-
ياعم انا ماشى بعربية ولدتى مدة طويل 4 سنين وقفت فى كماين بعدد شعر راسك مفيش مشاكل خالص امشى بيها اهم حاجة تكون معاك رخصة العربية قانونا مفيش مشاكل افرد انت ماجر عربية هيديك توكيل اة ياعم عادى
-
بين الوالد و الابن عادي لأن موضوع الرخصه دي بس علشان تثبت ملكيتك للعربيه اللي انت راكبها متكونش مسروقه. فلو اسم ابوك و انت بتبقى عادي بس عربية اي حد تاني بدون توكيل بتبقى مشكله الا لو الامين او الضابط كبر دماغه. لو ترخيص او اي حاجه لازم لازم توكيل حتى لو عربية والدك
-
انا عندي نفس القصه وان العربيه باسم والدي وكنت شاكك كده فكنت في اشاره في الدقي فسالت ظابط السؤال ده قالي عادي ممكن تسوقها بدون توكيل بس يفضل يكون معاك وانا بسوقها عادي , انا ليا واحد صاحبي بيسوق العربيه وهي باسم والدته وكان ماشي بتوكيل منها ووقف في اكتر كمين واتطلب منه التوكيل
-
ممكن تقابل ظابط رخم لان المفروض قانونيا لازم يكون معاك توكيل من والدك
-
العربيتين مش باسمى ...
باسم والدى ...
بس مره عسكرى وقف اخويه و قاله فين التوكيل ...
اخويه قاله عمو فلان مقاليش (قائد المرور الى هنا)..
قاله طيب يا باشا ابقى اساله بس و اتاكد ..و حصل خير ..
اخويه قاله لا مش هساله و مش هتاكد ...
قالو و مالو يا باشا ...
و مشى ....
-
انا سوقت عربيه باسم والدى 10 سنين ولا حد سألنى عن التوكيل ولا مره
-
لا يوجد توكيل بين الاب وابنة ,الا فى حالة البيع فقط ,واجراءات تجديد الرخصة لازم يكون صاحب العربية موجود ايا كان الوالد او الابن
واللى يقولك هات التوكيل قدامك حل من الاتنين :
1:ياتقولة خد كلم بابا :B4_564:
2:ياتحط الرخصة فى عينة :khd:
لانة كدة بيخالف القانون
-
اعتقد كذلك أيضا بالنسبة للأخ
-
لو محدش معاه توكيل من الام
ابقى خلي معاك نسخه من شهادة الميلاد وقسمية الجواز
والرد يكون كالاتي
الست دي مرات الراجل ده والراجل ده ده يبقى ابويا اذا الست دي امي هههههههههههه
نظام مروري جميل جدااا وبسيط
-
مشكورين على الردود المفيدة والكوميدية... :)
:vctry:
Content Relevant URLs by
vBSEO 3.6.0 PL2
