله يمسيك بالخير يا إكرامي) المفروض إن حارس المرمى لما يصد الكرة يحط فيها قوة بحث تترد من ايده لأبعد مكان مش يصلحها للمهاجمين في الـ18
- الأهلي كان بيلعب بدون مدير فني، فقط بخبرات اللاعيبة. بدليل نزول اسامة حسني على اي اساس، حد فاهم؟؟؟ يمكن علشان إنه شيخ وكعبه عالي على الزمالك
اسوأ مدير فني: حسام البردي
اسوأ لاعب أهلاوي: أحمد علي
اسوأ لاعب زمالكاوي: عمرو الصفتي
اسوأ حارس مرمى: احمد عادل عبد المنعم
اسوأ لياقة بدنية: حسين ياسر محمدي
حد عنده سلبيات أخرى؟؟