حدفة يمين مع الفرامل فقط فى 132 غلبتنى ومش لاقيلها حل

السلام عليكم
كان ليا استفسار صغير واتمنى انكم تفيدونى
معايا 132 موديل 77 1800 والحمد لله العربية حالتها حلوة جدا ومهتم بيها لكن فى مشكلة فيها مضايقانى بقالها فترة وغلبت فيها الصراحة بدون جدوى
العربية عندى فيها حدفة يمين مع الفرامل فقط..لكن فى المشى العادى مفيش مشكلة...الميكانيكى قالى فى مرة اظبط زوايا
ظبطت زوايا واختفت الحدفة تماما حتى لو فرملت جامد على سرعة 100 بتمشى زى المسطرة يعنى بقت تمام التمام...لكن بعد كده كان فى تخبيط فى خزن الفرامل مع المطبات وروحت لواحد بتاع فرامل غيرلى الحاجات اللى بتثبت الخزنة بتاعة الفرامل والتخبيط اختفى بس العربية بقت بتحدف يمين تانى جامد مع الفرامل
ومن ساعتها والمشكلة دى موجودة رغم انى ظبطت زوايا تانى مرتين بعدها وبتاع الفرامل يقولى على مالتيل يطبع وبقالها عالحال ده شهرين وقولت مرة للميكانيكى قام خد هوا من ناحية الشمال بس والحدفة اختفت ورجعت علطول تانى يوم !!
مع العلم بان تيل قدام جديد ونوعو stopper ايطالى تقريبا يعنى نوع نضيف وكمان غيرت خراطيم قدام بتاعة الفرامل
هل المشكلة فى الطنابير ولا فى ايه بالظبط
ارجو الافادة لان الموضوع ده مضايقنى جدا وزهقنى بجد:11:
اسف للاطاله وشكرا

اولا ماينفعش الميكانيكى ياخد هواء من عجلة واحدة بس لازم من الاربعة او اتنين
والعيب اللى عندك من ماستر الفرامل اكشف علية

السلام عليكم
بص يا باشا انا من مالكى ال132 السابقين كانت بتاعة والدى الله يرحمه من الزيرو وبعد انا اخدتها وفضلت معايا فتره كبيره
العيب ده كان ظهر معايا قبل كده مع العربيه بنفس الإعراض دى الحدفه اليمين وروحت للميكانيكى قالى خرطوم الفرامل مباشرة منغير كلام وفعلاً فاكينا خرطوم الباكم الشمال وطلع بايظ تماماً وكان مسدود وغيرته واتحلت المشكله تماماً خالى الميكانيكى يكشف على خراطيم الباكم وياريت تشوف ميكانيكى تانى غير الى اخد هواء من ناحيه واحده عشان شكله مش ميكانيكى اساساً

اقتباس:

---

المشاركة الأصلية كتبت بواسطة semsem kane

اولا ماينفعش الميكانيكى ياخد هواء من عجلة واحدة بس لازم من الاربعة او اتنين
والعيب اللى عندك من ماستر الفرامل اكشف علية

---

شكرا لرد حضرتك
انا تقريبا معملتش شغل فى الماستر قبل كده..ياريت توضيح ايه علاقة الماستر بالحدفة وايه اللى ممكن يكون عايز شغل فيه؟؟اصل معنديش خلفية عن الماستر خالص
معلش بتقل عليك :)
تحياتى

اقتباس:

---

المشاركة الأصلية كتبت بواسطة medo980

السلام عليكم
بص يا باشا انا من مالكى ال132 السابقين كانت بتاعة والدى الله يرحمه من الزيرو وبعد انا اخدتها وفضلت معايا فتره كبيره
العيب ده كان ظهر معايا قبل كده مع العربيه بنفس الإعراض دى الحدفه اليمين وروحت للميكانيكى قالى خرطوم الفرامل مباشرة منغير كلام وفعلاً فاكينا خرطوم الباكم الشمال وطلع بايظ تماماً وكان مسدود وغيرته واتحلت المشكله تماماً خالى الميكانيكى يكشف على خراطيم الباكم وياريت تشوف ميكانيكى تانى غير الى اخد هواء من ناحيه واحده عشان شكله مش ميكانيكى اساساً

