عرض للطباعة
الإخوة الأعزاء المحترمين المشرفين وأعضاء المنتدى
تحياتي لكم جميعا (هذه أول مشاركه لي في المنتدى
أود شراء سيارة جديدة على أن توفي لي الأغراض والمواصفات اللآتيه
- أعمل مهندس إنشاءات
- السيارة ستعمل على طرق بها مطبات (محافظة الشرقية) الى حد كبير وطرق ترابيه (مش كتير)
- ستعمل يوميا حوالي 120 كم
- أود شراءها بالقسط (معي منها 20 ألف)والباقي قسط
- أول مرة أشتري فيها سيارة (الخبره ض ج )
- حياكم الله وفي انتظار نصائحكم
وآسف للأسئلة الكثيرة وشكرا لكم
كدة يبقي حرام تشتري ماتريكس...لانها هاتتبهدل معاك..
ومتهيالي مافيش حاجة من الجديد هاتستحمل السفر والشغل والطرق الغير ممهدة غير عربية تويوتا هاي لوكس...او عربية شاهين..
فعلا تويوتا هاى لوكس مناسبة فعلا وفى عريبة تانية هى الميتسوبيشى سبورتيروMITSUBISHI L200 SPORTERO
و الميتسوبيشى ديه سعرها كام؟
سنة 1986 الى سنة 1988 يعنى لمدة ثلاث سنوات كنت اعمل فى نفس مجالك ( وكنت متزوج و مخلف بنت ) كمقاول توريدات زلط ورمل و دقشوم يوميا انتقل من قاهرة لكفر الجبل بعد ابو الهول بشويه
ثم لطلع محاجر دهشور على ترعة المنصوريه فى مدقات جبليع
ثم عبر كوبرى المرازيق الى الصف مشروع انشاء 800 وحدة سكنيه
داخل مدقات
اراجع ما تم توريده و مخزونهم و احتياجاتهم
ثم اروح
ثم انزل من المنيل للمعصره اقابل اصحاب النقل اديهم طريحتهم و اماكن
الرمى
و يوم الجمعه الف على المعلمين اديهم فلوسهم فى بيوتهم طول النهار
فىبلاد : ابو رجوان - الصف- دهشور- المعصره - البحر الاعظم
طبعا عمرى ما بصيت على العداد و لا استهلاك بنزين لانى كنت باكسب كويس جدا
و كنت من سيطرتى على شغلى الشركات طالبانى .. و كنت اعتذر حتى لا اشتغل بالدين ( اكتر من راسمالى يعنى ) فما كانش عندى فايض فلوس اجيب عربيه شياكه اللى اصلا بعتها عشان اسد فى السوق ( مرسيدس 79 )
عارف قضيت احلى سنين دى بأيه ...؟
سيات 133
العربيه دى ما فيهاش عفشه اساسا
الاسبوع كله ب خمسه جنيه بنزين
8888888888888888888888
اذا كنت راجل بتاع شغل و نجاح هاتها و شدها رجعها فبريكه مهما صرفت عليها ها يفضل معاك فلوس كتير من ال20
*****************
تركيبتك حاجه تانيه .. اللّه معك يا صاحبى
هات شاهين استعمال الشرقية شوارعها ذى الزفت
اية يا جماعة انتو عايزين تركبوا الراجل نص نقل
أولا أهلا بحضرتكاقتباس:
الإخوة الأعزاء المحترمين المشرفين وأعضاء المنتدى
تحياتي لكم جميعا (هذه أول مشاركه لي في المنتدى
أود شراء سيارة جديدة على أن توفي لي الأغراض والمواصفات اللآتيه
- أعمل مهندس إنشاءات
- السيارة ستعمل على طرق بها مطبات (محافظة الشرقية) الى حد كبير وطرق ترابيه (مش كتير)
- ستعمل يوميا حوالي 120 كم
- أود شراءها بالقسط (معي منها 20 ألف)والباقي قسط
- أول مرة أشتري فيها سيارة (الخبره ض ج )
- حياكم الله وفي انتظار نصائحكم
وآسف للأسئلة الكثيرة وشكرا لكم
أنا بلدياتك من الزقازيق
و عندنا المطباط عادية مش للدرجة بس يمكن عندك حاجة تانية
و علي فكرة بلاش ماتريكس مش بتاعت بهدلة
يعني شوف مثلا الياريس او اللانسر الشكل القديم يعني عفشة عفية و موتور صحته طويلة و شياكة بردو
انما لو هتنزل للانوس او الفيرنا يبقي اللانوس عشان بحس انها بتستحمل البهدلة جامد
انما الفيرنا 1600 موتور جامد موت
انما لو مش يهمك الرفاهية و الراحة و الشكل الجديد و تستحمل ضيق الصالون و فقره يبقي شاهين..........
