رينو مصر تطلق السياره رينو سكالا ( صني الشكل الجديد)

**mzda** · 18-04-2010 05:39 PM

أطلقت الشركة المصرية العالمية للسيارات EIM وكيل "رينو" في مصر السيارة الجديدة كليا "سكالا" لأول مرة في مصر.

وكشفت الشركة من خلال مؤتمر صحفي عقدته قبل قليل في أحد فنادق القاهرة وحضره مندوب من ContactCars.com عن أن "سكالا" متوافرة بثلاثة طرازات.

الأول PE منها اليدوي وسعره 89 ألف جنيها والثاني أتوماتيك سعره 94 ألف جنيه ، فيما الطراز الثالث فهو (هاي لاين SE) وبه جنوط سبور، عجلة قيادة متعددة الوظائف وسعره103 ألف جنيه.

وتتميز "سكالا" بأن محركها 1600 سي سي 107 حصان ، والسيارة مصنعة في مصانع نيسان في كوريا الجنوبية وهي ثمرة تحالف (نيسان-رينو) باعتبارهما شركة واحدة.

وأعلنت الشركة المصرية العالمية للسيارات EIM أنها ستفتتح أربعة مراكز صيانة جديدة في أبورواش والأسكندرية والمنيا و أسيوط لخدمة عملاء "سكالا" الجدد.

يذكر ان السياره ما هي الا نيسان صني الشكل الجديد المتواجد في الخليج بس تقفيل مصانع كوريا بالاضافه الي بعض كماليات والتعديلات ( مالتي فانكشن + تابلوه جديد ....)

**ahmad--ezzat** · 18-04-2010 05:44 PM

تحفه تحففففه...وانا فى نظرى احسن من الاوبترا والجين 2 والصنى نفسها

**mahamedaraby** · 18-04-2010 05:51 PM

مش اوى كده انا شايف انها كويسه يس الصنى الحاليه تتفوق عليه بالموتور اليابانى والفتيس برضوا لكن دى على ما اعتقد كوروى 100% المهم بالتوفيق لتحالف نيسان ورينو واللى الامام دايما فى انتاج الافضل لينا

**mzda** · 18-04-2010 06:04 PM

علي فكره المكونات بتاعتها يباني تجميع كوريا زي الصني في الموتور والعفشه وعلي فكره ده حيخلي الصني سعرها ينزل عشان تعرف تنافس وكمان قطع غيارها حتبقي 90 % زي الصني مع اختلاف الفوانيس والاكصدام

**Ahmed.TV** · 18-04-2010 06:32 PM

ادينا بكرة حنشوف ونحكم على الطبيعة لما تنزل باذن الله , وبلاش نقول ونحكم انها افضل من سيارات اخرى فى السوق الا لما تنزل ونجربها على ارض الميدان

بس اعتقد ان العربية دى لما تنزل مصر حتخلى الصنى تعمل شوية تغيرات وخصوصا فى الداخل فى الصالون عشان الاتنين نفس الصالون و شكلهم قريب من بعض جدا

ولا ايه ياجماعة بردوا

**AhmadKamal** · 18-04-2010 06:44 PM

طب يا تري ايه أخبار التكييف؟؟؟

ويا تري قطع الغيار هتكون كوري ولا ياباني ولا روماني

**fady_anis** · 18-04-2010 06:57 PM

اعتقد علشان كده منزلش الشكل ده فى مصر تحت اسم نيسان صنى ودى انا شايف انها حركه ذكية من نيسان مصر لأن الموديل ده تحت اسم نيسان صنى فى الخليج معجبش الناس هناك وزى ما انتو عارفين هنا فى مصر بنقلد بتوع الخليج شويه بدليل اننا بنجيب عربياتهم ومبنشتريش العربيات اللى نازله لمصر مخصوص وانا شايف بقا ان الصنى فى التغيير الجديد بعد سنتين هيبقى تغيير كلى

**Bishoy.Girgis** · 18-04-2010 10:39 PM

العربية النيسان ياباني لكن في اعتقادي الشخصي ان نيسان كده هتنزل كتير اوي من مستواها لأنها لما تتعاقد انها تصنع و تجمع في كوريا يبقي الوضع اختلف و بقي كوري مش ياباني و طبعا كل ده بسبب الازمة الاقتصادية اللي سببت ان العربيات الراقية و المحترمة في السوق يا اما تقفل يا اما تشترك مع الشركات الاقل احتراما و بكده اللي اشتري اشتري خلاص
و ده رأي الشخصي

**alfbaa** · 19-04-2010 03:03 AM

اعتقد انها هتكون افضل من الصني كسياره لانها احدث ولكن كونها تابعه لوكيل وعلامه رينو هيخوف ناس كتير منها ... اولا سعر اعاده البيع بتاع الرينو في مصر سيء(رغم انها عربيات فوق الممتازه) ثانيا وكيل رينو واخد على قطع الغيار الفرنساوي اللي هي بطبيعه الحال اغلى من الياباني شويه وسمعة قطع الغيار الفرنساوي في مصر انها مولعه نار واعتقد ان قطع غيار الصني هتبقى ارخص ايضا بسسب انتشار العربيه بالفعل

ولكن هذه السياره وايضا اللوجان ممكن يغيروا شكل الرينو في مصر

-

الموضوع: رينو مصر تطلق السياره رينو سكالا ( صني الشكل الجديد)

LinkBack

أدوات الموضوع

عرض

-

-

-

A/C -

المواضيع المتشابهه

رينو داستر الشكل الجديد - الآن في مصر

رينو سكالا في مصر بالاسعار-تحفة رينو نيسان

رينو كليو 2003 الشكل الجديد

شركة رينو تطلق رينو ميجان المكشوفة الجديدة كليا

رينو كليو الشكل الجديد

الكلمات الدلالية لهذا الموضوع

المفضلات

المفضلات

ضوابط المشاركة