حياتك vsالتوفير في الوقت لكل 100 كم مسافة

التوفير في الوقت لكل 100 كم مسافة عندما تسير في السيارة

بسرعة 160 بدل 120 كم \ساعة هو 12 دقيقة فقطالتوفير في الوقت

لكل 100 كم مسافة عندما تسير في السيارة بسرعة 180 بدل 120 كم \ساعة

هو 16 دقيقةفقط

التوفير في الوقت لكل 100 كم مسافة عندما تسير في السيارة

بسرعة 200بدل 120 كم \ساعة

هو 20 دقيقة فقط

الثقة مع السرعة لا تمنع الحوادث، وكل من أصيبوا في حوادث السرعة

كان لديهم الثقة 100% بأنه لن يقع لهم حوادث

هل تبيع نفسك ، أطفالك ، أعز أقاربك ، والآخرين .... إعاقات دائمة ...مستشفيات من أجل توفير 12 أو 16 أو 20 دقيقة

أسأل الله لكم ولأولادكم وأهليكم وللجميع السلامة الدائمة .....

هذه عبرة لمن لا يعتبر

حادث سمو الشيخ جاسم بن حمد بن خليفة

يرحمه الله

وهو من شيوخ قطر

ومعه سيارة تعتبر من السيارات الأكثر أماناً في العالم مرسيدس slr

شوفو السيارة .. اللي تعتبر محطمة الرقم القيــــاسي في الأمـــــان الصور في المرفقات

وجدول الفرق في السرعات بالدقائق



اللون الأحمر مخصص للمداخلات الادارية لذا تم تغيير اللون
رجاء مراجعة قواعد المنتدى

7:03pm 18/4/2010
مشرف القسم 9ب

ربنا يباركلك على النصيحة وفعلا السرعة الزائدة ليس لها أهمية كبرى

السرعة الزائدة هى فقط حب وتشوق للسرعة وللمغامرة ولكن فيها مخاطرة كبيرة وتؤثر على الآنسان من العصبية والآنفعال والتوتر
وربنا يسترها علينا جميعا

كنت مرة ماشي بسرعه شوية و انا طالع الكوبري لقيت بنتي سنتين و نص بتقولي باحه بابي ( بالراحة يا بابي ) انا معرفتش جابت الكلمه دي ازاي يعني الواحد فعلا لما بيمشي بسرعه زيادة عن اللزوم بيسبب برضة ذعر للشخص اللي راكب جنبه و هو بيفتكر ان دي فتاكه و مكنتش مصدق مراتي لما بلاقيها قاعده سانده ايدها علي التابلوة بفتكرها بتهزر معني مش بفرمل بسرعه و لا حاجة بس فعلا لما بركب جنب حد بيجري جامد ببقي مش مستريح و نفسي اوصل سليم و خلاص

و عندك حق فعلا الواحد مش بيوفر اي وقت لان عندنا في البلد دي مجرد اختيار حارة خاطئة في المشي ممكن يعطلك نص ساعه كامله

الف شكر علي الاحصائيات الجميله

موضوع جميل جامد جدااااا

وفعلا الفرق مش مستاهل

موضوع رائع فعلا ، ياريت الناس كلها تاخد بالها من الموضوع ده ، وجزاك الله كل خير .

