الموضوع: مواضيع الأهلي و الزمالك.. كفاية بأه من فضلكوا

حضرتك معاكى كل الحق فى المواضيع دى..
بس الواحد لما يقول كلمه عابره لا يسعى من خلفها التوليع لا سمح الله...وكل غرضه انه يلاقى الناس بتهدى فقط ويتقلب الموضوع تهريج.
لأ
تلاقى واحد يتدخل فى الموضوع بكلمه اقل ما يوصف عنها انها ساذجه ومستفزه.
وملهاش اى لازمه على الإطلاق.
الفكره مش فكره موضوع مثير للجدل بينطرح.
لأ الفكره ان دماغنا و عقليتنا هى اللى مثيره للجدل

المشاركة الأصلية كتبت بواسطة ashturbo

خلاص كفاية أهلي ونقلب على الأتحاد شوية وأهو الأتحاد سيد البلد بردوا :s_thum1[1]:

لألألألألأ
غزل الملحه لو سمحت

ربنا يهديهم و يهدينا

كلام عاقل وحكيم وكله إيجابية..ولعل مثل هذه المشاركات يكن لها أثر في تذكير الجماهير أن الكرة للمتعة وليس لاستفزاز الآخر. يعني نهزر نضحك نغلس حتى غلاسة الأصدقاء وبس خلاص. اين الأعضاء الفاهمين كورة بجد؟؟ غياب مشاركات الأعضاء المعجنونين كرة احد اسباب بروز الاستفزازات

المشاركة الأصلية كتبت بواسطة ams

ربنا يهديهم و يهدينا

+1

الماتش خلص بقاله يوميين والناس من كتر الفراغ مازلت مستمرة فى المناقشات - وقد تكون حادة - فى كل مكان اروحه

المشاركة الأصلية كتبت بواسطة aif

للأسف ......
انتي بتنفخي في قربة مقطوعة يا علا
بتحاولي تخلي البحر حلو والنهر مالح
ولا البحر ح يحلو ولا النهر حيبقى مالح
.....
آسف للتعبير ...... وآسف للواقع المرير
لكن مافيش فايدة .... زي سعد ماقال

الله ينور عليك يا حاج أحمد
لا أمل على الإطلاق
فكرتني بموقف حصل لي أيام ما كنت طالب في الجمعة
اتفقت مع أحد أصدقائي المتعصبين على إنهاء حالة الجدل الكروي
فتدخل واحد صاحبنا وقال تيييت أم الأهلي على تييييت أم الزمالك
فرد صاحبنا التاني وقال له .. لو سمحت بلهجة عصبية جداً وقال
لأ .. تيييت أم الزمالك على تيييت أم الأهلي

مفيش فايدة
مفيش فايدة
مفيش فايدة
مفيش فايدة
مفيش فايدة
مفيش فايدة

ومحدش هايقتنع أبداً إن الكورة دي لعبة بتنتهي وقت نهاية المباراة
زيها زي بولة الدومينو أو عشرة الطاولة أو دور الشطرنج
بيبقى الواحد على أعصابه طول ما هو بيلعب وبعد ما بيخلص ..
خلاص بيروح مبسوط سواء كسبان أو خسران المهم إنه قضى يوم حلو وخلاص

أنا شايف من وجهة نظري المتواضعة
أن نقاشات الأهلي والزمالك ما هي إلا تفريغ لشحنة من ناحية وإسقاط على حاجات كتيييييرة في الشأن الحياتي من ناحية أخرى
يعني كل واحد بيشجع مش بيشجع فريق لأ .. بيشجع منطق وأسلوب حياة ومبادئ ويفرغ طاقاته المكبوتة في الفعل ورد الفعل ..

مش هاقعد أأصل وأنظر .. كفاية كدة علشان مطولش عليكم
وتحياتي لعلا وكل من شارك بالموضوع

وأنا كان نفسي أعمل من زمان موضوع عن المبدأ وراء تشجيع فرق الكورة
ليه بتحب ناديك وهاتموت نفسك عليه
لكنني اقتنعت أن ثمة نقاش كروي موضوعي خيال بحت

وتقبلوا خالص مودتي