شكر واجب للاستاذ مينا و المهندس هشام جيبولى

**washable** · 18-04-2010 09:19 AM

شكرا ............. شكراااااااااااااا .. شكر خاص و تقدير منى خاص للاستاذ مينا المحترم المتمكن اللى فعلا طمأنى ان منتدانا العزيز نايل موتورز ..

احب كمان اشكر الاستاذ مينا على نصيحته ان اللى عايز يكشف على عربيه جيب يروح للمهندس هشام اللى فى صقر قريش (((مركز صيانه جيبولى)))... الراجل ماشاء الله عليه كان معايا عربيه جيب شيروكى 2006 و كنت عايز اكشف عليها قبل ما اشتريها ..

صاحبها كان عايز يضحك عليا و يلبسهانى و لكنى سئلت و عرفت المهندس هشام و الراجل مسك العربيه عملى فحص شامل عليها و طلعلى ان فيها مشاكل و ان العربيه داخله على وش سلندر و البوجيهات مصديه و ان حرام ادقع فيها مليم... فلوسنا حلال :)

شكر خاص تانى للمهندس هشام و حبيبى العظيم الاستاذ مينا.اشكركم على مجهوداتكم الكبيره و احترامكم لينا و مساعدتكم

م. احمد الحماقى

**mmffor** · 18-04-2010 11:31 AM

كان مطلوب فيها كام؟

**M!NA** · 18-04-2010 12:09 PM

المشاركة الأصلية كتبت بواسطة washable

شكرا ............. شكراااااااااااااا .. شكر خاص و تقدير منى خاص للاستاذ مينا المحترم المتمكن اللى فعلا طمأنى ان منتدانا العزيز نايل موتورز ..

احب كمان اشكر الاستاذ مينا على نصيحته ان اللى عايز يكشف على عربيه جيب يروح للمهندس هشام اللى فى صقر قريش (((مركز صيانه جيبولى)))... الراجل ماشاء الله عليه كان معايا عربيه جيب شيروكى 2006 و كنت عايز اكشف عليها قبل ما اشتريها ..

صاحبها كان عايز يضحك عليا و يلبسهانى و لكنى سئلت و عرفت المهندس هشام و الراجل مسك العربيه عملى فحص شامل عليها و طلعلى ان فيها مشاكل و ان العربيه داخله على وش سلندر و البوجيهات مصديه و ان حرام ادقع فيها مليم... فلوسنا حلال :)

شكر خاص تانى للمهندس هشام و حبيبى العظيم الاستاذ مينا.اشكركم على مجهوداتكم الكبيره و احترامكم لينا و مساعدتكم

م. احمد الحماقى

أنا اللي أشكرك على ذوقك و كلامك دا يا باشمهندس أحمد.... و صدقني بتبسط جدا لما بلاقي حد بيسأل سؤال أعرف اجابته و أقدر أساعده فيه....

المهندس هشام طبعا انسان محترم جدا.... و أنا اتعاملت معاه طول ما كانت عربيتي جيب شيروكي... بدرجة أن الحاجة الوحيدة اللي ضايقتني لما جبت اللاند كروزر... أني مش هصلح عندهم تاني.... بس طبعا ربنا كرمني بناس ممتازين مايقلوش احترام عن هشام و مركز جيبولي...

و اللي بيفكر ياخد الخطوة و يغير من جيب للاند... be my guest... :)

**M!NA** · 20-04-2010 12:43 AM

المشاركة الأصلية كتبت بواسطة washable

و الله يا mmfor الراجل كان طالب 180,000 لكن المهندس هشام قاللى انها غاليه و ان السعر ده يعنى المفروض تكون العربيه زى الفل و مفيهاش غلطه..

اشكرك يا استاذ مينا :) و ممكن نبدا ناخذ فكره عن اللاند كروزر :) ميضرش نعرف برده يمكن تطلع هى اللى فيها المفيد

لو بدأت الكلام عن اللاند كروزر... كلامي مش هيكفي أني أوصف آدائها.... :)

عموما دا موضوع كنت عملته من فترة ....

شوفه... و أي أسئلة أنا تحت أمرك....

http://www.nilemotors.net/Nile/98153-70.html

**mantoros** · 20-04-2010 10:14 PM

أحب أضم صوتي بخالص العرفان و التقدير لمينا و المهندس هشام:
م.هشام انقذني اليوم من معربية مصيبة شيروكي حمراء موديل 1998 معروضة علي كونتاكت كارز رحت رفعتها عنده و طلعت مخبوطة من قدام و القوايم كلها معوجة و مرشوشة !!!!!
بس هما أصحابها تاني يد و شكلهم اتضحك عليهم من اللي قبلهم برده...بس اللي ضايقني انهم نزلوا اعلان تاني اليوم كتبوا فيه دواخل فبريكة !!!!!!!!!!!!
ربنا يهدي يا رب

الحمد لله ربنا ستر و أكرر شكري مرة أخري لمهندس هشام و طبعا حبيب قلبي أخي العزيز اللي بجد بدعيله كل يوم و اللي دايما بستشيره...مينا باشا

و الله الموفق

**mantoros** · 21-04-2010 01:06 PM

انا بطلت اتكلم عن التيجو عشان كل مرة اقول حلوة تتخبط العربية !!!!!

عشان كدة العربية وحشة يا جماعة :-)

**attiahf** · 21-04-2010 02:36 PM

معلش الظاهر لازم تدبح حاجة؟؟

**washable** · 23-04-2010 08:26 AM

mantoros و الله عندك حق فعلا المهندس هشام ده راجل فاهم مش اى حاجه :) و مبروك ان ربنا نجاك من النصابين دول .. انت عارف ان اللعب فى الجيب ده كتير جدا ما انا بقولك كان هيدحك عليا فى 2006 :) تخيل ياللا حمد الله على السلامه فلوسك حلال يا باشا :)