عموما شوف الفئة اللي تناسبك و قولنا و نفكر سوا
فى رايى حرام تجيب ماتريكس لانها هاتتبهدل معاك، انت عايز عربيه تتحمل المشقات فانا فى رايى تكون شاهين 1600 وياريت تحاول تتصرف فى اى مبلغ وتجيب واحده مستعمله كاش موديل جديد يعنى مثلا من 2003 وطالع او تاخد قرض من البنك وتجيب مستعمله للأسباب التاليه:
1) طبعا زى ما معروف الشاهين عاليه وعفشتها جامده جدا تتحمل الطرق الصعبه دى
2) فيها باور وتكييف وسنتر يعنى اكتر الكماليات اللى ممكن تحتاجها
3) هاتكون ارخص من الزيرو وفى نفس الوقت مش هاتحس ان قلبك بيتقطع وانت بتحك فى عربيه وللا بتاخدلك زلطه فى الزجاج وده وارد جدا جدا خصوصا انك بتقول انك لسه فى بداياتك
4) استهلاكها للبنزين اكتر من ممتاز
5) قطع غيارها ببلاش وموجوده فى كل حته
6) شنطتها واسعه (اعتقد هاتكون اوسع من الماتريكس)
طبعا ممكن برده تجيب دوجان او ريجاتا بس حاله كويسه .... وربنا يوفقك وابقى طمنا
هات عربيتين واحدة نضيفة و128 للعمل الشاق
اخى العزيز انا من النصورة وبروح كتير البلد وجبت نوبيرا اعدت معاية شهرين وحسييت ان مفاصلها اتسيبت بعتها وجبت الشاهين بور وتكييف و1600 بسم الله ماشاء الله باكون راكب ومتطمن وبدوس مبيهمنيش المطبات ومبسووووووووط اوى منها والايام بتعدى وهى لاتتاثر واللة نصيحة لله ومن ناحية الراحة فهى زى اي عربية حديثة بس لاحظ اناباتكلم على 2007 واعتقد من 2005 هو هو ـ فشوف مزانيتك وفكر فيها بس الناس الله يهديهم هما اللى هيكرهوك فيها
إخواني الأعزاء سعيد بكم جدااا والله
واللى قابلينا قالوا " ضيف علم الناس لعلمك تكن أعلم الناس .
الناس بتقول :
بلاش مستعمل أحسن يكون قيها مقلب أو عيب في العفشة أو الموتور
الميكانيكية ساعات يغيروا ضميرهم
طبعا لو حتجيب مستعمل الميكانيكي هو كبيرك
ميولي الشخصية للماتريكس عربيه عاجباني من زما ن
وإن لم يكن فتأتي بعدها لانوس
مش عايزين مستعمل كل يوم عند الميكانيكي
الشاهين صالونها ضيق وأنا الى حد ما بدين شويه (117كجم)
أنا سعرت اللانوس في شركة راما
قالولي إدفع العشرين وقسط شهري 1175
بالنسبة للطرق بالشرقيه أكثر من 70% منها غير ممهدة ومطبات
وأنا نفسي في عربيه الى حد ما شيك وتتحمل مجهود ليس بشاق جدااااا كما حدث مع
المهندس مدحت منيب
على فكرة أنا أعمل في شركة مقاولات بمرتب ثابت والحمد لله في حدود 1500جنيه
العربيه حتعمل بمرتب أيضا في حدود 1700جنيه
يعني أنا حدفع العشرين والباقي هي حتسدد نفسها
سعيد بكم جدا وأتمنى ألا تبخلوا بالنصيحه
وقبل هذا كله قال رسول الله صلى الله عليه وآله وسلم ما خاب من استخار ولا ندم من استشار ولا عال من اقتصد .
