السلام عليكم يا شباب
ايه هي أعراض بداية تلف طلمبة المياه وطلمبه البنزين ..؟
كذلك سر كل واحدة منهم كام لو أصلي ؟
وشكراً
عرض للطباعة
السلام عليكم يا شباب
ايه هي أعراض بداية تلف طلمبة المياه وطلمبه البنزين ..؟
كذلك سر كل واحدة منهم كام لو أصلي ؟
وشكراً
طرمبة البنزين اعراضها:تسمع صوت الطرمبة وهي بتحضر...ضعف في السحب ولازم تقل رجلك على دواسة البنزين علشان تمشي....تسقيف مستمر في العربية .....الاعراض دي كانت عندي ولما غيرت الطرمبة الاعراض دي راحت
السعر : الصيني 170 ...الكوري 220 ...الكوري الاصلي 450 وبيبقى لونها سمني من برة مش بيضة
طرمبة المية ...ارتفاع في الحرارة عند الضغط على العربية او القرص عليها ...وعشان تعرف حالة الطرمبة افتع غطا القربة وشد سير الاكسلتير وبص جوا القربة لو لقيت الماية بدور كويس جوا القربة تبقى الطرمبة سليمة
السعر معرفش بصراحة
بالنسبه لطلمبه المياه
عمرها الإفتراضي 8 سنوات او 80 الف كم
سعرها :
110 جنيه للطلمبه الإيطالي
90 جنيه للطلمبه الالماني
85 جنيه ال gm الكوري (مضروبه)
70 جنيه للطلمبه الصيني
اعراض تلفها , حاجه من الحاجات دي
1- صوت غريب او نشع مياه من حولين الطلمبه بالقرب من المنطقه اللي فيها سير التكييف والكاتينه
2- عدم انتظام درجه الحراره - يعني شويه طبيعي وشويه فوق الطبيعي
3- وجوده اختلاف كبير في الفرق بين درجات الحراره بالنسبه للخرطومين اللي في جنب الريدياتير شمال ويمين , لو انت واقف في مواجهه العربيه وكان الخرطوم الشمال سخن جدا وحاسس ان الميا بتغلي جواه , وفي نفس الوقت الخرطوم اليمين عااااااااادي واقل من الحراره العاديه كمان , كانه دافي نسبياً , فده معناه تلف في الطلمبه , مع مراعاه تشابه الاعراض مع جوان وش السلندر
4- حركه المياه داخل القربه تكاد تكون منعدمه
وبالنسبه لطلمبه البنزين
اعراض تلفها , تقريبا كلنا عارفينها وهي
1- صوت عالى على غير العاده اثناء عمل الطلمبه
2- ضعف في سحب العربيه او تسارعها
3- ضعف نسبه ضغطها للبنزين , وده بيتم تشخصيه بأجهزه تقريبا
4- تفصل خالص فجأه
انا عندى صوت تحضير لطلمبة البنزين عند اول درجة فى الكونتاكت فعلا بسمعها بشكل ملحوظ لكن مفيش مشاكل فى السحب ولا التنتيش هل الطلمبة فيعا حاجة علما بأن لها صوت تحضير قبل الدوران