اعتقد حادثة زى دية محتاجة سيارة الاسعاف نفسها مش شنطة اسعافات اخرها تعالج واحد اتخبط من بسكلتة
عرض للطباعة
انا حاولت اصورها انهارده بس كانوا بيترفعوا ولقيت الظابط هايزعقت رحت شايل الفون
عموما هما شكلهم ضايع خاااالص خااالص ( شاهين - فولفو - اكسيل - ميكروباص تيوتا - ربع نقل وكان فى حاجه تانيه مالحقتش ادقق فيها بس متدمرين بغبااااء ربنا يسترها علينا هى بالظبط فوق نفق المعادى اللى بيطلع على اوتوستراد صقر قريش :(
http://i921.photobucket.com/albums/a...00/evo04-1.jpg
http://i921.photobucket.com/albums/a...o200/evo01.jpg
http://i921.photobucket.com/albums/a...o200/evo04.jpg
معلش ماعرفتش اصور كويس انا حسيت ان الظابط هايطلعلى من شاشه الموبايل ..
انا شفت اثار الحادثة النهاردة
بجد حاجة بشعة قوى العربيات متدمرة تماما
ربنا يستر علينا جميعا طريق سيئ و غير منظم نهائي
يا حافظ يارب .. الوقاية خير من العلاج .. لابد من صيانة وتامين عربيتك قبل ما تسرع على الطريق
الطريق ده يا اخونا بسوق علية كل يوم من مدينة نصر لحد المعادى الجديدة وامبارح الساعة 5 نزلت من الشغل والطريق واقف من قبل صقر قريش لحد بنزينة وطنية اللى فوق نفق زهراء المعادى وشوفت منظر العربيات وشكلها بشع بجد والله...
طريق الاتوستراد محدش مهتم بية اصلا وزى الزفت بليل والاغرب من كده ان كل الناس بتجرى علية بغباء زيادة عن اللزوم
ربنا يسترنا طرقنا ويرحمنى من الطريق ده بجد انا زهقت من اللى بشوفة علية كل يوم هو والدائرى
نسيت اقولكوا على موقف برضة على طريق الاتوستراد ده
طبعا اللى ساكن ناحية الاتوستراد وبيمشى علية علطول فأكيد بيبقى حافظة كويس لانة طريق يجب الحرص وانت ماشى علية وخصوصا بعد الدويقة وبعد مطلع المقطم.
المهم.. من كام اسبوع عملوا مطب قبل بنزينة total اللى هى جنب شق الثعبان ويعتبر منزل بعد بنزينة وطنية وبليل محدش بيشوفة نهائى واللى ساكن هناك بس هو اللى حافظة
راجع انا يوم الخميس من وسط البلد حوالى الساعة 2 والطريق فاضى وانا ماشى على مهلى وجاى من وراي صاروخين عربية هيونداى كوبية ولانسر وانا على المنزل قبل المطب بحاجة بسيطة قومت فاتح الانتظار ومطلع ايدى بشاور براحة للعربيات اللى جاية زى الصاروخ .. ولا حد عبرنى حتى ولا اهتم انى بشاور وانا بهدى عادى ودول عدونى وانا بقى بتفرج عليهم ... ولاقيلك دول قدام المطب والاتنين اتبرجلوا جامد وفرامل مسح على الاخر وخبطبوا بعض كمان ... دخان بقى واتفرج يا معلم .. وش الهونداى رشق فى شنطة الانسر وانا بعدى جنبهم وبقول لا حول الله.. فاكرنى بعربية صغيرة بشاور اى حاجة ومن غير اى اهتام والاخر حادثة كلفتهم عربياتهم.. انا عديت ومشيت وانا منزعج من كمية الاستهتار على الطريق ده..
طب هو ده طريكوا يا اغبياء عشان تجروا الجرى ده كلة!!! قمة الغباء والله
ربنا يسترها علينا يا رب
اخر مرة نزل فيها مطر من حوالي شهرين تقريبا
بالنهار يعني الدنيا نوربس مغيمة شوية عشان المطر وبرضة الطريق بيقف قدامي عشان فيه بركة مياه وانا شغلت الانتظار وبرضة اللي ورايا راح طالع مني وبيبصلي بصة معناها تقريبا ايه اللي انا باعمله وبيشوحلي هو واللي راكبة جنبه ومكشر اوي وبيكبس بقى لانه كسر على عربية ماشية شماله واكتشف الراجل المفاجأة ان الطريق واقف وداس فرامل وطبعا الارض مبلولة ومزحلقة وخدله شوية بيتزحلق ووراه العربية اللي كسر عليها وانا بفرمل عادي ووقفت وهما الاتنين بيتزحلقوا جنب مني بس جت معاهم سليمة ومحصلشي حوادث
طب الأرض مزحلقة والجو متوتر والسواقة مش مريحة في المطر خليك بقى ماشي هادي حتى بلاش تجري
طلعت منه في الزحمة بالراحة لقيته برضة باصصلي وبيشوح بصراحة كبرت منه وكدة كدة قافل الازاز دورت وشي ومشيت
نفسي اعرف التفكير بتاع واحد زي دا ايه ؟؟؟؟؟؟ برضة زي بتوع الكوبيه واللانسر ؟؟؟؟؟
حد لاقي يمشي براحته واللي قدامه ينبهه ان الطريق واقف ولا في مطب !! حاجة غريبة مش كدة ؟
برضة الاوتوستراد بس من شيراتون من أوله خالص
يا باشا انا ساكن فى المعادى و فى جامعة حلوان و بسوق كل يوم على الطريق ده و فعلا الاكسيل الدركسيون طالع و باصص للشارع كده
الطريق ده بعد مطب توتال و تعدى شق التعبان عذاااااب و مطبات و نقل و حفر و قرف
و يا سلام بقى لو ماشى بليل و الله العظيم لو مش حافظ الطريق ماينفعش تمشى عليه لان فيه حتت كده عند المعصره بتتاخد بالخبره
ربنا يحفظنا