المراية الشمال اتكسرت ومش عارفه اعمل ايه؟؟؟

**Ayman-Ahmed** · 19-04-2010 10:20 AM

المشاركة الأصلية كتبت بواسطة dinagaballah

هيا مراية عادية مش كهرباء وهيا الشكل العادي مش سبورت

المشاركة الأصلية كتبت بواسطة dinagaballah

انا الحمد لله شايفه سلك السوستة وهبقا اصورها بكرة وانزل الصورة بس علي فكرة انا لما سالت عليها في ابو رواش قالي ب 820 ج ماعدى باقي المناطق قالولي 650 ج وكنت عايزة اعرف من حضرتك عملتها فين علشان ممكن اروح اعملها؟؟

المشاركة الأصلية كتبت بواسطة dinagaballah

وفعلا التامين صورها وقالي نديلك شيك بعد 20 يوم من تسليم الفاتورة

طيب الحمد لله على كل حال.

بصى حضرتك و انتى جاية من التحرير و رايحة الاسعاف فى توكيل رواس ميتسوبيشى و بعدين شارع معروف, هتخشى الشارع ده هو تقريبا خامس او سادس محل صغير جدا على ما اتذكر اسم الصنايعى سكر مش فاكر اوى بس انتى لو دخلتى الشارع و سالتى على بتاع المفاتيح لان هو دة اخو الصنايعى بتاع المرايات هو هيتصلك بيه و هيجى انشاء الله يفك المراية وهيقولك سيبيها و تعالى اخر النهار فانتى قولي اي حاجة بقة مش هينفع عشان جوزى فى الادارة وهيعدى عليا هنا كمان ساعة. لانهم برده صنايعية واخلاقهم عالية عالية.ويستحسن تروحى مع اخوكى-جوزك-زميل فى الشغل كبير فى السن و اهم حاجة اتفقى معاه على التكلفة قبل اى حاجة و متقوليش ليه كدة فى واحد عملها عندك ب 130 لاننى غلطت انى متفقتش معاه و كان عاوز 160 وكان طبعا فك المراية وبعتها لبتاع الفيبر.فلو قالك بسيطة متقلقيش برده اعرفى منه هتتكلف كام لان الاوله شرط اخره نور. و يستخسن تروحى على الساعة 1 او 2 لان الصنايعى باشا بيجى براحته خالص.

فى صنايعىة فى شارع دمشق وواحد قدام الحرية مول قاللى هافكها وعدى عليا اخر النهار بكرة بالكتير فتقريبا بيبعتها هناك بردة و فاللى 160 برده.

لو احتاجتى اى حاجة تواصلى معانا و ربنا يسترها معانا كلنا.

**Ayman-Ahmed** · 19-04-2010 05:57 PM

المشاركة الأصلية كتبت بواسطة dinagaballah

السلام عليكم ورحمة الله وبركاته
انا جبت نيو اكسنت 2010 في شهر 3 والمرايه الشمال اتكسرت على الدائري رحت لهيونداي اللي في شارع التحرير والسودان و في واحد عند كوبري الدقي ورحت اللي في شارع عماد الدين اللي في وسط البلد كلهم قالولي مش موجوة غير في ابو رواش رحت ابو رواش وقلت بالمرة اعمل صيانه الالف والمفجأة ان المرايه مش موجودة عندهم وقالولي اتصلي كل اسبوعين شوفيها جت ولا لسه انا دلوقتي مش عارفه اعمل ايه ومش عارفه امشي بالعربية حاسه اني عامية لو حد عندة اقتراح يقولي ارجوكم

بصى حضرتك الحمد لله على كل حال المرايا اتكسرت تانى النهاردة اللى هى الكف بس والازاز طبعا وخلى بالك الكف بتاع النيو اكسنت مش موجود جديد

رحت عملتها عند واحد فى شارع دمشق ب 40 جنيه للازاز وهو ركبه وتمام الحمد لله.
سالت على تصليح المرايا بتاعتى عشان ملخلخة شوية من ساعة ما عملتها فلقيت صنايعى باين عليه كويس اسمه مجدى شغال مع محل طلعت قاللى هافكها وتسيبها 3 ساعات وتكلف 70 جنيه لانه هيخرطلها لقمه داخلية حاولت اخليها ساعة واعملها وانا واقف منفعش ابدا.

فلو هتروحى بكرة مثلا كلمينى نروح نعمل الاتنين يمكن السعر كمان يرخص ولما يلاقيهم اتنين ينجز اكتر ولا حاجة.

فى رائى الخاص ده احسن من شارع معروف.

ربنا يسترها علينا يا رب ويبعد كل حاجة مضرة يا رب وابعد عنا الحسد و الحاسدين يارب.

**karakero** · 20-04-2010 03:24 PM

انا مرايتى برضه كانت اتكسرت بس الحمدلله الكف البلاستك الخارجى بس .. و لفيت برضه لفه حلوه كده عشان موضوع الشكل الجديد اللى مش موجود عند اى حد بره التوكيل ده
لغايه شهرين كده مكنتش موجوده بره التوكيل خلاص و الناس قالولى مش عارفين هتتيجى امتى .. لكن انتى لو عايزاها من التوكيل فهى موجوده فى فرع الصيانه المعتمد اللى فى زهراء المعادى (مركز الاقصى) و بتديله رقم الشاسيه يجيبهالك بيه عشان تبقى نفس الشكل و اللون بالظبط .. و كانت بالتركيب و الضريبه و كله حوالى 700 جنيه

و دى نمرتهم لو عايزه تروحيلهم:
29178356
29178358
0100053859
مركز الاقصى

**orabi71** · 11-07-2010 04:00 PM

هاى دينا ... يا ترى جبتى المرايا والا لسة؟ هنا فى دبى بتتباع ب 750 جنيه .. قوليلى لو حبيتى اجيبهالك وانا جى اخر الشهر .. واسألى التامين اذا هيقبل الفاتورة من برة مصر والا ...