النمر (س م ج) ومعاها 4 ارقام هى ملاكى اسكندرية مرور محرم بك والناس هناك كانت مش عاجبها النمر دى وناس كتيرة مرضيتش تجدد الرخص الى لما اللوحات س م ج دى تخلص
عرض للطباعة
فى لوح جديدة ملاكى زرقاء بتنتهى بحرف م
اللوح دى باين عليها لوح خاصة
شفت مرسيدس حروفها هـ ا م يعنى رجل مهم جدا
والادهى فى لوح بتكسر القاعدة العامة لعدم التكرار شفت لوحة م ا م 212
حرف الميم و رقم 2 بيتكراروا مرتين - واضح ان اللوح دى فيها انى
انا بقي شفت نمر بقي في مصر الجديدة في شارع نهرو امام البنك الوطني
حاجة تحرق الدم
(م م م 6 6 6)
بجد عماااااار يا مصر
انا مش وقطنع بالنمر سسس666
اولا انا مشاراكاتى قليله جدا بس الموضوع واجب الرد عليه
العربيه اللى فى الصوره و نمرها س س س 6666 مش معموله بفوتوشوب ده صحيحه 100% و ده لأنى خبير فى المجال ده و الحمد لله
ثانيا اغرب نمره شفتها على لانسر بومه فى مدينه نصر و قعدت اضحك عليها كانت حروفها ب أ ف و لأن الالف عليها همزه فالموضوع كان مضحك جدا
انا بقول انها صحيحه كصوره مش اكثر و مين عارف الكوسه فى البلد ديه ممكن توصل لأن حد يتعمله نمره تفصيل انا مابقتش استبعد اى شئ و الله
انما لو بصيت على الصوره هتلاقى ان انعكاسات الاضاءه عاليه جدا و متقنه و علشان تعمل صوره زى ديه لازو تكون متصوره ب Resolution عالى جدا علشان يتعمل فيها التعديل اللى يدى المنظر ده و بعدين تنضغط بس واضح من ظروف الصوره انها متصوره بكاميرا عاديه جدا
انا بتكلم من خبرتى الشخصيه و اللى عنده تفسير علمى احسن من كده يقول و ادينا بنتعلم كلنا
بتتخانقوا ليه بس علي الـ 6666 ؟؟؟
آدي كمان صوره لنفس العربيه اللي معلقه س س س 6666 وفي اسكندريه نفسها !!
http://img202.imageshack.us/img202/6...1417515696.jpg
وآدي كمان صوره لعربيه تانيه 666 برده
http://img64.imageshack.us/img64/6808/03062010i.jpg
ياريت بقي محدش يقول مفيش ارقام بتتكرر وكلام من ده لاني شايف عربيه تانيه رقمها 668
وعاااااااااادي انت فمصر يعني كل حاجه متاحه
والله كل شئ ممكن بس النمر الشاذة دى تتعد على الصوابع بس كل النمر العادية مفيهاش تكرار
ممكن تقولى يعنى ايه نمر عادية علشان يبقى مش فيها تكرار
وممكن تقولى يعنى ايه نمر فيها تكرار هما عملو نوعين من اللوحات يعنى
لوحات عادية خالية من التكرار
لوحات مميزة كلها تكرار دجاج كنتاكى
يااستاذى الفاضل النمر كلها واحد
مفيش فرق
غير فى الشعب فى ناس نظيفة وناس على قد حالها زينا
قصدى ان 99% من اللوحات مفيهاش تكرار ولا حروف ولا ارقام حتى نمر عربيات رياسة الجمهورية وظباط الشرطة والجيش ووكلاء النيابة كلها لوح عادية مفهاش تكرار بس ممكن حروف مميزة مثل " ب ط ل " " ج د ع " وممكن لوحات مش مميزة بس بيحطه عليها نسور وموازين وغيره
بس اللوح الشاذة ال فيها تكرار دى محتاجة وقفة ونعرف ايه حكايتها
يا اخونا مفيش تكرار ولا حاجة بس طبيعى انك تشوف لوحة مكررة الحروف فيها بس الارقام مختلفة ولوحة تانية الارقام متطابقة بس الحروف مختلفة بس لوحة مكررة بالكامل استحالة
دع الملك للمالك
يومكم زى الفل
يا جماعة حاسس ان في لبس
اكيد مفيش نمرة هتتكرر نفس الحروف والأرقام
التكرار المقصود هنا ان حرف او رقم يتكرر في نفس اللوحة !!! للتوضيح
انا شوفت فى الرحاب مرسيدس معلقة نمرة
هـ ف ا + رقم مش فاكرة
بارك الله فيك
السلام عليكم
يا جماعة أنا كان حظي وحش وخدت النمر الجديدة ال للأسف ليها معاني سيئة ...
