الفرق بين الصنى والاوبتر

**meramor81** · 21-01-2008 08:07 PM

السلام عليكم ورحمه الله وبركاته

انا كنت عاوزة مشورتكم فى امر هام انا ماركبتش اى عربيه من قبل ولسه متعلمه السواقه وناويت انشاء الله اشترى عربيه كنت مقتنعه جدا بالشيفورليه اوبترا بس سمعت بعد كده ان صجها خفيف جدا واى خبطه فيها بتتاثر جامد بعد كده سمعت ان الصنى افضل منها وصجها امتن بس بيقولوا فى عيب بالعفشه وكمان صغيره من الداخل فاحترت وماعنديش اى خبره فاممكن تتدلونى واللى راكب صنى 2008 يقول اى عيوبها وهى افضل ام الشيفورليه

واشكركم

**M.Mokhtar** · 21-01-2008 10:32 PM

انا شايف الصنى هتستحملك اكتر خصوصا انك لسه جديده فى عالم السواقه
وانا من رايى انك تختارى عربيه صغيرة عشان تعرفى تتحكمى فيها اكتر زى الكيا بيكانتو
بس انتى لو مصممة على العربيات السيدان انا ارشحلك الصنى او الهيونداى النترا شكلها حريمى اكتر من الصنى وشيك وكماليتها كتير

**شاهين - بنز** · 22-01-2008 01:31 AM

الصني تكسب عشان ياباني

**yahyanaabil** · 22-01-2008 02:53 PM

معايا صنى 2008 هى فعلا اضيق من ورا من الاوبنرا والعفشه ناشفه شويه فى الاول بعد كده بتتحسن
وامتن فى الصاج من الاوبترا والعربيه نفهاش اى عيوب خالص واللى يقولك غير كده يبقى بيفتى شوفى اى عربيه تستريحلها وجيبيها الاتنين ممتازين ومفيش فرق بينهم

**meramor81** · 22-01-2008 03:44 PM

المشاركة الأصلية كتبت بواسطة mimysheckles

انا شايف الصنى هتستحملك اكتر خصوصا انك لسه جديده فى عالم السواقه
وانا من رايى انك تختارى عربيه صغيرة عشان تعرفى تتحكمى فيها اكتر زى الكيا بيكانتو
بس انتى لو مصممة على العربيات السيدان انا ارشحلك الصنى او الهيونداى النترا شكلها حريمى اكتر من الصنى وشيك وكماليتها كتير

ميرسى جدا لردك وفعلا الناس بتقول الصنى تستحمل اكتر وبالنسبه للالنترا فهى منتشره اوى
ومش عارفه بحس الصنى فى الشكل افخم عموما مشكور لردك

**meramor81** · 22-01-2008 03:46 PM

المشاركة الأصلية كتبت بواسطة شاهين - بنز

الصني تكسب عشان ياباني

فعلا اليابانى افضل بس هل التقفيل المصرى يفرق عن التقفيل اليابانى وهلى الصنى تقفيلها يابانى سمعت انه مصرى ارجو الافاده

**meramor81** · 22-01-2008 03:54 PM

المشاركة الأصلية كتبت بواسطة yahyanaabil

معايا صنى 2008 هى فعلا اضيق من ورا من الاوبنرا والعفشه ناشفه شويه فى الاول بعد كده بتتحسن
وامتن فى الصاج من الاوبترا والعربيه نفهاش اى عيوب خالص واللى يقولك غير كده يبقى بيفتى شوفى اى عربيه تستريحلها وجيبيها الاتنين ممتازين ومفيش فرق بينهم

ربنا يباركلك فى عربيتك ويحفظهالك انا بيعجبنى جدا شكل الصنى من الداخل عن الاوبترا بحس ان الاوبترا من جوه مش حلوة زى الصنى والصنى عجبنى شكل فوانيسها من ورا عن الاوبترا اللى مخوفنى من الاوبترا ان صجها خفيف جدا وحضرتك عارف السواقه فى مصر شكلها ايه بس اللى عاوزة اساله
هى الصنى تقفيل مصرى واخبارها ايه فى استهلاك البنزين

**meramor81** · 23-01-2008 02:41 AM

84 قارىء و3 بس اللى يردوا ياريت اشوف ارائكم

**wael333** · 23-01-2008 08:23 AM

انا من رأى الأوبترا, اوسع انعم على الأرض شكل التابلو احلى بكتير من الصنى الصنى تعتبر شكل قديم, الأهم توكيل محترم جدا مثل منصور , بالنسبة للصاج اى سيارة الأن اذا لم تحافظى عليها واى خبطة فيها سوف تؤثر بشكل كبير معظم السيارات الصاج يعتبر خفيف (الأنترا,اليارس,الرينو) عموما السيارة التى ترتاحى فيها اكثر (نفسيا من الدرجة الأولى) توكلى على الله وعند اتخاذ القرار لسيارة معينة لا تنظرى الى اى سيارة تانية, حتى لا تحتارى.
انا كنت محتار جدا وتهت بين السيارات كلها ولاكن الحمد لله استقريت على الأوبترا أوتوماتيك ان شاء الله قريبا جدا اشتريها

**M.Mokhtar** · 23-01-2008 09:54 AM

الصنى تقفيل مصرى والصنى الشكل الجديد كورى ومعتقدش نزل مصر لسه
بس العربية مش بتقفيلها
الصنى صاج شديد بيستحمل وماتور يابانى قوى وصالون واسع(بس اعتقد الاوبترا اوسع بس الفرق مش كبير)
اعتقد انك لو مش ناوية تبيعى قريب يبقى تجيبى حاجة تعيش معاكى وبالنسبة للنقطة دى الصنى اعلى بكتير من الاوبترا فى الاستحمال والعمر الافتراضى