حد يعرف اى معلومات عن العربيه الداتسون القديمه اللى موتورها بنزين
او سولار
لانى عاوز اجيب واحده
وهل فى منها دوبل كابينه وتعمل قد ايه؟
وهل يوجد سوق زى بتاع الملاكى الواحد يروح ويتفرج فيه ومكانه فين ؟
شكرا
عرض للطباعة
حد يعرف اى معلومات عن العربيه الداتسون القديمه اللى موتورها بنزين
او سولار
لانى عاوز اجيب واحده
وهل فى منها دوبل كابينه وتعمل قد ايه؟
وهل يوجد سوق زى بتاع الملاكى الواحد يروح ويتفرج فيه ومكانه فين ؟
شكرا
11 واحد قرأوا الموضوع ومحدش رد عليا ليييييييييييييييييييييييي يييييييييييييييه؟
وانا وحش ولا اييييييييه؟
لا مش وحش قلة خبرة بس
ممكن تلاقي اعلاناتها في الوسيط,.. أو في موقع مصراوي...
سعرها هيكون بين 18-20 ألف....
البنزين منها 1800 سي سي
الديزل معرفش سعته اللترية...
مشفتش منها دوبل كابينة قبل كدا بصراحة....
بس سؤال...
اشمعنا الداتسون القديم؟؟
انا اعرف ان في ناس بتشتريها وتغير ليها كابينه وموتور ويرجعوها كويسه
استاذ مينا متشكر جدا لتفاعل حضرتك مع الموضوع
اقولك بقى ليه داتسون قديمه
اولا معييش فلوس حدودى 15 الف
ثانايا انا هستخدمها فقط عشان عندى قطعه ارض فى الجبل طريق المريوطيه لا يوجد بها ماء والماء لا ياتى الا بالفونطاس وده بيتكلف 25 جنيه فى الفونطاس الواحد يعنى وكل مشروع اعملوا ميزانيتوا بتخرم نتيجه استلاك المياه فكنت بدور على حل
وفكرت فى الحل ده
على فكره انا كنت صريح معاك شويه وقلبت دماغكوا
فكنت بدور على اى عربيه ربع نقل فى الحدود دى
وتكون قطع غيارها متوفره عشان الصيانه
فى ناس رشحتلى الداتسون وناس رشحت البيجو 404 ودى انا شايف ان قطع غيارها هتكون نادره ومش رخيصه؟
تنصحنى اعمل ايه؟؟؟؟؟؟؟؟؟ظظ؟
على فكره الفونطاس حمولته واحد متر مكعب من المياه يعنى طن
هتلاقي بإذن الله في الرينج ده...
بس هتكون موديل قديم و معدومة العافية....
خدها و اصرفلك عليها 2000-3000 في الموتور و العفشة... و بكدا تبقا كسبتها....
و هتمشي معاك مش هتقول لأ... بس أهم حاجة تكون أساسياتها سليمة.... الشاسيه ميكونش فيه عوجة ولا بونطة لحام....
بالنسبة للحمولة... طن ميعتبرش كتير... و عموما لو حسيت أن العربية نازلة زيادة... ممكن تزود ورقة سوستة ورا و تقنطر السوست....
و سواء كانت بنزين أو ديزل... هتكون موفرة.... عشان لو بنزين هتبقا ماشية ب80 ... اللي هو أرخص من الديزل...
و لما تنفذ... اذا احتجت أي حاجة في الطرمبات و العمرات بتاعت الديزل... ابعتلي و أنا هوديك عند الناس اللي بتعامل معاهم....
افهم من كده ان الداتسون كويسه
وقطع غيارها موجوده
متشكر ليك جدا جدا استااذ مينا