---

شكرا لردك ياباشا
بس فعلا انا غيرت خرطومين الفرامل بتوع العجلتين اللى قدام يمين وشمال...لسه جايب اتنين جداد ومركبهم

اراهن ان زيت الباكم بينقص عشان خراطيم الزيت فيها مشكله

شيك على جلب الماستر ممكن تكون متاكلة

اقتباس:

---

المشاركة الأصلية كتبت بواسطة romeo_6887

اراهن ان زيت الباكم بينقص عشان خراطيم الزيت فيها مشكله

---

شكرا لردك بس الزيت مبينقصش...مستواه كويس
وخراطيم قدام جديدة لسه مغيرها

اقتباس:

---

المشاركة الأصلية كتبت بواسطة midomizo

شيك على جلب الماستر ممكن تكون متاكلة

---

شكرا لمشاركتك...انا معملتش شغل فى الماستر قبل كده
ممكن تكون متاكله الله اعلم
هبقى اشيك عليه كده ويارب يكون ده سبب الحدفه
بس ياريت حضرتك تفيدنى ايه علاقة الماستر بالحدفة لان معنديش خلفيه عن الماستر خالص
معلش بتقل عليك

اقتباس:

---

المشاركة الأصلية كتبت بواسطة drmax

شكرا لردك بس الزيت مبينقصش...مستواه كويس
وخراطيم قدام جديدة لسه مغيرها



شكرا لمشاركتك...انا معملتش شغل فى الماستر قبل كده
ممكن تكون متاكله الله اعلم
هبقى اشيك عليه كده ويارب يكون ده سبب الحدفه
بس ياريت حضرتك تفيدنى ايه علاقة الماستر بالحدفة لان معنديش خلفيه عن الماستر خالص
معلش بتقل عليك

---

علاقة المستر العمومى بلحدفة

المستر هو اللى بيقوم بتوزيع الزيت على الاربع عجلات وممكن يكون بيهيس ويكون هو اللى عامل عندك الحدفة دة وممكن يكون مستر العجل بيمسك اكتر من جمب عن الجمب التانى

وكان عندى سؤال هى الحدفى من قدام ولا من الخلف يعنى جية منين؟

وفى حجات تانية ممكن تعمل الحدفة زى العفشة مثلا السوست واحدة عزمها اكتر من التانية او مساعد ضارب او العربية مايلة
زوايا ولو انت قولت انك ظبطها
حالة الكوتش ودة حاجة مهمة اوى معظم الصنايعية مابيهتموش بيها ممكن يكونعندك كوتش ملوح او متاكل من حتة بايظ من الاخر
اتمنى انى اوصل معاك احل علشان الحدفة فى الفرامل مهمة اوى خصوصا فى حلات الطوارء ممكن تعمل كارسة

كان عندى نفس العيب بالظبط وبعد دوخة اكتشفت ان العيب انه فيه بيضة دركسيون مبوشه - اكشف على بيضة الدركسيون اليمين - وياريت تبقى تقولنا العيب طلع من ايه بعد ما يتصلح بأذن الله .

بص على العفشة وخصوصا جلب المقصات

اقتباس:

---

المشاركة الأصلية كتبت بواسطة jojooo

علاقة المستر العمومى بلحدفة

المستر هو اللى بيقوم بتوزيع الزيت على الاربع عجلات وممكن يكون بيهيس ويكون هو اللى عامل عندك الحدفة دة وممكن يكون مستر العجل بيمسك اكتر من جمب عن الجمب التانى

وكان عندى سؤال هى الحدفى من قدام ولا من الخلف يعنى جية منين؟

وفى حجات تانية ممكن تعمل الحدفة زى العفشة مثلا السوست واحدة عزمها اكتر من التانية او مساعد ضارب او العربية مايلة
زوايا ولو انت قولت انك ظبطها
حالة الكوتش ودة حاجة مهمة اوى معظم الصنايعية مابيهتموش بيها ممكن يكونعندك كوتش ملوح او متاكل من حتة بايظ من الاخر
اتمنى انى اوصل معاك احل علشان الحدفة فى الفرامل مهمة اوى خصوصا فى حلات الطوارء ممكن تعمل كارسة