ياريت كل الناس تعتبر وتبطل جنون السرعة
شكرا للموضوع

شكرا للنصيحة وربنا يجعلنا جميعا من منفذييها

موضوع رائع ...
والله انا مش هكدب و اقولك انى سواق هادى ...
انا "كنت" بجرى ..
و بجنون ...
كنت بوصل لسرعات غير عاديه فى اماكن محدش يصدقها ...
مكنش قصدى المنظره ..
ولا اى حاجه
..
حب للسرعه و خلاص ...
اه العربيه ثابته ...
فراملها قويه ...
كل شىء تمام ...
بس اتحطيت فى كذا موقف ...
اكدولى ان مفيش كبير ...
ماشى حوالى 160 او 170 ...
فجاه لقيت واحد ادامى ماشى مثلا 40 !!!!!!!!
و جميه واحد زيه ...
ماشى بالراحه جدا ....
انا من كتر ضغطى على دواسه الفرامل ...
كان نفسى يبقى ليها مشوار تانى اد مشوارها اربع مرات عشان الحق افرمل ...
كان عندى يقين انى هلبس في واحد منهم...
لدرجه انى رفعت راسى لفوق اشوف كبوت عربيتى و انا بدخل فيه ...
احساس مرعب فعلا ...
و اقسم بالله ...
لولا ان قدرى انى معملش الحادثه كان زمانى ميت دلوقت ...
العربيه فرملت بقوه اكبر من قوتها ...
سبحان الله ..
والله انا مكنتش مصدق نفسى فعلا ...
كسبت ايه فى الاخر ؟؟
ولا حاجه ...
انا بحمد ربنا انى معملتش حادثه ..
و الموقف ده حصلى كذا مره ...
بس المره دى الى خلتنى خلاص ...
فعلا اترعبت..
اخرى لو طريق فاااااااااااضى 130 ...
الحمد لله على كل شىء ...

شكراً ....
يا رب الناس تتعظ بقى

أكيد كل الكلام ده صحيح 100 % وهي فرق دقائق

والله ما بتفرق ماشى 100 120 140 هى هى
يبقى ليه السرعه
هنا فى مصر تلاقى واحد ب بى ام طاير من جنبك وشويه تلاقيه جنبك فى الاشارة يبقى فايدة الجرى ايه ؟ ولا حاجه
وربنا يستر علينا جميعا
وشكرا اخى الفاضل

شكرا بجد موضوع رائع
وربنا يسترها علينا جميعا ويكفينا شر الحوادث

موضوع جميل و يا رب الناس تتعظ
و بعد اذن صاحب الموضوع هحاول ابعته بالميل ( كمنقول ) لكل صحابى و معارفى
يمكن يكون مساهمه فى انقاذ ارواح

اقتباس:

---

المشاركة الأصلية كتبت بواسطة el prince

موضوع جميل و يا رب الناس تتعظ
و بعد اذن صاحب الموضوع هحاول ابعته بالميل ( كمنقول ) لكل صحابى و معارفى
يمكن يكون مساهمه فى انقاذ ارواح

---

ابعت لي ايميلك وانا ابعت لك الايميل بتاع الموضوع ده وفيه صور اكتر

شكرا على الاحصائيات لعل المسرعون يرتدعون

موضوع رائع شكرا على النصيحه

موضوع جميل جداً وياريت الناس تتعظ .. واللي مستعجل يعمل حسابه في الوقت. مواعيد وأموال الدنيا كلها ماتساويش التسبب في الضرر للنفس أو للغير.

موضوع جميل ربنا يباركلك
وفعلا زي ما احد الاعضاء قالوا احيانا بجري داخل البلد لما اكون مستعجل وشمال ويمين والاخر الاقي اللي بعديهم واسبقهم جنبي فى الاشارة

الفروق بسيطة جدا
المشكلة ان الواحد بجرى وخلاص
يعنى حب للسرعة وخلاص
وحصلى موقف مشابه لموقف خالد
بس كنت ماشى 140 مثلا

من افضل الموضوعات التى قرأتها فى المنتدى ومن اكثرها افادة للجميع..

ارجو تثبيت الموضوع لأهميته والفائدة منه..

مشكور....