من تجربتي بلاش الماتريكس و بلاش الكوري عموما العفشة مش بتاعة خدمة شاقة
خليك في الشاهين او الايطالي القديم (ريجاتا 132 131) و دووووس براحتك
و ربنا يوفقك يا باشا
ما دامت العربية هتعمل بمرتب يبقى اتوكل على الله وهتها ومن دخلها سدد قسطها وواليها عند مركز خدمه يظبطهالك باستمرار
واى عربيه مهما كانت ما دومت لا تبخل عليها يبقى مش هتتعبك .
شكرا للرد ياريس
طب وإيه رأيك في الفيات الموديلات الحديثه
بونتو وباليو وسييتا وأوتو ؟؟؟
مع تحياتي
البونتو عربية جميلة و ايطالى بس مشكلتها انها عربية صغيرة ممتازة جدا جدا للمدينة
الباليو و السيننا بلاش لأنهم تقفيل صينى
اونو تقفيل برازيلى على ما اعتقد
رأى هات شاهين
شكرا لك أيها الفهد
بمناسبة الشاهين سمعت إنه سوف يقف إنتاجه في مصر
وسيستبدل بالفيرنا
هل هذا صحيح
عموما أنا ما زلت أميل الى اللانوس
لو هبد و رزع بلاش كوري و دي نصيحتي
لو عاوز تركب فيات حديث شوية هات تمبرا ..
غير كده الحديث ضعيف على مدقات و مطبات البلد و ظروفك
بصراحه " انا ليزر " جاب الخلاصه ..
هات اللانوس عشان ترضى نفسك و ده عنصر هام لان يغور القرش اللى ما ينزّه صاحبه ، و راعيها شويتين فى المطبات .
و اعمل صياناتها صح فى وقتها
وايه يعنى ن كل ما تعوز مقصات هاتها لها
ما فيش مشكله
الصرف على العربيه بيخلّيها الى الابد بحاله ممتازه
اركب جيب وسيبك من السيدان
ان معايا لانوس بعمل بيها حوالى 120 ك فى اليوم بقالها 6 شهور و شاريها زيرو مشتكتش و الحمد لله
مع ملاحضه ان فى شوارع صعبه اوى بامشى فيها حوالى 10 ك شوارع مكسره وباقى المشوار طوالى
خليك فى شاهين زيرو و اتكل على الله
شكرا للإخوة الأعزاء
كنت اليوم بالقاهرة - للمرور بالمعارض وأخذ فكره
بصراحه نفسياتي تعبانه - العربيه اللي تحس إن فلوسها حلال
وتدفع الفلوس وانت مطمئن ثمنها لا يقل عن 120ألف وأكثر
زي البيجو 307 والميتسوبيشي وغيرها موديلات فخمه مالناش فيها
واللانوس حوة وممتازة من بره لكن لما تقعد في العربيه
التقفيل والتشطيب والكاسيت وبتاعة أكواب الشاي دي
زي ما يكون بلاستيك قديم متشطب كويس
وكأن العربيات بتتقفل تحت السلم أو المهم للشركات المنتجه ديا
عايزة فلوس وبس ..... وبعدين العربيه في التوكيل بيقولوا ب67.5ألف والاستلام بعد ثلاث شهور .... بره التوكيل الكاش 70 عشان حتستلم في نفس الأسبوع
ولو قسط طبعا البنديره بترتفع ياحبيبي 40% والغريب بعضهم قاللي : لازم المدام تضمنك !!!!!!!!!! ليه ؟!!!!!!!! لازم وبس .... المدام زوجتي لا تعمل والحمد لله وليس لديها وظيفه ...برضو لازم المدام . ياعم بلاش أجيب من عندكم إحنا فلاحين ومانحبش حريمنا تظهر ـــــــــــــــــــــــــ ـــــ
المهم أني حمد الله كثيرا أنني من طبقة شبه متوسطه أو معرفش المهم أني قريب من الناس اللي بيسموهم محدودي (أو قل محلولي الدخل) وكذلك البسطاء من عامة الناس
الغريب ان الناس بتوع المعارض عندما تتحدث عن التقسيط يستقل بيك ويعاملك معاملة وكأنه يمن عليك إنه بيقسطلك مع إنه المستفيد وإنت الي بتفيده والعربيه بيحتفظوا بملكيتها ومع ذلك بيتكبروا عليك .... على رأي اللي قال : حسنه واحنا أسيادك !!!!
دوشتكو شاااااااااكر جدا للإخوة الذين شاركوني