---

اولا شكرا لاهتمامك وشرحك الوافى
الحدفة من قدام
الكاوتش بقالو سنة وشوية بريدجستون وحالتو كويسه
بالنسبة للمساعدين فى واحد منهم عليه ترشيح زيت بسيط....ممكن يكون ده السبب؟؟
بس العربية مش مايلة ولا حاجة
عموما هحاول اشوف الحاجات دى كلها وشكرا جزيلا ليك

اقتباس:

---

المشاركة الأصلية كتبت بواسطة maged_samy

كان عندى نفس العيب بالظبط وبعد دوخة اكتشفت ان العيب انه فيه بيضة دركسيون مبوشه - اكشف على بيضة الدركسيون اليمين - وياريت تبقى تقولنا العيب طلع من ايه بعد ما يتصلح بأذن الله .

---

شكرا ليك بس انا لسه مغير بيض الدريكسيون ببيض المانى الصيف اللى فات
اكيد لما المشكلة تتحل هقولكو المشكلة كانت ايه
المهم بس اوصل لحل :11:

اقتباس:

---

المشاركة الأصلية كتبت بواسطة ahmadalaaeldin

بص على العفشة وخصوصا جلب المقصات

---

هشيك عالعفشة كلها...شكلى كده هعمل فحص موسع :)
شكرا ليك

بالتوفيق إن شاء الله وحاجة بسيطة تتحل بإذن الله

اقتباس:

---

المشاركة الأصلية كتبت بواسطة jojooo

علاقة المستر العمومى بلحدفة

المستر هو اللى بيقوم بتوزيع الزيت على الاربع عجلات وممكن يكون بيهيس ويكون هو اللى عامل عندك الحدفة دة وممكن يكون مستر العجل بيمسك اكتر من جمب عن الجمب التانى

وكان عندى سؤال هى الحدفى من قدام ولا من الخلف يعنى جية منين؟

وفى حجات تانية ممكن تعمل الحدفة زى العفشة مثلا السوست واحدة عزمها اكتر من التانية او مساعد ضارب او العربية مايلة
زوايا ولو انت قولت انك ظبطها
حالة الكوتش ودة حاجة مهمة اوى معظم الصنايعية مابيهتموش بيها ممكن يكونعندك كوتش ملوح او متاكل من حتة بايظ من الاخر
اتمنى انى اوصل معاك احل علشان الحدفة فى الفرامل مهمة اوى خصوصا فى حلات الطوارء ممكن تعمل كارسة

---

+11111111
على فكرة انا اديتك احدى الاسباب انت اهم حاجة روح لميكانيكى فاهم خلية يكشفلك على المستر لان فعلا ممكن يكون العيب فى العفشة لكن بدام العربية بتمشى فى الطوالى عادى (يعنى طالما مش دايس فرامل العربية ماشية بدون حدفة ) ولما بدوس فرامل الحدفة بتبان يبقى 99% جلب ماستر

اقتباس:

---

المشاركة الأصلية كتبت بواسطة midomizo

+11111111
على فكرة انا اديتك احدى الاسباب انت اهم حاجة روح لميكانيكى فاهم خلية يكشفلك على المستر لان فعلا ممكن يكون العيب فى العفشة لكن بدام العربية بتمشى فى الطوالى عادى (يعنى طالما مش دايس فرامل العربية ماشية بدون حدفة ) ولما بدوس فرامل الحدفة بتبان يبقى 99% جلب ماستر

---

شكرا لرد حضرتك وانا هبدا بالماستر ان شاء الله وربنا يسهل ويكون هوه السبب
دى الحدفة مش بتبان وبس لما بدوس فرامل ده بيبقى اكن حد ادى العربية بالرجل من الشمال وخلاها تتحدف يمين..سورى فى التشبيه يعنى :)
بكرة هشوف الماستر كده واقولكو النتيجة ان شاء الله
شكرا ليك

