السلام عليكم ياشباب المنتدى كنت عايز اركب زجاج ومرايات كهرباء لعربيتى كورولا98 ياترى ينفع ولا لأ ولو هينفع الزراير بتاعة التحكم هتركب فين ولا هيبوز الشكل الداخلى ياريت لو حد عمل الموضوع ده يفيدنى وهتكلف حوالى اد ايه وبيتعمل فين ؟؟؟؟شكرااااا
عرض للطباعة
السلام عليكم ياشباب المنتدى كنت عايز اركب زجاج ومرايات كهرباء لعربيتى كورولا98 ياترى ينفع ولا لأ ولو هينفع الزراير بتاعة التحكم هتركب فين ولا هيبوز الشكل الداخلى ياريت لو حد عمل الموضوع ده يفيدنى وهتكلف حوالى اد ايه وبيتعمل فين ؟؟؟؟شكرااااا
طبعا ممكن ياباشا بس انسب حاجه تنزل تجيب فرش ابواب بمكن الزجاج ولوحة التحكم وتركبه هيكلف في حدود 1100 جنيه المرايات ممكن تون صعبه شويه وده لان معظم العربيات المتقطعه بتبقي دركسيون شمال
الله يباركلك ياباشا على الافادة بس معلش هتقل عليك هو بيتجاب و بيتعمل عند مين ؟؟ والف شكر ليك
زى ما قال استاذ سامح الراجل متخصص فى التعديلات و كله فابريكة انا هاعمل نفس الموضوع ان شاء الله بس اما يبقا فيه سيولة و اكيد من الحرفيين و شكلى هاجيب باكتات قدام بس عشان مش محتاج ورا فى حاجة
ما تقلقش ما فيش أسلك من اليابانى و بالذات الكورولا اللى معانا الباكتة هاتركب على طول هيا نفس المقاس بتتكبس فى الباب و كمان لما تيجى تنيقها ما تكنش متبهددلة و متقطعة و اكيد السويتش بتاع الازاز على التجربة و المواتير كمان يعنى لو فيه حاجة ترجع و الباب من جوه عندى انا فكيت الباكتة و لقيت فيه مكان اخرام زيادة يعنى زى ما تقول بينزل من المصنع جاهز للحالتين مانيوال و عادة و بعدها يركب فيه المكنة بتاعته يعنى كمان التخريم احتمال ما تحتاجوش انا كل بقا اللى خايف منه الكهربا هاتتاخد منين عشان كل اللى فات اقدر اعمله بنفسى الا موضوع الكهربا و هل هايبقا فيه فيوز عشان يحمى الدايرة و لا لأ هيا حوارات الكهربا ديه اللى بتعجزنى فى العربية لان غلطتها بفورة
طيب وكورولا 99 عيون؟
اماكن المرايات موجودة
ولكن الازاز من قدام هل هيكون جنب الفتيس والهاند؟ ولا بيكون في الباب؟
ولو تعرف التكلفة يبقى شكرا يا رجالة
شكرا يا باشا
شوفلي الموضوع هيكون في حسبة كام وطبعة اصلي انا مش بركب مضروب
وعلى اقل من مهلك اصل مفيش سيولة خالص خخخخ
:b4_388: ياريت والله لأن أنا كمان عاوز أركب زجاج كهرباء
بـ عيون 2000 ( رموش ) :b4_388:
ياجماعه انا حولت الزجاج بتاع العربيه بتاعتي يعني الموضوع مريت بيه وعندي فيه خبره كويسه وكمان هغير عربية اخويا وهي نفس الكورولا بتاعتي 94 ولو حد عاوز مساعده انا تحت امره
ياسلام ده احنا كنا مستنيينك عملته فين وبكام وياترى فى مشاكل قابلتك وينفع على الكورولا 98 عيون ولا لأ وايه اخبار المرايات عملتها ولا لأ معلش اسئلة كتير هتعبك معايا..
و انا كمان يا سامح باشا انا بس عايز اعرف سكة الكهربا كانت اذاى الله يكرمك و يباركلك عشان اعمل الموضوع لوحدى لان الفك و التركيب سهل جدا
عملته في الزقازيق من فتره بالنسبه للسعر كان في حدود 1200 جنيه تقريبا بالنسبه للمشاكل الحمدلله مفيش مشاكل نهائي . اكيد ينفع بس لازم يكون واحد بيشتغل في استيراد العيون . معملتش المريات . انا تحت امرك
لوحدك الموضوع صعب مش زي ما انت متخيل
اللي عملته كالتالي
روحت لواحد بتاع قطع الغيار اللي بتعامل معاه وبالمناسبه هو صاحبي
طلعنا طقم الابواب الاستيراد وروحنا للكهربائي
فكينا الفرش والزراير والمكن الداخلي والضفيرة والفيش وكل حاجه وركبناهم عندي
من الاخر الموضوع فابريكه محدش يقدر يعرف ان متركب ابدا بس طبعا الزراير هي اللي ممكن يتعرف منها لان الاستيراد كلو يمين .
الموضوع استغرق وقت حوالي 7 ساعات من الشغل يعني ممكن تسيب العربيه وترجع ليها
وعاوز اضيف ان الموضوع فرق كتير معايا طبعا
اول حاجه لما اشغل التكييف كنت الاول وانا سايق اقفل كل باب لوحده وبهدله ولوحد بيكلمني من الباب التاني اضطر افتح القزاز وحاجه بهدله دلوقتي الموضوع فرق طبعا كتير
الحاجه التانيه ركبت وحدات رفع ظبط العمليه تمام
وفي الاخر انا تحت امركم وخصوصا انت يا احمد
ربنا يكرمك يا استاذ سامح و يباركلك انت كده وضحت لى موضوع الكهربا شكله محتاج حد كويس و ان شاء الله لما يبقا فيه سيولة هانزل اعمله فى الشرقية عشان انا تعبت من بتوع الحرفيين بيبالغوا فى الاسعار جامد و فعلا موضوع الازاز اليمين ده متعب و باعانى منه عشان اكلم حد او اشغل التكييف ربنا يباركلك فى العربية و يستر طريقك
الف شكر ليك على الافادة..