المساعدة من المهندس MMamdouh و المهندس سمير عياد وكل خبراء فتيس اللانوس الأوتوماتيك
السلام عليكم.......
أنا كان عندي دايو لانوس 2 موديل 2003 مانيوال وحاليا والدتي هي اللي بتسوقها بعد ما جبت الجين-2 وكنت عايز أحول اللانوس من مانيوال لأوتوماتيك علشان والدتي (ربنا يشفيها) عندها آلام وخشونة في مفصل الركبة اليسرى وبتتعب من سواقة المانيوال .... وبالبحث في المنتدى وجدت الموضوع ده
http://www.nilemotors.net/Nile/103260-2000.html
واللي توصلت فيه إن الأجزاء المطلوبة للتحويل هي:
- ريداتير أوتوماتيك
- عدد 2 خرطوم تبريد زيت أوتوماتيك
- فتيس اوتوماتيك كامل بالقواعد
- ترس فولان للاوتوماتيك بالمسامير بتاعته
- مارش أوتوماتيك كامل
- عدد 2 كوبلن اوتوماتيك كامل ( بالأفايز والكاوتش وصامولة الربط )
- ضفيرة اوتوماتيك كاملة (من أول الكارتة لحد الموتور وضفيرة التابلوه)
- طقم بدالات أوتوماتيك
- عصاية اوتوماتيك
- كابلات نقل من العصاية الي اول الفتيس
- الكونسول
- كنترول الفتيس الاوتوماتيك
- كنترول الموتور الاوتوماتيك
- خزنة زيت الفرامل
- عدد 9 كيلو زيت اوتوماتيك
فنزلت الحرفيين ولقيت تاجر قطع غيار إستيراد عنده نص عربية لانوس أوتو كامل بحالته ما إتلمسش .... وإتفقت معاه إني آخد منه كل ما هو أوتوماتيك وأديله كل ما هو مانيوال يعني أديله الفتيس المانيوال وآخد الفتيس الأوتوماتيك وأديله ريداتير وآخد بدلا منه ريداتير ومارش بدل مارش وهكذاااا.......... وأدفع فرق 1000 جنيه .
السؤاااااااال بقى هو....
- هل في حاجة ناقصة في قطع الغيار غير المكتوبة فوق ؟؟؟؟
- هل السعر ده مناسب ولا ممكن ينزل عن كده شوية ؟؟؟؟؟
- حد يعرف صنايعي نضيف وفاهم يقدر يعمل الموضوع ده ؟؟؟؟
- تكلفة المصنعية المناسبة تقريبا تبقى كام ؟؟؟؟؟
على فكره أنا قرأت الموضوع كله ووجدت إن آراء الأعضاء هي إن الموضوع صعب ومن الأفضل بيع المانيوال وشراء أوتوماتيك .... بس أنا مش مقتنع بالكلام ده لأن اللي أعرفه أحس من اللي ما أعرفوش ... يعني عربيتي أنا عارف تاريخها كله من يوم ما جبتها زيرو لكن العربية الأوتو المستعملة ما أعرفش اللي قبلي عامل فيها إيه ده غير إن مصاريف البيع والشراء والتسجيل والترخيص حتبقى أكتر بكتير من تكلفة التحويل.....
آسف على الإطالة وفي إنتظار ردودكم.