اقتباس:

---

المشاركة الأصلية كتبت بواسطة drmax

شكرا لرد حضرتك وانا هبدا بالماستر ان شاء الله وربنا يسهل ويكون هوه السبب
دى الحدفة مش بتبان وبس لما بدوس فرامل ده بيبقى اكن حد ادى العربية بالرجل من الشمال وخلاها تتحدف يمين..سورى فى التشبيه يعنى :)
بكرة هشوف الماستر كده واقولكو النتيجة ان شاء الله
شكرا ليك

---

على فكرة الميكانيكية فى منهم ناس ربيطة وفكيكة بس فلف كويس ووريها لاكتر من ميكانيكى قبل متحكم مين اليعملك الشغلة ومتقولوش السبب شوفة الاول هو بيفهم ولا لا قبل متفهمة انت عشان تضمن انه هيطلعلك باحسن شغل

اقتباس:

---

المشاركة الأصلية كتبت بواسطة midomizo

على فكرة الميكانيكية فى منهم ناس ربيطة وفكيكة بس فلف كويس ووريها لاكتر من ميكانيكى قبل متحكم مين اليعملك الشغلة ومتقولوش السبب شوفة الاول هو بيفهم ولا لا قبل متفهمة انت عشان تضمن انه هيطلعلك باحسن شغل

---

حلوة ربيطة وفكيكة دى :)
والله عندك حق
هشوف بكرة كده ان شاء الله وربنا يكرم
شكرا لاهتمامك ولنصايحك المفيدة
تحياتى

اقتباس:

---

المشاركة الأصلية كتبت بواسطة drmax

شكرا لرد حضرتك
انا تقريبا معملتش شغل فى الماستر قبل كده..ياريت توضيح ايه علاقة الماستر بالحدفة وايه اللى ممكن يكون عايز شغل فيه؟؟اصل معنديش خلفية عن الماستر خالص
معلش بتقل عليك :)
تحياتى

---

طبيعى ان ماستر العجلتين اللى جنب بعض المفروض يشتغلوا فى وقت واحد وبقوة واحدة عشان العربية ولا تعرف تروح شمال ولا تعرف تروح يمين وبكدة تفضل ماشية فى طريقها لحد ماتقف

وحضرتك لو عندك ماستر مهرب زيت ,او معلق يعنى مابيفتحش بسرعة زى التانى اكيد لازم العربية تروح ناحية الاتجاة اللى مافيهوش فرملة يعنى حضرتك بتقول عندك العربية بتروح ناحية اليمين مع الفرامل يبقى حضرتك اكشف على الماستر
وعلى فكرة الماستر دة مش غالى تقريبا تمنة 25 جنية
واكشف بالمرة على عمل جميع المساتر بكفاءة لانهم بيبقوا فيها كاوتشة لو اتاكلت بتهرب زيت على الطنبورة من جوة

اقتباس:

---

المشاركة الأصلية كتبت بواسطة semsem kane

طبيعى ان ماستر العجلتين اللى جنب بعض المفروض يشتغلوا فى وقت واحد وبقوة واحدة عشان العربية ولا تعرف تروح شمال ولا تعرف تروح يمين وبكدة تفضل ماشية فى طريقها لحد ماتقف

وحضرتك لو عندك ماستر مهرب زيت ,او معلق يعنى مابيفتحش بسرعة زى التانى اكيد لازم العربية تروح ناحية الاتجاة اللى مافيهوش فرملة يعنى حضرتك بتقول عندك العربية بتروح ناحية اليمين مع الفرامل يبقى حضرتك اكشف على الماستر
وعلى فكرة الماستر دة مش غالى تقريبا تمنة 25 جنية
واكشف بالمرة على عمل جميع المساتر بكفاءة لانهم بيبقوا فيها كاوتشة لو اتاكلت بتهرب زيت على الطنبورة من جوة

