حسبي الله ونعم الوكيل....كمين كوبري عبود

**Ahmed Mubarak** · 20-04-2010 11:52 AM

طنش وابتسم انت فى مصر

**XXXMEMOXXX** · 20-04-2010 12:05 PM

عاااااادي جدااا,, انت في مصر ,,نوع من انواع الاذلال مش اكتر ,, بس المهم لما يفتش العربيه تكون معاه يعني عينك ماتفرقهوش , وبجد مهم جدا الموضوع ده لانه حصل مع واحد صاحبنا وحطوله سكينه في العربيه ,, وكان شايفهم ,, وبدل ما كان ساكت هو اللي فتح فيهم وزعق ,, لولا كده كانوا خدوه
وربنا يسترها علينا

**M.Alshafie** · 20-04-2010 12:46 PM

المشاركة الأصلية كتبت بواسطة kok3

ايه يا عم انت وهو الكلام دا مين دا اللى يفتش العربيه انت عبيط طبعا لا واتمسك بحقك واطلع معاه على القسم وكلم المامور كمان ولو وصلت لمدير الامن وروح لمفتش الداخليه بنفسه اللى الظابط بيشخ على نفسه منه مش من حقه يفتشك لا انت ولا عربيتك غير باذن من النيابه او حاله من حالات الاشتباه طالما انت واثق من نفسه اقسم بالله توديه فى داهيه هيا سايبه ولا سايبه بالقانون وبالحق بس نظامنا هنا مشى حالك لما البلد راحت فى داهيه لا متمشيش حالك خد حقك وحقك انك متتفتش انت مش مسجل خطر ولا سوابق انت مواطن مصرى محترم واللى ميحترمك متسبوش ومتسبش حقك بس دا اللى عندى وعصبتونى والله محصلتش قبل كدا معاايا الحكايه دى ومش هتحصل

ما هو عشان ما حصلش معاك الموضوع ده فانت بتقول كده و اديك انت بتقول مش من حقه يفتشك غير لو معاه اذن نيابه او مشتبه فيك طب ما ممكن بمنتهى البساطه يقولك انا مشتب فيك ساعتها هتعمله ايه و من حقه ساعتها انه يفتشك هتقول عليها هيافه منه رخامه تناكه قول زى ما انت عاوز بس حقه و نصيحه بلاش مقاوحه قوى معاهم بالقانون الا لو لقيك واسطه عشان ماحدش يرخم عليك لان القانون هما عارفينه كويس و عارفين ثغراته فين
و نصيحه كمان زى ما فى عضو قال عينك عليه و هو بيفتش احسن يرميلك حاجه فى العربيه و يتبلى عليك لان دول ناس فعلا ماعندهمش ضمير و لا ذمه ربنا يرحمنا منهم

**SkyBird** · 20-04-2010 06:16 PM

لان القانون هما عارفينه كويس و عارفين ثغراته فين

معظم ظباط الشرطة للاسف ميعرفوش القانون و حتى تقاريرهم ممكن اصغر محامي يطعن فيها (حتى لو سلمت من الاخطاء الاملائية )
ووكلاء النيابة لالسف يطرو انهم يطلعو مجرم براءة بسبب سؤ تصرف ظباط الشرطه
اما عن تفتيش السيارات بدون تصريح من النيابة فالموضوع ده مش اكتر من شو ومظهره وحفظ هيبة الدولة لان الظابط حتى لو لقى كيلو حشيش في العربية اللي هيحصل ان تاني يوم النيابة هتدي صاحب العربية براءة لبطلان اجراءات التفتيش
فالرأي السليم والحكيم ان محدش يقاوح مع ظباط الشرطه لان القاضي هو وكيل النيابة وليس ظابط الشرطة

**kok3** · 20-04-2010 07:03 PM

يا عم انا راجل محامى ووالدى كان ظابط شرطه يعنى عيله قانون فى قانون ملوش حق يفتش ام العربيه والقانون بيقول الاجراءات دى باطله قانونا يعنى لو حط حته حشيش او طن حشيش زى بعضه ملوش لزمه والنيابه هتبطل القضيه علشان مفيش ازن نيابه والاجراءات باطله ومش هرحمه الظابط اللى يعمل كدا علشان فيه ناس مسئوله بتحاسبهم العمليه مش يمزاجه هيا طول ما انت صح ومظبوط فوت فى الحيطه حتى هو ليه يسالك عن الرخص ويتكلم فى المخالفات اذا كان فيه دا شغله غير كدا يبقى بيرخم ومرحب بيه المفتشين بتوع الداخليه مستنين الشكاوى دى والظباط بيموتو فى جلدهم من المفتش يعنى ممكن تجيله سكته قلبيه لو بس جبتله سيرته علشان هيعرف انك فاهم حقك كويس فى نفس الوقت انت بتتكلم معاه بكل احترام وزوق رخم عليك متسكتلوش البلد دى بلدنا مش بلدهم هما شغالين عندنا افهم كدا

**SkyBird** · 20-04-2010 10:57 PM

المشاركة الأصلية كتبت بواسطة kok3

المفتشين بتوع الداخليه مستنين الشكاوى دى والظباط بيموتو فى جلدهم من المفتش يعنى ممكن تجيله سكته قلبيه لو بس جبتله سيرته علشان هيعرف انك فاهم حقك كويس فى نفس الوقت انت بتتكلم معاه بكل احترام وزوق رخم عليك متسكتلوش البلد دى بلدنا مش بلدهم هما شغالين عندنا افهم كدا

ممكن عنوان ادارة التفتيش في وزارة الداخليه يا باشا ؟
وهل ممكن المواطن يشتكي ظابط شرطه ؟

**hugan** · 20-04-2010 11:11 PM

المشاركة الأصلية كتبت بواسطة kok3

ايه يا عم انت وهو الكلام دا مين دا اللى يفتش العربيه انت عبيط طبعا لا واتمسك بحقك واطلع معاه على القسم وكلم المامور كمان ولو وصلت لمدير الامن وروح لمفتش الداخليه بنفسه اللى الظابط بيشخ على نفسه منه مش من حقه يفتشك لا انت ولا عربيتك غير باذن من النيابه او حاله من حالات الاشتباه طالما انت واثق من نفسه اقسم بالله توديه فى داهيه هيا سايبه ولا سايبه بالقانون وبالحق بس نظامنا هنا مشى حالك لما البلد راحت فى داهيه لا متمشيش حالك خد حقك وحقك انك متتفتش انت مش مسجل خطر ولا سوابق انت مواطن مصرى محترم واللى ميحترمك متسبوش ومتسبش حقك بس دا اللى عندى وعصبتونى والله محصلتش قبل كدا معاايا الحكايه دى ومش هتحصل

الكلام ده جامد اوي بس فين في مصر اشككككككككككككككككككككككك كككككك