الموضوع: مواضيع الأهلي و الزمالك.. كفاية بأه من فضلكوا

المشاركة الأصلية كتبت بواسطة human12

كلام جميل و كلام معقول ماقدرش اقول حاجه عنه
بس مالوش اى علاقه بالموضوع اللى بنتكلم فيه

ماتزعلشى منى انا حسيت الكلام زى اتنين مختلفين على السماء زرقا ولا بمبى وواحد معدى يقول القمر بيطلع بالليل

الخلاف كان على وصم انسان محبوب من قطاع عريض بانه عمل فعل مشين للجماهير فكانت المناقشه و الشد والجذب بين اصدقاء ماحدش فيهم غلط فى التانى ولا قال للتانى سفهاء و محدش قال للتانى انت هايف و بتكلم فى هيافه (الكلام ده سمعناه فى مناقشتكم الموقره) وايضا مناوشات طبيعيه بين اشخاص بيشجعوا انديه متضاده و مش متضايقين منها ة بيضحكوا و هما بيكتبوا و مأكدين من قبل المناقشه ان ده مالوش علاقه بالاواسر الطيبه و احنا مبسوطين كده مش عارف اللى ماشركش متضايق ليه واللى شارك متضايق ليه -
الخلاف و النقاش عشان نشوف الراجل غلطان ولا مش غلطان
كون ان فيه ناس مش عاجبها الكلام ده هيه حره بس مسير ابنى هيكبر و كنت هقوله لما ييجى بركات فى التليفزيون باحتفال 20 سنه على اخر مره الاهلى خد فيها الدورى هقوله ده ابو صباع (ابنى اهلاوى) و اعرفه حقيقته
بس الحقيقه بسبب المناقشه طلعت ان غالبا الراجل مش قاصده حاجه

لو انت شايف ان ده كلام فاضى ده حقك زى مانا شايف ان موضوع كتاوت العربيه مايهمنيش فى حاجه (انا حر برضه) بس الفرق انى ماجتش اقولك ايه الهيافه اللى انت بتقولها

ملحوظه الكلام مش موجه لحضرتك - الكلام فى العام-

--

استاذ طارق
فى البداية عجبنى اوى تشبيه السما زرقا و بمبى و الفمر
ما علينا
انا لا ازعل منك فانت لك نصيب كبير من الاحترام عندى و كذلك الاخوة
و مادام نقاشنا فى حدوده من الاحترام يبقى ربنا ما يجيب زعل
لانها فى النهاية كلها وجهات نظر يا تقنعنى يا اقنعك يا اما لا يستطيع احد ان يقنع الاخر و برضه نفضل على نفس المساحه من الاحترام التى كانت قبل النقاش
---
المهم انا لم اقصد التعليق على موضوع معين بذاته "بركات او الماتش الاخير اجمالا"
انما كنت اعلق من وحى الموضوع لأختنا علا و هو مواضيع الاهلى و الزمالك او بالاعم الكرة و نقاشاتها
----------
موضوع الهيافه و الجديه
لا استطيع ان انعت اى انسان بانه علشان اتكلم فى الموضوع الفلانى انه هايف و اذا اتكلم فى الموضوع العلانى يبقى راجل تمام
كل واحد له تركيبة فكرية تختلف عن الاخر و كل واحد له اهتمامت معينه ممكن تكون هايفه من وجهة نظر البعض و مهمه جدا للبعض الاخر
ما قصدته هو الناتج النهائى للموضوع
هل هو مفيد لك و لمن حولك و للأغلبيه ام غير ذلك
طبعا فى حاجت لا يختلف عليها اثنين و العكس بالعكس
ما اريده ان يكون الموضوع محدود بمقامه
--
اعتذر لأنى مش قادر اعبر كويس عن ما اريد قوله و لكن ارجو ان تكون رسالتى قد وصلت
---
على فكرة يا استاذ طارق
القمر بيطلع بالنهار برضه وقت ما تكون السما زرقا