---

شكرا جزيلا للتوضيح
بكرة ان شاء الله هكشف عالماستر واقولكو النتيجة
ويارب يكون ده السبب والعربية تتظبط

اقتباس:

---

المشاركة الأصلية كتبت بواسطة drmax

السلام عليكم
كان ليا استفسار صغير واتمنى انكم تفيدونى
معايا 132 موديل 77 1800 والحمد لله العربية حالتها حلوة جدا ومهتم بيها لكن فى مشكلة فيها مضايقانى بقالها فترة وغلبت فيها الصراحة بدون جدوى
العربية عندى فيها حدفة يمين مع الفرامل فقط..لكن فى المشى العادى مفيش مشكلة...الميكانيكى قالى فى مرة اظبط زوايا
ظبطت زوايا واختفت الحدفة تماما حتى لو فرملت جامد على سرعة 100 بتمشى زى المسطرة يعنى بقت تمام التمام...لكن بعد كده كان فى تخبيط فى خزن الفرامل مع المطبات وروحت لواحد بتاع فرامل غيرلى الحاجات اللى بتثبت الخزنة بتاعة الفرامل والتخبيط اختفى بس العربية بقت بتحدف يمين تانى جامد مع الفرامل
ومن ساعتها والمشكلة دى موجودة رغم انى ظبطت زوايا تانى مرتين بعدها وبتاع الفرامل يقولى على مالتيل يطبع وبقالها عالحال ده شهرين وقولت مرة للميكانيكى قام خد هوا من ناحية الشمال بس والحدفة اختفت ورجعت علطول تانى يوم !!
مع العلم بان تيل قدام جديد ونوعو stopper ايطالى تقريبا يعنى نوع نضيف وكمان غيرت خراطيم قدام بتاعة الفرامل
هل المشكلة فى الطنابير ولا فى ايه بالظبط
ارجو الافادة لان الموضوع ده مضايقنى جدا وزهقنى بجد:11:
اسف للاطاله وشكرا

---

المشكلة دى لان عندك جهاز بيمسك قبل التانى .. خلى الميكانيكى يحل الجهازين و يفورهم .. و ينظفهم من الداخل و يغير الكاوتشة الداخلية و كاوتشة التراب .. و بأذن الله الحدفة حاتروح

انا ظهرت المشكله دى عندى مره لما غيرت تيل الفرامل القدمانى
كنت لما بندوس فرامل العربيه تحدف شمال
المهم لما روحت كشفت عليها لاقيت ان الفرامل الشمال بس هى اللى بتقفش و اليمين بتفش فرده و التانيه معلقه

النهاردة روحت للميكانيكى فجرب العربية لقى فعلا فى حدفة
خلانى اجرى بالرعبية وافرمل جامد...الاربع كاوتشات علمو فى الارض نفس المسافة ونفس الدرجة
فقالى كده الاربعة شغالين زى بعض يعنى الماستر شغال كويس...شوف العفشة
المهم انا قولت اخد بعضى واروح على حد متخصص فرامل فقط لان مش داخل دماغى حوار العفشة ده
الراجل قولتلو قالى كده فى حاجة مش مظبوطة فى العجلة اليمين
حل العجلة وفك الخزنة وطلع التيل
قالى الطنابير رفيعه عايزة تتغير ابقى غيرهم بجوز المانى قالى يعملو 140 تقريبا قولتلو ماشى ربنا يسهل
لقيتو قام بدل تيل الفرامل حط اللى برة جوه واللى جوه بره
وقفل الحاجة وقالى يلا نجرب
جربنا العربية بقت زى الفل والحدفة اختفت تماما
قولتلو ايه السبب بقى
قالى الطنبورة مش متساوية فالتيل فى حتت بيمسك فيها كويس وحتت لا فالعربيه بتحدف
قالى وعامة هات جوز طنابير المانى قدام عشان تريح دماغك خالص قولتلو ان شاء الله
بس انا طلعت من القصة دى بان لو فى مشكلة فى الفرامل الواحد يروح لحد بتاع فرامل بس لان الميكانيكية فيها مبيفهموش قد كده
ايه رايكو بقى فى اللى حصل ده:)

