السلام عليكم معيا اوبترا موديل 2007 وحاسس ان الدنيا بتخبط تحت فى الطرق المكسره كنت عاوز اعرف سعر الاربع مساعدين وبيض الدركسيون وايه اللى ممكن محتاج يتغير وبكام واسف للاطاله
عرض للطباعة
السلام عليكم معيا اوبترا موديل 2007 وحاسس ان الدنيا بتخبط تحت فى الطرق المكسره كنت عاوز اعرف سعر الاربع مساعدين وبيض الدركسيون وايه اللى ممكن محتاج يتغير وبكام واسف للاطاله
ارجو المشاركه فى الرد من الاوبتراويه القدام زى ا/ وائل عادل
راجع الموضوع ده
http://www.nilemotors.net/Nile/130322-apex.html
وده كمان
http://www.nilemotors.net/Nile/129281-a.html
متهيالي فيهم الخلاصه
اولا لازم تربط العفشة فى التوكيل او عند حداد عفشة كويس
ثانيا اتأكد ان الشكمان مربوط كويس و الكوتشات صالحة
ثالثا روح لحد بتاع كاوتش و تاكد ان الكوتش جيد و الجنوط بحالة جيدة
رابعا اضبط زواية فى مكان كويس و ممكن يربطولك هناك و اطلب منهم قبل الضبط التاكيد ان العفشة بشكل عام و المساعدين بشكل خاص بحالة جيدة لان لو فيهم حاجة صلحها الاول قبل الضبط و ماتصلحش عندهم روح لحد متخصص
خامسا اذا كان لازم تغير مساعدين فانت حر فى اختيار مساعدين sporty او عادية زى الى نازلة مع العربية فطبعا المساعدين الى ليها مواضيع فى المنتدى اغلبها sporty و بالتالى غالية جدا واذا حبيت تغير زى الى جاية مع العربية هاتكون ارخص بكثير (راجع التوكيل او حد مضمون فى شارع بيروت او التوفيقية )
وربنا يوففق الجميع
فية واحد هو مركز صيانة
صاحبة كان مهندس فى منصور
انا جربتة فى اكثر من حاجة بعد ما فتح و اثناء ما كان فى منصور
هو فى مدينة نصر فى بنزينة وطنية بجانب شركة انبى و بجوار مسجد السلام
بس الاول روح لحد بتاع ضبط زواية علشان تتاكد اية الى فى العربية بالضبط
ربنا يوفقك
شكرا جزيلا تعبتك معايا