لغيت حجز الفيرنا

**cpt_shawky** · 21-01-2008 07:48 PM

النهاردة يا جماعة لغيت حجز الفيرنا اتوماتيك بعد اسبوعين انا اتفقت مع هيونداى عمارات العبور هستلمها اخر الشهر لكن فوجئت باتصال منهم ان العربية موجودة اجى حالا ادفع الفلوس كلها كاش عشان التخصيص ورقم الشاسيه والموتور يبقا باسمي فقلت ممتاز هستلم سألته فالتليفون اجى اشوفها بقا قالى لأ دى فأبو رواش قلت اوكى لما تيجي بلغنى وانا هاجى بالفلوس قالى لأ لازم تدفع وتستلم بعد 10 ايام فقلت طبعاً لأ اشوف العربية اللى هستلمها وادفع فوراً خلصت الشغل ورحتلهم ساعتين من النقاش مفاده انه الف جنيه الحجز دى ولا حاجة بالنسبة لهم وان الحجز الحقيقي يعنى تدفع تمن العربية كامل وكدة يبقا اسمك حاجز لكن بالف جنيه ده طبقا لكلامهم عشان يتصلوا بيك!!!! قلتله ازاى انت كاتبلى فوصل الحجز اللى بالف جنيه ده السعر يحدد عند الاستلام انا لو هدفعلك دلوقتى فين بقا الاستلام طبعا بدات ردود من الهرتلة " لأ مهو قصدنا هتستلم وصل بفلوسك" ها هاها فى كده فالدنيا طب يمين شمال قلت اوكى انا هدفع بس تدونى الايصال مكتوب فيه ميعاد التسليم تحديداً واللون و كان الرد لالالالالا احنا هنسلمك ف 10 ايام قلت ماشى تكتبلى كدة انا مش عاوز اكتر من كده بردو لأ احنا التوكيل وكلمتنا تنفذ متقلقش طيب فين المدير معلش اصلو مش موجود طيب فين اللى موجود مكانو فى مشرف المبيعات اوكى اقابلو 10 دقايق معلش اصلو فميتنج وعلى فكرة العربية اللى كلمناك عليها خلاص اتباعت احنا كلمنا ابو رواش دلوقتى وقالو اتباعت!! يا جماعة انتوا بتبيعو بالحتة طلع انهم فعلا بيتعاملوا بهذا المبدأ والنظام عندهم كراسى موسيقية كلكم تبقوا دافعين الف جنيه حجز ((اللى مسموش حجز فعرفهم واسموا deposit )) واللى يلحق يجي بفلوسه كاملة يبقا دى عربيتو واللى ميلحقش ملوش نايب طبعاً انا لقيت ده اسلوب غريب لأنى كنت فاهم ان الحجز يعنى حجز سواء بالف او باى رقم وقلت اوكى الغى الحجز بتاعى وانا عارف مسبقا لما رحت قبل كده نى لو طلبت الغى هترجع فلوسى خلال 10 ايام الحسنة الوحيدة اللى حصلت فالأخر انه قالى تحب اجبلك فلوسك دلوقتى وانا قلت يبقا افضل واستردتهم فعلاً ومش عارف بقا صح غلط انا اتضايقت منهم ومن طريقتهم وحالياً هبحث عن بديل فنفس السعر يا ترى ايه ب 76 اتوماتيك؟.:o:o

**ahmed** · 21-01-2008 08:03 PM

انت صح وحتى لو هاتجيبها من معرض غاليه الف جنيه بس تبقى قدام عنيك وشايفها وانت بتستلمها احسن ما تدفع 76 الف جنيه ويقولك خلال عشرة ايام وانت هاتعارف تنام فى العشرة ايام دول !!!! ؟ لا اعتقد...!!! انت كده عملت الصح