اقتباس:

---

المشاركة الأصلية كتبت بواسطة DrMax

النهاردة روحت للميكانيكى فجرب العربية لقى فعلا فى حدفة
خلانى اجرى بالرعبية وافرمل جامد...الاربع كاوتشات علمو فى الارض نفس المسافة ونفس الدرجة
فقالى كده الاربعة شغالين زى بعض يعنى الماستر شغال كويس...شوف العفشة
المهم انا قولت اخد بعضى واروح على حد متخصص فرامل فقط لان مش داخل دماغى حوار العفشة ده
الراجل قولتلو قالى كده فى حاجة مش مظبوطة فى العجلة اليمين
حل العجلة وفك الخزنة وطلع التيل
قالى الطنابير رفيعه عايزة تتغير ابقى غيرهم بجوز المانى قالى يعملو 140 تقريبا قولتلو ماشى ربنا يسهل
لقيتو قام بدل تيل الفرامل حط اللى برة جوه واللى جوه بره
وقفل الحاجة وقالى يلا نجرب
جربنا العربية بقت زى الفل والحدفة اختفت تماما
قولتلو ايه السبب بقى
قالى الطنبورة مش متساوية فالتيل فى حتت بيمسك فيها كويس وحتت لا فالعربيه بتحدف
قالى وعامة هات جوز طنابير المانى قدام عشان تريح دماغك خالص قولتلو ان شاء الله
بس انا طلعت من القصة دى بان لو فى مشكلة فى الفرامل الواحد يروح لحد بتاع فرامل بس لان الميكانيكية فيها مبيفهموش قد كده
ايه رايكو بقى فى اللى حصل ده:)

---

لا تمام و فى اقرب فرصة هات طنابير استيراد المانى او هاتها جديدة لو فى منها وقولنا هتعمل اية قبل متجيب عشان نفيدك والله احناا بنفرح اوى لما حد بيسال سؤال ونقدر نساعدة:lurk5:

اقتباس:

---

المشاركة الأصلية كتبت بواسطة midomizo

لا تمام و فى اقرب فرصة هات طنابير استيراد المانى او هاتها جديدة لو فى منها وقولنا هتعمل اية قبل متجيب عشان نفيدك والله احناا بنفرح اوى لما حد بيسال سؤال ونقدر نساعدة:lurk5:

---

منا قولتلو اجيب بتوعها استيراد قالى لا فى المانى جديد وده احسن
وسعرهم كويس كمان قالى تقريبا الجوز ب 140
فخلاص فى اقرب فرصة ان شاء الله هجيب المانى جداد
شكرا ليك جدا ياميدو لاهتمامك وبجد افدتنى جامد:120105~352:
وشكرا لكل الناس اللى شاركونى فى مشكلتى:s1[1]:

اقتباس:

---

المشاركة الأصلية كتبت بواسطة khaled_sabry

انا ظهرت المشكله دى عندى مره لما غيرت تيل الفرامل القدمانى
كنت لما بندوس فرامل العربيه تحدف شمال
المهم لما روحت كشفت عليها لاقيت ان الفرامل الشمال بس هى اللى بتقفش و اليمين بتفش فرده و التانيه معلقه

---

تقريبا اللى حصل معاك قريب من اللى حصل معايا
شكرا ليك

اقتباس:

---

المشاركة الأصلية كتبت بواسطة DrMax

تقريبا اللى حصل معاك قريب من اللى حصل معايا
شكرا ليك

---

اه بس مع اختلاف
انى من الاول كنت مغير التيل عند واحد بتاع فرامل ... بس البيه كان مركبه غلط و بالبتالى كان فيه فرده واحده من التيل معلقه فى الكاوتش اليمين
الظريف بقى انى لما روحتله تانى هو قالى العيب و اخد منى فلوس تانى !!! علشان يصلح غلطة و انا ماكنتش واخد بالى اساسا
و بعد ما مشيت انتبهت بقى هو عمل الغلطه و جاى يصلحها و كمان طالب فلوس :I_angr1[1]:
معلشى طلعت صعيدي بجد فى الموضوع ده و كل لما افتركه اتنرفز
كلمتى المشهوره ... حسبى الله و نعم الوكيل فى صنايعيه القاهره

