السلام عليكم
لو سمحتم حد يدلنى انا معايا لانوس 2004 و عايز احطلها بنزين 92 بدل 90
ايه اللى المفروض اعمله
هل لازم اغسل تانك البنزين الاول و افكه ؟
هل ممكن امون 92 عالطول ؟
هل امون تدريجيا ؟
وشكرا
عرض للطباعة
السلام عليكم
لو سمحتم حد يدلنى انا معايا لانوس 2004 و عايز احطلها بنزين 92 بدل 90
ايه اللى المفروض اعمله
هل لازم اغسل تانك البنزين الاول و افكه ؟
هل ممكن امون 92 عالطول ؟
هل امون تدريجيا ؟
وشكرا
اعتقد مفيش مشكلة انك تمون على طول لان انت بتمون رقم اوكتان اعلى فمفيش مشكلة واتكل على الله
استني اما التانك يفضي بس مش عالأخر .. يعني استني اما ال 90 اللي انت حاطه يخلص و لمبة البنزين تنور .. اما اللمبة بتنور بيبقي ناقص 5 لتر في العربية او حوالي 7 لتر و نص .. يمشوك يعني العربية مش هتقطع .. بس و حط 92 عادي
عادى جدا مون مفيش مشكلة بس يفضل ان يكون التنك عندك فاضى او فى اخرة
يعنى ميكونش عندك نص التنك90 وتكمل نصة 92 كدة العربية هتبرجل معاك
مش حيحصل اى حاجة لو حطيت 90 على 92
MMamdouh
يعنى لو حطيت 92 عالطول من غير ما اغسل التانك مفيش مشاكل
طيب و ده مالوش تأثير على الموتور خالص
لا يا باشا متخافش مفيش مشاكل
مفيش اى مشاكل خالص انا حولت من زمان استنيت لحد ما مؤشر البنزين نور انه قرب يخلص و رحت مفولها 92 و عيش يا معلم
مفيش مشاكل برفع رقم الاوكتين ان شاء الله كما قال الاخوة، المشاكل تحصل لو نزلت برقم الاوكتين من 90 لـ80 مثلاً.
عادي ممكن تغير البنزين من90 الى 92 بس في مصر معتقدش ان فيه فرق كبير بين رقم الاوكتان