وانا لو منك ممكن اروح احجز بالالف جنيه تانى فى الفرع بتاع قليوب لو هما ماعندهمش شبكة مركزيه بيتسجيل فيها اسماء اللى حاجزين وتاريخهم مع التوكيل واقلهم لما العربيه تجهز على التسليم اجيب الفلوس واجى هاتقولى ليه هاقولك لانى ماعنديش بديل تانى واهه يبقى غلاسة عليهم برده هههههه
وربنا يوفقك للى فية الصالح ان شاء الله

**dr.amr** · 21-01-2008 09:11 PM

والله العظيم شيء مخزي فعلا لهذا الغبور الذي (مع كامل الاحترام له) لا اتشرف بالانتماء اليه.......
قمة اللامبالاه
انا كنت برضه رايح احجز الانترا من هناك وكلمتهم
قالولي تدفع الفلوس وتستلم بعض شهر وكلام حمصي كده
فاكرينا هنود
والله انا دفعت اكتر من سعرها 3 الاف وجبتها من معرض
بس دفعت وشيلت
انصحك بمعرض
اي معرض تدفع وتشيل
او تفكر في الافيو
شوف الاحسنلك ايه
والله الهيونداي لو تتنقل لأي واحد تاني هتبقي افضل من غبور
الاستاف بتاعهم قمة اللامبالاه

**hero** · 21-01-2008 09:19 PM

احسن شيء عملتوا ....وياريت كل الناس ايلي تتعامل بالطريقة دي...تعمل كدة...
يا جماعة الشركة دي..لو الناس قدرت تبعد عنها شوية هاتغير من اسلوبها...
الشركة دي بتفكرني بخدمة المواطنين بالقطاعات الحكومية العتيقة..

**Hossam.Hamdy** · 21-01-2008 09:36 PM

momken tro7 tgebha mn el masrya edfa3 w sheeeeel

**arch_peter** · 22-01-2008 08:45 AM

انا حصل معى نفس الموقف تقريبا ولكن احب اقول لحضرتك حاجة مهمة - هما الضغط عندهم كتير جدا والمبيعات كتيرة اوى انا عارف ان ده مش ذنبنا لكن فعلا هوا الاسرع فى الدفع وتخليص المبلغ هوا الأسرع فى الإستلام واعتقد ان دى مش طريقتهم لوحدهم دى الطريقة المتبعة فى مصر كلها
حاجة تانى مهمة - انت بتقول انك لازم تشوفها الاول ده حقك وده اللى بيحصل فعلا - انك اول ماعربيتك بتوصل بتروح تعاينها وتفحصها براحتك واول ماتقول تمام تروح ماضى على انك استلمتها بلا عيوب او كده واعتقد برضه ده بيحصل فى كل شركات السيارات
اما بخصوص الشراء من معارض فانا مش باستريح له نهائىىىىىىىىىىىىى مش عارف ليه
وفى الاخر انصحك بالهدوء والتروى وعدم سرعة اتخاذ القرار - دى عربية مش بنطلون يعنى فكر تانى على مهلك ومش عشان طريقتهم الرخمة تلغى موديل عاجبك مثلا
وربنا يوفقك ان شاء الله

**ahmedfd** · 22-01-2008 09:23 AM

المشاركة الأصلية كتبت بواسطة arch_peter

انا حصل معى نفس الموقف تقريبا ولكن احب اقول لحضرتك حاجة مهمة - هما الضغط عندهم كتير جدا والمبيعات كتيرة اوى انا عارف ان ده مش ذنبنا لكن فعلا هوا الاسرع فى الدفع وتخليص المبلغ هوا الأسرع فى الإستلام واعتقد ان دى مش طريقتهم لوحدهم دى الطريقة المتبعة فى مصر كلها
حاجة تانى مهمة - انت بتقول انك لازم تشوفها الاول ده حقك وده اللى بيحصل فعلا - انك اول ماعربيتك بتوصل بتروح تعاينها وتفحصها براحتك واول ماتقول تمام تروح ماضى على انك استلمتها بلا عيوب او كده واعتقد برضه ده بيحصل فى كل شركات السيارات
اما بخصوص الشراء من معارض فانا مش باستريح له نهائىىىىىىىىىىىىى مش عارف ليه
وفى الاخر انصحك بالهدوء والتروى وعدم سرعة اتخاذ القرار - دى عربية مش بنطلون يعنى فكر تانى على مهلك ومش عشان طريقتهم الرخمة تلغى موديل عاجبك مثلا
وربنا يوفقك ان شاء الله