اقتباس:

---

المشاركة الأصلية كتبت بواسطة khaled_sabry

اه بس مع اختلاف
انى من الاول كنت مغير التيل عند واحد بتاع فرامل ... بس البيه كان مركبه غلط و بالبتالى كان فيه فرده واحده من التيل معلقه فى الكاوتش اليمين
الظريف بقى انى لما روحتله تانى هو قالى العيب و اخد منى فلوس تانى !!! علشان يصلح غلطة و انا ماكنتش واخد بالى اساسا
و بعد ما مشيت انتبهت بقى هو عمل الغلطه و جاى يصلحها و كمان طالب فلوس :i_angr1[1]:
معلشى طلعت صعيدي بجد فى الموضوع ده و كل لما افتركه اتنرفز
كلمتى المشهوره ... حسبى الله و نعم الوكيل فى صنايعيه القاهره

---

منا شاكك ان ده زى اللى حصل معايا
لان الموضوع ده حصل بعد محليت خزنة الفرامل عشان جبتلها سوست والقطع اللى بتثبتها وكده
عشان كانت بترقع فى المطبات
فشكل اللى ركب التيل ركبو غلط لان الحدفة مظهرتش غير بعد الحوار ده
ربنا يرحمنا من الصنايعيه وقرفهم

ميكانيكي بيفهم يقدر يصلح فرامل كويس قوي لانها نظام هايدروليك بسيط بس لو على قدة و شغال على الفتى مش هايظبط عموما لما تجيب طنابير هات جديد افضل و لما تغيرهم خلي بتاع الفرامل يحل الماستر العمومي و يشيك على الجلب بتاعته مظبوطة ولا لا تغير جلب للفيات في حدود 8 جنيه مش معضلة
علشان انا بدور على السبب الي خلا الطنابير تتاكل بطريقة غير متساوية

[QUOTE=mrsailor;3872570903]المشكلة دى لان عندك جهاز بيمسك قبل التانى .. خلى الميكانيكى يحل الجهازين و يفورهم .. و ينظفهم من الداخل و يغير الكاوتشة الداخلية و كاوتشة التراب .. و بأذن الله الحدفة حاتروح

+1111111111111

اقتباس:

---

المشاركة الأصلية كتبت بواسطة ayabooy

ميكانيكي بيفهم يقدر يصلح فرامل كويس قوي لانها نظام هايدروليك بسيط بس لو على قدة و شغال على الفتى مش هايظبط عموما لما تجيب طنابير هات جديد افضل و لما تغيرهم خلي بتاع الفرامل يحل الماستر العمومي و يشيك على الجلب بتاعته مظبوطة ولا لا تغير جلب للفيات في حدود 8 جنيه مش معضلة
علشان انا بدور على السبب الي خلا الطنابير تتاكل بطريقة غير متساوية

---

ياباشا الطنابير دى بتاعة العربية الاصليه يعنى شغالة بقالها 33 سنة...كتر خيرها اوىىىى :)

واعتقد ان سبب انها متاكلة بطريقة مش متساوية ان ساعات يكون التيل متاكل او كده وكمان انها بقالها كتير جدا
عموما هشيك عالجلب برضو زى محضرتك قولت
شكرا ليك

اقتباس:

---

المشاركة الأصلية كتبت بواسطة drmax

ياباشا الطنابير دى بتاعة العربية الاصليه يعنى شغالة بقالها 33 سنة...كتر خيرها اوىىىى :)

واعتقد ان سبب انها متاكلة بطريقة مش متساوية ان ساعات يكون التيل متاكل او كده وكمان انها بقالها كتير جدا
عموما هشيك عالجلب برضو زى محضرتك قولت
شكرا ليك

---

استحالة تكون طنابير الفبريكة لا يمكن ابدا
ممكن تكون طنابير اصلية لكن طنابير بقالها 33 سنة لا يمكن

