الموضوع: اليوم الاول مع الGen2

المشاركة الأصلية كتبت بواسطة BlackBerry

السلام عليكم

اتمنى ان يكون الجميع بخير وصحه,

اليوم استلمت سيارتي Gen2 2010 اللون رمادي من ابو رواش, وهنا بعض من التجربه وبعض الاسئله بعد اذنكم واتمنى اكون عضو خفيف عليكم وتستحملوني ونستفيد ونفيد باذن الله

تحت أمرك ان شاء الله


1- المعامله كانت جيده, ويوجد اهتمام من مدير المبيعات ومتابعتي تقريبا كل نصف ساعه منذ خروجي من القاهره, الاستقبال كان جيد, وحصلت على خصم جيد ايضا, ولحسن حظي اللون الرمادي كانت اخر قطعه متوفره من نصيبي ولله الحمد

مبروك عليك


2- بعد فحص السياره (وتفصيصها) كانت من غير جراب جلد الخاص بالعده وادوات التغيير الخ, مفكات الخ, طلبته وتم احضاره, كان فيه صوت في موتور ازاز السائق كل ما انزل الزجاج يعمل صوت خرفشه, قالوا تراب ممكن على الموتور اخدوها جوا الورسه 10 دقائق وطلعت المشكله اتحلت الحمدلله


فعلا الصوت ده ان شاء الله من التراب والشحم والزيوت من ركنة العربيه وده راجع للمفهوم الخاطيء في تخزين السيارات

اللي لفت انتباهي السياره كانت ماشيه 120 كيلو!!! سالتهم ليه كل دا!!! قالوا تجارب في الشركه للتاكد من الجوده الخ؟؟؟ هل فيه حاجه ممكن اقلق منها بسبب العداد والمشي دا؟؟؟

ده طبيعي مع انه من المفروض انه يمون بالكتير 40 او 50 كم
بس ممكن يكونوا فعلا جربوها قبل التسليم وده كويس ليك انت كعميل احسن من اما يظهر عيب صناعه خفيف ويطير فرحتك بريحة الزيرو


3- السياره بشكل عام الحمدلله مفيش فيها اي عيوب, حاليا ويارب يدوم الحال

ااااامين وكل مدى هتحبها اكتر وترتاحلها وتفهمها اكتر
وربنا يديلك خيرها ويكفيك شرها

4- استفساراتي لو سمحتم:

- كاست السياره السيدي مش بيشتغل MP3??? لان عملت اسطوانه عندي على اللابتوب كلها ام بي ثري وحاولت كذا مره على طول يطلع خطا Cd Error ! هل يقرا اوديو بس ولا ايه؟؟؟ ولو لها حل ممكن تتفضلوا بيه

لأ طبعا المفروض انه بيقرأ mp3 لأن حضرتك اخر موديل كان بيقرأ الاوديو كان 2008

لازم تبلغهم وتطالب بتغييره والحق اعمل كده لانه لو ماعملتش كده هيروح عليك
وهي العمليه في حموتها كده بلغهم بالتليفون وازاي مايقراش ام بي ثري والكلام ده

هااااا

وماتسكتش لأن ده حقك

ولو قاللك في عربيات بتنزل كده وعربيات كده قللهم انا مش بشتري طماطم وانت وحظك

وانا اسف في اللفظ او التعبير بس حبيت اوصللك المعلومه

وهل ممكن تغيير كاست العربيه ولا لا ؟؟ وايه اللي تستخدموه بالنسبه للساوند سيستم؟ فلاشه؟ تشينجر؟ اي اقتراحات ممكن تفيد

الساوند سيستم بتاع الجن 2 تماااااااام ولا عامل فيه اي حاجه عندي

- لاحظت في الكتيب مكتوب ان السياره ممكن تنزل ب CD Changer? هل اللي بتنزل مصر يبقى فيها ولا ؟ للتاكد بس لان اعتقد حسب فحصي للعربيه مش شفت اي سيدي تشينجر خالص في الشنطه