نفس الشئ حصل معايا و أعتقد إنه عادي إن مأعتقدش إن في توكيل في مصر بيحجز عربية بألف جنيه بس... أنا فعلاً حجزت العربية بألف و قبل الإستلام بـ 10 أيام بالظبط دفعت ثمن العربية و إتخصصت ليا باللون برقم الموتور و الشاسية و لما وصلت من أبورواش سلموني العربية حتة حتة و مضيت إن مافيهاش أي ملاحظة أو خدش و لو كان فيه بكل بساطة ماتستلمش...
أنا الحقيقة رأيي الشخصي إن سيارات المعارض غير مضمونة لإنك مش ضامن السواقين بتوعهم و بعدين المعارض الصغيرة بتظبط مع بعض إللي عنده اللون المطلوب يدي ده و ده يدي ده فالعربية كدة قلق ..
دة رأيي و أنا إستنيت 4 أشهر كاملين علشان آخد العربية من الوكيل غبور و مش معرض صغير يدوخك على ورق الإفراج الجمركي و غيره..

**mido777** · 22-01-2008 10:08 AM

انا كنت حاجز الألنترا بصورة البطاقة فقط ............

ولما جه ميعاد استلامى كانو بيكلمونى علشان اجى وادفع المبلغ كامل والأستلام خلال اسبوع وفعلا روحت ودفعت المبلغ كامل واخدت رقم الشاسية والماتور

ولما حسوا من كلامى انى قلقان شوية من الموضوع ده قالولى بأختصار ان العربية حتكون قدامك وعاينها براحتك قبل ما تستلمها ولو فيه اى حاجة مفيش مشكلة انك تلغى التخصيص

انا وثقت فيهم وبعد 6 ايام من دفع الفلوس كانو بيتصلوا بيا علشان اجى استلم العربية وبصراحة كانو فى قمة الذوق والتعاون....

" انا بتكلم عن غبور اسكندرية فرع السلطان حسين "

**cpt_shawky** · 22-01-2008 10:57 AM

انا يا جماعة استلمت مع صديق ليا اسبيرانزا A620 وكنا حاجزين عادين ودفعنا باقى المبلغ وانتظرنا بالزبط 45 دقيقة كانت العربية واقفة برة واستلمناها معرفش بقا كل التوكيلات نظامها زى غبور ولا فى زى ابو الفتوح!! المشكلة ان انا كنت عاوز الفيرنا لان دى اقل عربية اتوماتيك متاحة لو حد يعرف حاجة ياريت يقول بس مش عوزين نزود عن ال 76.

**memo_hefnawy** · 22-01-2008 11:00 AM

صعب تلاقى أوتو بالرقم ده

نصيحتى هات لانوس مانيوال أو تجيب مستعمل أوتو حاجة ذى الفورد فوكاس و سعرها هايكون فى الحدود دى مش هايزيد عن ال 75 و حالة حلوة و عربية جامدة

الموضوع: لغيت حجز الفيرنا

LinkBack

أدوات الموضوع

عرض

-

-

-

-

المواضيع المتشابهه

لغيت حجز الصنى الجديده...بجد بلاش قله ادب

لغيت علبة البيئة ولكن...

الي خبراء الفيرنا , ماالفرق بين الفيرنا و الفيرنا ستار ؟؟؟

فى مشكله لو لغيت السخن؟؟؟

لغيت علبة البيئة

الكلمات الدلالية لهذا الموضوع

المفضلات

المفضلات

ضوابط المشاركة