شكراااا لصاحب الموضوع
وانا اكتر حاجه بتدايقنى فعلا انى اكون ماشى على 90 على الدائرى فى الحارة الشمال (اللى هيا بتاعتى اصلا لاقصى سرعة على الدائرى 90) وتلاقى واحد كابس فيك وقاعد يديك فى كلاكسات وانوار
ولا الناس اللى بتعدى من جنبك تقولشى راكب طيارة
ربنا يرحمنا لان للاسف الناس دى لما بتعمل حوادث مش بتضر نفسها بس دى كمان بتضر ناس ملهاش اى ذنب غير انها ماشية محترمة

اقتباس:

---

المشاركة الأصلية كتبت بواسطة nasroo

التوفير في الوقت لكل 100 كم مسافة عندما تسير في السيارة

بسرعة 160 بدل 120 كم \ساعة هو 12 دقيقة فقطالتوفير في الوقت

لكل 100 كم مسافة عندما تسير في السيارة بسرعة 180 بدل 120 كم \ساعة

هو 16 دقيقةفقط

التوفير في الوقت لكل 100 كم مسافة عندما تسير في السيارة

بسرعة 200بدل 120 كم \ساعة

هو 20 دقيقة فقط

الثقة مع السرعة لا تمنع الحوادث، وكل من أصيبوا في حوادث السرعة

كان لديهم الثقة 100% بأنه لن يقع لهم حوادث

هل تبيع نفسك ، أطفالك ، أعز أقاربك ، والآخرين .... إعاقات دائمة ...مستشفيات من أجل توفير 12 أو 16 أو 20 دقيقة

أسأل الله لكم ولأولادكم وأهليكم وللجميع السلامة الدائمة .....

هذه عبرة لمن لا يعتبر

حادث سمو الشيخ جاسم بن حمد بن خليفة

يرحمه الله

وهو من شيوخ قطر

ومعه سيارة تعتبر من السيارات الأكثر أماناً في العالم مرسيدس slr

شوفو السيارة .. اللي تعتبر محطمة الرقم القيــــاسي في الأمـــــان الصور في المرفقات

وجدول الفرق في السرعات بالدقائق



اللون الأحمر مخصص للمداخلات الادارية لذا تم تغيير اللون
رجاء مراجعة قواعد المنتدى

7:03pm 18/4/2010
مشرف القسم 9ب

---

انت حسبتها الزاى دى ؟
بسرعة 160 بدل 120 كم \ساعة هو 12 دقيقة فقطالتوفير في الوقت !!
هوا تقريبا هيبقا 20 دقيقة مش 12 بس انا معاك انها مش هتفرق بس قصدى لتعديل الفروقات بس علشان اللى ماشى 160 ده بيقرق عنى 40 كم ف الساعة اللى انا اخدها وانا ماشى على 120 يبقا 120/40 = 3 يبقا 60 /3 = 20 دقيقة صح ولا ايه ؟

فعلاً الأمر لا يساوي
أشكرك لأنك لفت الإنتباه لزاوية لم تكن محل نظر

شكرا علي النصيحه
موضوع مفيد شكرا

اقتباس:

---

المشاركة الأصلية كتبت بواسطة ahmed1718

انت حسبتها الزاى دى ؟
بسرعة 160 بدل 120 كم \ساعة هو 12 دقيقة فقطالتوفير في الوقت !!
هوا تقريبا هيبقا 20 دقيقة مش 12 بس انا معاك انها مش هتفرق بس قصدى لتعديل الفروقات بس علشان اللى ماشى 160 ده بيقرق عنى 40 كم ف الساعة اللى انا اخدها وانا ماشى على 120 يبقا 120/40 = 3 يبقا 60 /3 = 20 دقيقة صح ولا ايه ؟

---

هو مش انا اللي حاسبها بس لو عايزني احسبها لك اقول لك اتحسبت ازاي

- لو انت ماشي بسرعة 160 كم ÷ 60 دقيقة تبقى انت ماشي بسرعة2.67 كم لكل دقيقة يعني ال100 كم هتتاخد في 37.5 دقيقة
- لو ماشي بسرعة 100كم ÷ 60 =2 كم /دقيقة يعني ال100 كم هتاخدها في50 دقيقة

