-
تجربتي مع نور السيراتو
السلام عليكم ..
أنا حبيت اشارك الاعضاء الكرام تجربتي مع نور عربتي السيراتو جايز يكون حد عندو نفس الشكوى أو شكوى مشابهة.
بختصار أنا من يوم ما استلمت عربيتي وانا ناوي أعلي النور بتاعها وكنت على طول مشغول أو مكسل ... بس السبب الرئيسي في التأجيل كان اني سألت في التوكيل عن الموضوع ده وأكدولي انهم ماينفعش يعملولي في أي حاجة على أساس إن ده تعديل في الكهربا و نتايجو مش مضمونة و نصحوني مفكرش فالموضوع من أساسو.
رحت عند كهربائي في مركز في عندنا في ميامي - أليكس وقال التالي : '' يا بيه النور د على كارتة كمبوتر يعني ميركبلهاش كاتاوت " وطبعاً لو فكرت اركب لمبات أقوى على الوضع الحالي يبقى ندور على دراع نور جديد فوراً.
نسيت الموضوع شوية حلوين كدة وبعدين حصل إن لمبة من الاتنين إتحرقت.
رحت عند كهربائي بسيط في شارعنا على أساس أغير اللمبة المحروقة .. في وسط الكلام سألت عن إمكانية تعلية النور وحكتلو القصة من الأول.
قالي الموضوع سهل جداً ومفيش كارتة ولا حاجة د ريليي عادي خالص والتعلية ممكنة وآمنة تماماً وعلى ضمانتي .
اشترينا كاتاوت تقوية تركي ظريفة وكام متر سلك ولمبتين 90/100 بدل ال55/60 الستوك إلي راكبين وركبنا المصلحة دي كلها وكلو تمام وكمان قال اني ممكن أعلي اللمبات دي زي منا عايز بعد كدة.
أنا جيت من أليكس لكايرو إمبارح باليل و كنت كاشف الطريق والدنيا كويسة خالص .
مع تحياتي وتمنياتي بدوام السلامة.
م/فؤاد مجدي
-
نشكرك يا فندم على مشاركه المعلومه و ربنا يباركلك فى العربيه و تنور كمان و كمان :E_braces[1]:
-
ألف مبروك يا برنس ،وعقبال ال- ٢٦٠/٢٠٠ ،ويا رب دايماً كدة تتحفنا بتجاربك الاصلي يا أصلي.
حبيب هارتك .:E_braces[1]:
-
الف شكر يا مان انا فعلا النور بيضايقني معأنه اعلي نور شفته اعلي من الاسكودا واعلي من الفيرنا
بس بحس اني مش شايف في شوارع بلدنا الله يحرقها بجاز انا بمشي في شوارع عموميه و بستغرب جدا لما بلاقيها مضلمه و عمدان النور مطفيه ببقي هتجنن ازاي شوارع زي دي و طرق سريعه و مفيش لمبه واحده منوره حسبي الله ونعم الوكيل
الي بيصيف في مرسي مطروح هيحس ب الي انا بقولو انا بصيف في قريه قبل مرسي مطروح ب 80 كيلو و الفسحه الوحيده مطروح وببقي راجع بليل والله العظيم ما شايف اي حاجه الطريق كله مفيهوش لمبه واحده توحد ربنا الطريق كله صحراء ظلماء مره تانيه حسبي الله ونعم الوكيل
-
-
شكرا يا باشا على المشاركه
أنا عن نفسى مش بواجهه أى مشكله مع النور
وبتعامل مع الفوجات والعالى والواطى وبكشف كل الطريق والحمد لله
شكرا
-
مبرووووووووووك وشكرا على المعلومه
-
السلام عليكم ورحمة الله وبركاته
مبروووك ياباشا على التغير للافضل وشكرا على المعلومة
-
انا عندى النور برضه عادى جدا ومفيبش مشكله فيه
بس انا طالبه معايا زينون عالى وفوجات وساعات اقول ياواد خليها فبريكا متلبعش بدل ماالعربيه كلها تتلغبط وتلف حوالين نفسها
Content Relevant URLs by
vBSEO 3.6.0 PL2