اقتباس:

---

المشاركة الأصلية كتبت بواسطة aYaBooY

استحالة تكون طنابير الفبريكة لا يمكن ابدا
ممكن تكون طنابير اصلية لكن طنابير بقالها 33 سنة لا يمكن

---

مش استحالة ولا حاجة انا عربيتى daihatsu charmant 83 والطنابير الامامية قعدت 25 سنة تقريبا حاجة الفريكة بتاعت زمان لاتعوض ابدا
طب اقولك على حاجة الطنابير الخلفية لسة لغايت دلوقتى مغيرتهاش بتاعت الفريكة وشغالى صحيح حالتهم انتهت وهاشترى غيرهم قريب بس شغالين

متابع باهتمام

في الغالب ماستر منهم قافش
و ممكن كمان يكون الخرطوم بتاع زيت الباكم اللي واصل للماستر

غير الخرطوم و شوف

منفعش فور الماستر او غيرة و إن شاء الله خير

نفس العيب كان عندي في ال 132 واتحل بتغيير أحد المساتر الخلفية حيث كان لا يمسك جيدأ

اقتباس:

---

المشاركة الأصلية كتبت بواسطة aYaBooY

استحالة تكون طنابير الفبريكة لا يمكن ابدا
ممكن تكون طنابير اصلية لكن طنابير بقالها 33 سنة لا يمكن

---

والله ياباشا الطنابير اللى فيها بتاعة الفبريكة
عربيتنا الحمد لله حالتها حلوة جدا ومش رشة دواخل خالص وكتير اوى الاقى حد بيوقفنى وبيقولى تبيع
والله النهاردة واحد فى عربية جنبى والطريق كان واقف لقيته بيقولى بتبيع ياباشا :)
وكل واحد من الصنايعيه اللى بيشتغلو فى العربية موصينى لما اجى ابيع اقولو عشان ياخدها :)

على فكرة بقى المساعدين الاربعة اللى فيها بتوع الفابريكة :) ايه رايك بقى:E_braces[1]:
اى نعم لسه واحد منهم بادى يرشح زيت خفيف خالص بس العربية مبتتهبدش وناعمة فى المطبات وزى الفل
على فكرة انا معايا لانسر ومع ذلك بحب اركب ال 132 جدا لانها عشرة عمر وليها طعم خاص

وزى مالعضو جوجو قال حاجة زمان لا تعوض وصناعة زمان لا تعوض
مش الخيبة بتاعة دلوقتى بتاعة الشركات الكبيرة كمان للاسف

اقتباس:

---

المشاركة الأصلية كتبت بواسطة boogie

متابع باهتمام

---

اقتباس:

---

المشاركة الأصلية كتبت بواسطة amrbakly

في الغالب ماستر منهم قافش
و ممكن كمان يكون الخرطوم بتاع زيت الباكم اللي واصل للماستر

غير الخرطوم و شوف

منفعش فور الماستر او غيرة و إن شاء الله خير

---

اقتباس:

---

المشاركة الأصلية كتبت بواسطة د.محمود صلاح

نفس العيب كان عندي في ال 132 واتحل بتغيير أحد المساتر الخلفية حيث كان لا يمسك جيدأ

---

شكرا لمشاركتكم ياجماعة بس انا فى صفحة 3 كاتب رد انى لقيت سبب المشكلة وهوه الطنابير وبتاع الفرامل بدلى الاتيال كحل مؤقت والعربية اتظبطت والحدفة راحت
شكرا ليكم

اقتباس:

---

المشاركة الأصلية كتبت بواسطة aYaBooY

استحالة تكون طنابير الفبريكة لا يمكن ابدا
ممكن تكون طنابير اصلية لكن طنابير بقالها 33 سنة لا يمكن

---

عربيتي كورولا 1978 و الطنابير الخلفيه هى الفابريكه لغايه دلوقتى
و معظم الاجزاء اللى فيها فابريكه
ده حتى الفانوس الخلفى يمين بتاع المصنع بتاعها و عليه كمان رقم الشاسيه بتاعها :E_braces[1]: