شكلك عامل ازاى فى الرخصة

النهارده بعد ما طلع عينى لمدة اسبوعين عشان اطلع بدل فاقد بعد ما رخصتى ضاعت تخيلوا اسبوعين كل يوم اروح الموظف المحترم يقولى اسمك مش موجد على الكمبيوتر دور فى الارشيف العسكرى المحترم يقلك مش دلوقت انا مش فاضى روح و تعالى بعد شوية و تروح كل يوم ويقولك انا دورت فى كل الدفاتر و مش لاقى اسمك لحد النهارده طفح يى الكيل و رحت داخل على رئيس الوحدة قامت الموظفة المحترمة كتبه الاسم على الكمبيوتر و سبحان الله طلع الاسم اللى كان مش موجودز المهم الموظف قالى عايز تتصور ولا نطلع على الصورة القديمة قلتله لا صورلما استلمت الرخصة لقيت صورتى فيها مش ابحث مع الشرطة لا صورة مش عارف اقول ايهو قلت اسالكم انتوا كمان شكلكوا عامل ازاى فى الرخصة ابحث مع الشرطة ولا حسين فهمى الرجل الغامض بسلامتههههههههههههههههههه ههههه

هههههههههههه
موضوع عسل
موضوع الصور ده بجد رخم جدا سواء في البطاقة او الرخصة
مش عارف اللى بيصور ده معندوش ادنى موهبة في التصوير والغريب ان في كل الاقسام وكل المحافظات ، تحس انها حاجة مقصودة

انا بقى اكمنى طويل والكاميرا كانت مش عاالية اوى فصورتى جاية كدة كأن واحد بيبص لى من تحت لفوق لا وكمان واخدة زاوية غبية
مخلية شكلى مسخرة

بس حمدت ربنا لأن كتير من اصحابى صورهم طالعة حاجة كدة زي صورة سواق النقل المسطول هههههههههه

لا الحمد لله، طلعت انا مش حد غيرى

كنت ايامها رفيع ووشي داخل لجوه
وكنت مخنوق من اليوم عشان كان يوم مقرف في اخره
والصوره طلعت ابحث مع الشرطه والجيش وبقية الشعب

عند تحديث رخصتي اتصورت من جديد عشان الموضوع ده

انا دايما حظى وحش فى التصوير عموما
بس اليوم ده بتاع المرور الموظفه قالتلى روح اقف هناك فرحت وقفت هناك ومستنيها بقى تقوللى بص لفوق بص لتحت بص هنا مفيش اى حاجه خالص لحد ما فوجئت بيها بتقول اللى بعده (:
قلت بس الصورة هاتطلع اسوأ من اللى كانت فى خيالى
بس المفاجأه انها طلعت صوره اقل ما يقال عنها انها صورة نادرة ليا او صوره متصوره باحترافيه شديده من مصور صحفى شاطر (:
حظوظ بقى

فى البطاقة صورتى اقسم بالله تحس انها صورة واحد مقبوض عليه , و طلعت بدل فاقد بسبب كده و برده متصورتش و طلعت هى هى :(((

فى الرخصة بقي طلعت عين الموظف لحد ما ساب المكتب و مشي , لاقيته بينادى عليا فى الاول و بيقولى تعالى علشان تتصور قلت له ثوانى هغسل وشي لحسن واقف فى الشمس و عرقان و كده ..

قالى لالا تعالى حالا , قلت له اصبر راح حالف ما هغسل وشي و ساب المكتب .

المهم , اتصورت و طلعت كويسة الحمد لله .

أنا صورة البطاقة كنت عامل شعرى عرف ههههههههههههههه
سمعت ناس كتير بيتقالها سرحوا شعركم على ورا صح و كدة أنا بصراحه متعملش معايا كدة نهائى
أنا بالعكس إلى كان بيصورنى كان معجب جدا بالتسريحه العجيبه دى (زمان يا شعر كان لسه بصحته)


بالنسبه للرخصة هقولكم على صدمه حلوة
أنا لحد دلوقتى مطلعتش رخصه ههههههههههههههههههههههههه هه
لدرجة أن 90% من صحابى و 90% من أهلى ميعرفوش الموضوع دة و الباقى إلى يعرف انى مش معايا رخصة مش مصدق برضة