الموضوع: كل ما تريد أن تعرفة عن الباسات 2010 tsi 1.4 p1

الحمدلله قدر و لطف
و انا راجع من بورسعيد للغردقة و يادوبك عديت بوابة التفتيش إذ بي أفوجاء بأن العربية "مورت" لوحدها و طلعت لي رسالة ع الشاشة ان في مشكلة في فرامل الركن الألكترونية و ان علي مراجعة كتيب السيارة
طبعا انا حسيت انه الميكاترونكس اللعينة
حاولت اني انقل مانيوال او النمط الرياضي بس مفيش نقلة بتعشق
سبت العربية تمشي براحتها لحد ما وصلت عند مفرق الجونة و رحت واقف .."حتة عمار شويتين"
المهم جربت اطفي و ادور بس العربية مش راضية تدور و لمبة نقلات الفتيس عاملة تنور و تطفي
ونفس الرسالة الغبية بتاعة الفرامل عمالة تطلع حاولت معها برضه بس ما فيش فايده
المهم المغرب دخل علينا انا و الاولاد قلت ما بدهاش رحت مكلم مهندس توكيل فولكس فرع الغردقة "ايزي واي" المهندس محمد راجل محترم فعلا رد عليا رغم ان مواعيد الشغل خلصت
ووعدني انه يبعت لي الونش... وفعلا خلال 25 دقيقة وصل الونش بقيادة الأستاذ ميدو و شالوا العربية ع التوكيل و انا اخدت ليموزين و صلني انا و الاولاد للبيت
تاني يوم رحت التوكيل و قابلت المهندس مصطفى المسؤل عن الضمان و وعدني انه حيبعت على قطعة الغيار المطلوبة من العبور ... لو موجوده يبقى ممكن استلم العربية خلال اسبوعين لو مش موجوده يبقى حيستوردوها من المانيا و الموضوع حيخش في شهر
وللأسف طلع السيناريو التاني هو اللي حيمشي و كمان اكتشفت ان في 6 عربيات معايا في توكيل الغردقة مستنين نفس القطعة
المهندس كان مستغرب ان الميكاترونكس قعدت لحد 110 الف كيلو من غير ما تبوظ....دا كما قالي ان في عربيات جابت ميكاترونكس بعد 5 الاف..
نحن الا في انتظار وصول الميكا من المانيا و الله المستعان

تم بحمد الله اصلاح السيارة بعد تركيب وحدة الميكاترونكس الجديدة بدون دفع اي مقابل مادي
رايي الشخصي ان ناقل الحركة احسن بكتير من الأول و رفع اداء العربية بشكل ملحوظ