لأ مش بينزل في مصر كالعاده


- الفرش, اي حد يعرف حد كويس يعمل فرش جلد ودواخل ومجرب واسعاره مناسبه اتمنى يزودني بيها

في سبير كار وفي اللي احسن منه اللي الاستاذ ايمن جاب العروض منه
ممتاااااااز
راجع موضوعات المنتدى
* بالنسبه لفرش السقف الداخلي, عادي يتغسل ولا ايه؟ لان حسيته زي الفلين!! مش يحصله حاجه من الغسيل؟؟

الله اعلم لان انا كمان عندي بأه مهبب اخر حاجه

- بالنسبه لل GPS , ايه افضل جهاز حاليا بالنسبه لدقة ووضوح وجوده الخرائط وال 3d Map? فيه كذا جهاز في رايه وفيه اجهزه شفتها كتير ولكن اتمنى اخذ الراي من اي شخص مجرب حاجه وراضي عنها على الاقل يكون موجود فيها خرائط دقيقه للقاهره والاسكندريه دا اضعف الايمان

الله اعلم

واخيرا, هل فيه حاجه لازم ابص عليها واتاكد منها؟ حاجه مخفيه او عيب من العيوب الخ مش انتبهت له والله اعلم, انا شرحتها قبل استلامها بس جل من لا يسهو.

راجع على العربيه عادي ولو في حاجه ماتقلقش انت داخل الضمان لحد 60000 كم ولكن ماتسكتش على موضوع الكاسيت وطالب بتغييره ان شاء الله



دا اللي في دماغي حاليا واتمنى مش اكون طولت عليكم

تحياتي

السلام عليكم

عزيزي الدكتور المغربي,

شكرا لردك, بالفعل السيدي سوني! انت كنت معايا ولا ايه هههه, اشمعنى سوني بالذات مش يشتغل؟؟ السيدي شغال كويس جدا على اللابتوب وجربته وشغال زي الفل بس في العربيه لا

عموما لو المشكله من السيدي السوني بكره اجيب نوع تاني واجرب وان شاء الله تتحل والا هاعمل بالو هناك لو طلع لا قدر الله انه اوديو بس :d

شكرا لمداخلتك والله يبارك فيك ويحمي ويحفظ الجميع من كل شر ان شاء الله.

تحياتي

اخي الكريم tweety26980

الله يبارك فيك ويحفظ الجميع من كل شر ان شاء الله

هاجرب الاول سيدي تاني غير السوني حسب كلام الاخ دكتور مغربي ولو مش اشتغل تاكد يا سيدي ان هاعمل لهم بالو لان انا مشتريه فعلا حسب البروشور انه mp3 وان شاء الله يطلع من السيدي لان المشوار مش عايز اقول لك اكتوبر زحمه والطريق التريلات كانت مستقصداني وانا راجع كنا نلعب نييد فور سبيد هههه وربنا يسترها ان شاء الله, وشكرا على الافادات بخصوص الفرش وغيرها, تحياتي

الاخ الكريم كايرو 2005

ويبارك فيك ان شاء الله ويحفظنا جميعا من اي شر واي مكروه , والميكروباصات اهم حاجه هههه, طلاب المدارس انت جيت على الجرح دي شفتها حصلت طالب ابن حلال خارج وماشي بمسمار ومستلم صف العربيات المركونه كلها , بس ان شاء الله خير ومعظم خروجي بالليل غالبا وطول النهار في الجراج والامن متواجد وان شاء الله خير


بالنسبه للسيدي, مش عارف ليه السوني تحديدا مع ان كل استخدامي سيديهات سوني, بس لو على السيدي وماركته ونوعه نغيره مش مشكله هي جت في جمل يعني , طيب لو حد جرب فيكم نوع سيديهات معينه واشتغلت تمام مع الجين 2 ياريت يعرفني عشان اشوفها في راديو شاك اللي جنب بيتي عشان اجرب حاجه مضمونه, وهاجرب عموما اليوم ان شاء الله وارد عليكم ونشوف تشخيص دوك مغربي نظامه ايه

دمتم بود,