الموضوع: فيشة رقم الأوكتين

ايوه لانوس 99 فيها الفيشه دىو حتلاقيها تحت الكرسى الى جنب السواق من تحت الموكيت
و فعلا لما شلتها وفرت معايا فى استهلاك البنزين لان العربيه بقت مظبوطه على اوكتين 91 و لو عاوز تستخدم اوكتين 95 اعمل شورت بين الثلاثه بينات و كان فيه موضوع قبل كدة فى المنتدى و اتكلم فيه الاستاذ ممدوح عن الموضوع دة برضه ممكن تدور عليه كان فيه شرح وافى كتير

انا معاي لانوس 2008 زيرو كامله الاقي الفيشه دي فين ولا تنصحوني بايه علشان اوفر بنزين شويه لان معظم مشاويري جوه البلد فملاحظ ان ال20لتر ممكن يعملو من 190/200كم مع العلم اني بمون 92

وهل اما اشيل الفيشه دي يكون في خطر علي المتور ولا ايه ارجوكم افيدوني

المشاركة الأصلية كتبت بواسطة mohamed sedek

وهل اما اشيل الفيشه دي يكون في خطر علي المتور ولا ايه ارجوكم افيدوني

بعد قرائه كل المواضيع المكتوبه عن موضوع الفيشه لاقيت كل الناس بتقول ان سحب العربيه زاد لكن استهلاك البنزين لم يتاثر

اخر مره كنت فى ابو رواش كنت بدردش مع مهندس هناك و سالته عن الموضوع و قال الاتى حرفيا:
"الفيشه دى مش بتحدد نوع الاوكتين اللى بتستعمله دى بتخللى العربيه تستجيب مع اى نوع اوكتين انت بتحطه يعنى 90 او 92 او 95 و العربيه تظبط نفسها لوحدها عشان كده ممكن تحط 90 مش شرط 92 لكن لوانت بتستخدم بنزين 92 و شيلت فيشه الاوكتين وبعدين حطيت 90 هتلاقى العربيه مبرجله و مش هتظبط تانى الا لو رجعت الفيشه تانى لكن لو انت استمريت على نفس البنزين بدون تغير قبل و بعد الغاء الفيشه مش هيحصل مشكله و احنا اى عربيه بتجيلنا عامله كده بنركبلها سلك الاوكتين تانى"

خلاصه الكلام انه لا يوجد ضرر من فصل سلك الاوكتين بشرط عدم تغير نوع البنزين اطلاقا