* يبقى 50-37.5 =12.5 دقيقة توفير

وده بافتراض انك ماشي ال100 كم كلهم على 160كم /ساعة طبعا ده مابيحصلش يعني الفرق هيكون اقل من12 دقيقة بكتيييييييير

ربنا يسلم طريقنا كلنا ويبعد عننا بلاوي الطرق

اقتباس:

---

المشاركة الأصلية كتبت بواسطة ahmedabutaleb

شكراااا لصاحب الموضوع
وانا اكتر حاجه بتدايقنى فعلا انى اكون ماشى على 90 على الدائرى فى الحارة الشمال (اللى هيا بتاعتى اصلا لاقصى سرعة على الدائرى 90) وتلاقى واحد كابس فيك وقاعد يديك فى كلاكسات وانوار
ولا الناس اللى بتعدى من جنبك تقولشى راكب طيارة
ربنا يرحمنا لان للاسف الناس دى لما بتعمل حوادث مش بتضر نفسها بس دى كمان بتضر ناس ملهاش اى ذنب غير انها ماشية محترمة

---

+1

بالاضافه الى الناس اللى بتيجى طايره من وراك تيجى تروح يمين علشان توسع له الشمال علشان يغور من وشك ( اسف على اللفظ بس ده اقل لفظ ممكن يتقال)
تلاقيه مش صابر وعايز يسبق من اليمين فممكن طبعا يعمل كارثه
تيجى تمشى فى اول حاره على اليمين على الدائرى تلاقى واحد جاى يسبقك من خارج الاسفلت او بيسابق واحد خنفس صاحبه من اليمين خارج الاسفلت

لا إله إلا الله محمد رسول الله
ربنا يسكنه جناته إن شاء الله
و فعلا السرعة الجنونيه دى مهما كانت نوع السيارة و مهما كانت الثقة نهايتها الكوارث لا قدر الله لأن فى الاول و فى الأخر دى سيارة مش دبابه أو مدفعيه فى الطريق

و على فكرة أنا رغم انى شاب لسه فى مرحله الجامعة لكنى بحب الهدوء و الأتزان جدا فى السواقة زمان أة كنت من فترة قصيرة كنت بحب الجرى و كدة بس حسيت أن مخاطرها أكتر بكتير من حب المغامرة

اقتباس:

---

المشاركة الأصلية كتبت بواسطة nasroo

هو مش انا اللي حاسبها بس لو عايزني احسبها لك اقول لك اتحسبت ازاي

- لو انت ماشي بسرعة 160 كم ÷ 60 دقيقة تبقى انت ماشي بسرعة2.67 كم لكل دقيقة يعني ال100 كم هتتاخد في 37.5 دقيقة
- لو ماشي بسرعة 100كم ÷ 60 =2 كم /دقيقة يعني ال100 كم هتاخدها في50 دقيقة

* يبقى 50-37.5 =12.5 دقيقة توفير

وده بافتراض انك ماشي ال100 كم كلهم على 160كم /ساعة طبعا ده مابيحصلش يعني الفرق هيكون اقل من12 دقيقة بكتيييييييير

ربنا يسلم طريقنا كلنا ويبعد عننا بلاوي الطرق

---

ياباشا متزعلش انا مش قصدى اطلع من نصيحتك الممتازة دى ويارب الناس تتعظ

بس ممكن افهم بس الحسبة تانى

من المعروف انك لو ماشى على سرعة 100 لمدة ساعة بسرعة ثابتة هتمشى مسافة 100 كم

انت وصلتها ل 50 دقيقة الزاى ؟ لان المتعارف عليه ان بتقاس ب 100 كم ف الساعة مش 100 كم ف ال50 دقيقة
ياريت توضحلى علشان لو انا غلطان اتعلم حاجة

اقتباس:

---

المشاركة الأصلية كتبت بواسطة ahmed1718

ياباشا متزعلش انا مش قصدى اطلع من نصيحتك الممتازة دى ويارب الناس تتعظ

بس ممكن افهم بس الحسبة تانى

من المعروف انك لو ماشى على سرعة 100 لمدة ساعة بسرعة ثابتة هتمشى مسافة 100 كم

انت وصلتها ل 50 دقيقة الزاى ؟ لان المتعارف عليه ان بتقاس ب 100 كم ف الساعة مش 100 كم ف ال50 دقيقة
ياريت توضحلى علشان لو انا غلطان اتعلم حاجة

---

وبعدين كلامك صح الفرق بين ال 120 وال 160 12.5 دقيقة

بس ال 100 كم بسرعة 100 = ساعة مش 50 دقيقة

المسافة / السرعة = الزمن 100 /100 = 1 ساعة (60 دقيقة )

وعفوا للازعاج بس العمليات الحسابية بتشدنى شوية ( وعلى فكرة رغم القوانين الحسابية )بس سعات الواحد بالمنطق معاها بيسرح شوية وبيغلط زي انا

الله ينور عليك

فرق دقايق بسيطه وبكون اكتر امانا واقل استهلاكا للبينزين

اقتباس:

---

المشاركة الأصلية كتبت بواسطة AHMED1718

وبعدين كلامك صح الفرق بين ال 120 وال 160 12.5 دقيقة

بس ال 100 كم بسرعة 100 = ساعة مش 50 دقيقة

المسافة / السرعة = الزمن 100 /100 = 1 ساعة (60 دقيقة )

وعفوا للازعاج بس العمليات الحسابية بتشدنى شوية ( وعلى فكرة رغم القوانين الحسابية )بس سعات الواحد بالمنطق معاها بيسرح شوية وبيغلط زي انا

---

انت معاك حق في حاجة انا لسا واخد بالي منها انا كتبت 100 بدل 120
انا اقصد لو انت سايق على سرعة 120 كم / ساعة يعني هتاخد ال100كم في 50 دقيقة
كده يبقى الفرق بين 120 و160 في ال100 كم 12 دقيقة

شكرا لملاحظتك انت مراجع حسابات ولا ايه:shine[1]:

وهتبقى الحسبة كده

اقتباس:

---

لو انت ماشي بسرعة 160 كم ÷ 60 دقيقة تبقى انت ماشي بسرعة2.67 كم لكل دقيقة يعني ال100 كم هتتاخد في 37.5 دقيقة
- لو ماشي بسرعة 120كم ÷ 60 =2 كم /دقيقة يعني ال100 كم هتاخدها في50 دقيقة

* يبقى 50-37.5 =12.5 دقيقة توفير

وده بافتراض انك ماشي ال100 كم كلهم على 160كم /ساعة طبعا ده مابيحصلش يعني الفرق هيكون اقل من12 دقيقة بكتيييييييير

---

:F_eyeb1[1]:

اقتباس:

---

المشاركة الأصلية كتبت بواسطة nasroo

انت معاك حق في حاجة انا لسا واخد بالي منها انا كتبت 100 بدل 120
انا اقصد لو انت سايق على سرعة 120 كم / ساعة يعني هتاخد ال100كم في 50 دقيقة
كده يبقى الفرق بين 120 و160 في ال100 كم 12 دقيقة

شكرا لملاحظتك انت مراجع حسابات ولا ايه

وهتبقى الحسبة كده

---

مش مراجع اوى نص مراج كده زى مبيقولو على المحامى اللى لسه جديد نص متر :shine[1]:

وبعدين ياباشا الشكر ليك انتا علشان خليت ناس كتير تاخد بالها من حاجة ممكن الناس تستهون بيها او يفتكرو الفارق كبير

جزاك الله خير

هستأزنك هحط الموضوع في ميل و ابعته لكل اللي اعرفهم حتي تعم الفائده

موضوع جميل و كل الناس عارفة خطورة السرعة مش عارف لية
بردوا بنجرى