الموضوع: سؤال لخبراء النيو اكسنت 2010

الف مبروك ربنا يديلك خيرها ويكفيك شرها

* الترخيص فى حدود 700-750 شامل طفاية الحريق و التأمين الاجبارى. مطلوب افراج جمركى + شهادة بيانات + مبايعة (تكلفتهم حوالى 180) احسن تخلى البائع يحضرهم لك

* خلى موضوع وحدة الرفع سنة او بعد ال 10,000 الاولى علشان لو فيه اى عطل لاقدر الله فى الكهرباء هيلزقوه فى اى اضافة كالعادة.
او اتحمل واعملها فى مكان معتمد وده هيكون اغلى شويتين.

المشاركة الأصلية كتبت بواسطة amgadtoma

الحمد لله استلمت النيو اكسنت من اسبوع بس لسه ما رخصتش

ليا كام سؤال كده من اهل الخبره

1- ما هى تكاليف ترخيصها لمدة سنة لاول مره؟

حوالى 700 جنية للسنة الواحدة ده بالاضافة الى 75 جنية زياده عشان شنطة الاسعافات والمثلث مبقوش مجانى يعنى الحسبة كلها تقريبا بالاكراميات 775 جنية
2- مافيش حل ان لما اقفل السنتر وزجاج السيارة مفتوح انو يقفل اوتوماتيك لوحده؟

لا مش بيقفل لوحده

3- ماهى الملحقات التى تأتى مع السياره علما بأننى استلمت الكوريك دون ادة اللف المستخدمه معه؟

كوريك و مفتاح عجل
استبن
وصلة يو اس بى
شداد
كتالوج السيارة وكتيب الضمان
كتالوج الكاسيت
ضمان الكاوتش
ولاعه +طفاية

بس للامانه السياره حلوه اوى وناعمه وكتير قالولى بلاش اكسنت وخليك فى الصنى بس للامانه عربية كويسه وسعرها كويس وصيانتها اكيد هتبقى كويسه وكمان اوتماتيك ووفرت فى السعر بالاضافة الى اعادة البيع فيما بعد
اشكركم

وهيا عربية فعلا ممتازة

شكرا ليكم على الرد بجد استفدت كتير
فعلا انا رخصت امبارح غالبا الترخيص بالظبط عمل 470 جنيه
كان معايا طفاية حريق لكن لو اشتريتها تمنها 100 جنيه
الاكراميات الخاصه بالمرور ومندوب الشركه وصلو 200 جنيه
يعنى لو انت رايح على الابيض تعمل حسابك فى 800 جنيه

مره تانيه شكرا لكل من
1- hamdymsr
2- ابو فرح
3- AMIRELGOHARY
4- ahmedabutaleb