أنا لسه مرخص العربية من 6 شهور
هل هناك طريق لطلب تغيير النمر بنمر مختلفة ...
ممكن بطريقة ملتوية وعوق شويه
فك احدى اللوحات واخفيها كويس عندك فى البيت وروح اعمل محضر ال القسم بفقدان اللوحة وخد المحضر واطلع على المرور واكتب تعهد ان اللوحة مفقودة وهتاخد لوحات جديدة بس هتدفع مبلغ محترم ونصيحة اصبر شوية مش فى ساعتاها علشان متبقاش مفقوسة وتكون اللوحات الوحشة خلصت من المرور وجابوا لوحات بحروف جديدة وقبل مت اعمل الفيلم دا روح المرور وشوف الناس بتركب لوح بحروف جديدة ايه ؟؟ لو عجبتك الحروف ال شغالها يوميها انجز الفيلم دا
بس خلى بالك مجموعة الحروف مش بتقعد كتير
يعنى لو انتى ملاكى القاهرة ولقيت الحروف ال ببتركب على العربيات النهاردة مثلا "ط ا ن" اعمل حسابك ان الحروف دى فى منها 504 لوحة فقط يعنى يدوبك تخلص فى يومين مثلا وهيجيبوا حروف بعدها جديدة لازم تلحق نفسك
لو ملاكى جيزة او اقاليم فى عندى 3024 لوحة و يعنى ممكن تقعد فترة اطول
بمناسبة ان مافيش تكرار انا لسه شايف همر عند داندى مول نمرها "هـ أ م 121"
ازاى بقى مافيش تكرار ؟؟
و تحياتى
م يعنى متحاولش تعرف احسنلك ربنا يجعل كلامنا خفيف عليهم
للاسف و طبعا كعادة مصر بالصورة صحيحة و الكوسة و الواسطة دخلت فى النمر الجديدة و تكرار الحروف و الارقام
و مصر هاتفضل زى ماهية .
هما ممكن يعملوا مزاد للارقام المميزة بس دا طبعا بكون فى الامارات و السعودية و الدول الحضارية .
يا رب ارحمنا من البلد دى .
موضوع ممتاز مشكوووووووووووور
اقسم بالله العظيم انى اول ما شفت صورة العربية دى فى الموضوع دة وانا مروح من الشغل وبالتحديد وانا خارج من المعادى على الكورنيش شفت العربية دى بنفسى وماكنتش مصدق نفسى انى اقرأ الخبر عن العربية دى واللى مفروض انها فى اسكندرية انى اشوفها فى نفس اليوم فى مدخل المعادى من الكورنيش
وال زاد وغطا انى شفت عربية نقل بورسعيد عادية جدا يعنى اكيد مش بتاعى حد واصل كانت لوحتها " ط ع ا 9986 "
يعنى المرور بدا يكرر الارقام والحروف على نفس اللوحة وىديها لاى حد
الله ينور عليك........
حد سمع ان المزاد ال هيتعمل للوحات المميزة ؟