كنت قريت فى شوية مواضيع مشاركات بين الاعضاء القدامى بيقولوا لبعض "ايام كونتاكت كارز"
فهل ده كان منتدى تانى ؟؟ ولا موقع كونتاكت كارز العادى ولا ايه ؟؟؟؟!!
ارجو التوضيح....
تحياتى للجميع...
عرض للطباعة
كنت قريت فى شوية مواضيع مشاركات بين الاعضاء القدامى بيقولوا لبعض "ايام كونتاكت كارز"
فهل ده كان منتدى تانى ؟؟ ولا موقع كونتاكت كارز العادى ولا ايه ؟؟؟؟!!
ارجو التوضيح....
تحياتى للجميع...
كنت عايز اعرف برضو بيفكروني بكلمه حبيبي من ايام الجيزة
أيوة معظم الاعضاء القدام كنا مشتركين الأول في المنتدى بتاع contactcars قبل nilemotors
طب وهو اتقفل
معظم قدامي الاعضاء المؤسسين لنايل موتورز كانوا اصدقاء في منتدي كونتكت كارز و لكن لان المنتدي كانت امكانياته بسيطة جدا و طالما طالب الاعضاء بتطوير المنتدي و لكن ادارة المنتدي كانت عاملة ودن من طين وودن من عجين بالرغم من ان الاعضاء هما اللي كانوا عاملين حس للمنتدي
كفاية ان اقول لحضراتكم ان اول مقابلة لاعضاء كونتكت اللي هما اصبحوا بعد كده مؤسسين لنايل موتورز كانت في اسكندرية في جرين بلازا في كافيه الفيشاوي و كان ضيف الشرف من القاهرة المهندس خالد عمر (سبعاوي) و من اسكندرية كان فيه المستشار محمد ابراهيم و الدكتور ايهاب بدر و تامر عزت و المهاتما هاني آدم و العبد لله
طبعا كريم باشا منير و سبعاوي و محمود حفناوي و برضه فيه ناس تانيين الذاكرة مش جايباهم هما اللي فجروا فكرة ان تراثنا في كونتكت لازم نستثمره في منتدي جديد و تم الاختيار علي اسم نايل موتورز لان كانت معظم المشاركات في كونتكت مع مرور الوقت بتضيع
فلذلك بتلاقي فيه ترابط عميق بين الاعضاء القدامي هنا لان فيه بينهم عشرة تفوق الخمس سنوات و ذكريات و طبعا فيه ناس كتير قوي انقطعوا و مفتقيدنهم جدا جدا زي هاني ادم و دكتور ايهاب بدر و اسلام شاهين و محمد ابراهيم و اسلام و خالد ابو النجا (السلطان)و محمود حفناوي اللي يعتبر من كبار مؤسسسين نايل موتورز و بذل جهود جبارة لانشاء هذا الموقع و غيرهم و غيرهم
دي بأيجاز شديد جدا قصة كونتكت و قدامي الاعضاء في نايل موتورز
شكرا يا استاذ محمد فهمي والواحد يتشرف بانو ينضم لمنتدي زي منتدي نايل موتورز اللي ليه فضل كبير علي كل اعضائه وانا اولهم
طب ممكن نعرف ايه علاقت ....*موتورز بنايل موتورز وفي ناس بتقول ان ....*موتورز ونايل هو ان ....*ناس من اداره نايل بس انفصلو عن المنتدي
ايه مدي صحه الكلام ده لاني بحس ان التنين نفس السيستم والاقسام وكده فعلا
تحياتي وشكري
اسامه(ااوس اوس)
كلام صحيح و تم الانفصال بشكل ودي و المنتدين اصحاب و زي الفل ده انا حتي ليا اصحاب هناك بس طبعا نايل موتورز هو الاصل و ....*موتورز برضه منتدي ممتاز و مديرينه ناس في قمه الاحتراماقتباس:
ممكن نعرف ايه علاقت ....*موتورز بنايل موتورز وفي ناس بتقول ان ....*موتورز ونايل هو ان ....*ناس من اداره نايل بس انفصلو عن المنتدي
كونتاكت كارز كان الاول زي منتدانا كده بس وصل للشكل الحالي مش عارف ليه