ايه الحكاية مش لقيين مشرفيين للفورد ولا ايه
اخوكم / تامر نبيل
عرض للطباعة
ايه الحكاية مش لقيين مشرفيين للفورد ولا ايه
اخوكم / تامر نبيل
اخواني الاعزاء انا من مالكي الفورد فوكاس من شهرين
وتحت امركم في اي استفسار عنها
م / تامر نبيل
السلام عليكم
ممكن تكتب لنا يا تامر باشا تجربتك مع الفوكاس
السيارة حتى الان زي الفل
تجمع بين الامريكي و الالماني من حيث الرحابة و الوسع الداخلي و الخارجي و مساحات كبيرة للزجاج يشعرك بالرؤية الجيدة و الفخامة
الشكل الخارجي و الداخلي جيد جدا
اما عن الموتور و العفشة فطبعا السمعة سابقة السيارة و بردة من الصعب الحكم مائة بالمائة فسيارتي عامله 1800 كم فقط حتى الان
الاتزان رائع حتى الان علما ان اقصى سرعة انا جبتها 150 كم / س بردة علشان يا دوب مخلص تليين
الكومبيوتر منظم جدا و امكانياته رائعة بالنسه للاعطال او نقصان مستوى البنزين او الزيت و....و حتى منسوب مياه المساحات
يعطيك رسالة واضحة مكتوبة بالاضافة للمبة مبينه و اختياري صوت يمكن الغاءه
هذا هو الانطباع الاول وتحت امركم في اي استفسار
م / تامر نبيل
انا كنت عملت Test drive للفورد الفوكاس
العربية فيها مميزات كتيرة جدا
الاتزان رائع, العفشة ممتازة, قائمة طويلة بالتجهيزات و الامكانيات, و سهولة التحكم
لكن كان لى بعض الملاحظات
1- موتور السيارة ضعيف جدا بالنسبة ليها, يعنى انا تعبتنى العربية جدا علشان تعدى ال 120, مع العلم اننا كنا على طريق القطامية و الطريق مفتوح و الناس بتجرى فيه. عموما 92 حصان مش كافية للانطلاق بهذا المارد الامريكى, و ده اللى يخلى الخليجى يتفوق على سيارة الوكيل من حيث قوة الموتور
2- الصالون ليس بالوسع الكبير, خاصة انى طويل, فبرجع الكرسى جامد,علشان كده اللى ورايا مكنش كشتريح
3- العربية العزل بتاع الصوت مش عالى, ده انا شاييفه ميزة انه بيخليك ودانك مع الموتور و السيارات اللى حواليك, يعنى تفضل منتبه عاى طول
4- السعر اللى حد ما مبالغ فيه, يعنى انا سقت ال Ghia , و كانوا كاتبين ان فيها فتحة سقف و فرش جلد و حاجات تانية, طلع ده مش موجود فيها و بالطلب و طبعا ادفع, فلازلت مقتنع ان سعرها عالى شوية, خاصة انهم المفروض بيحاولوا يحسنوا صورة فورد بعض الانطباع السىء اللى تركه رجب قبل اما يسيب الوكالة.
العربية دلى كانت فى اختيارتنا, لكن اما جربتها, لقيتها متناسبش اوى المتطلبات اللى انا ببحث عنها. يعنى العربية تنفع ناس كبيرة تبحث عن الفخامة و البرستيج اكتر من البحث عن القوة و الاداء الرياضى
لكن فى المجمل العربية جميلة جدا, و ممكن الواحد يتغاضى عن السعر الغالى لو كان الموتور اقوى من كده
ممكن نمرة وكيل فورد لو سمحت؟
سوال للاستاذ تامر ، انا اشتريت سيارة فوكس من الوكيل لزوجتى وعايز اعرف اذا كان لابد من التليين اول 1000 كيلو ، وماذا بعد الالف الاولى (اقصد ال500 كيلو التالية)؟ وكيفية التليين؟
فى الحقيقة انا قرات فى المانيوال انه لابد من التليين 1500 كيلو ولكن مش عارف ازاى؟
من واقع خبرتى مع الاوكتافيا انا لينت السيارة 1000 كيلو ثم شديت عليها 500 كيلو ذى ما المانيوال بيقول بالضبط.
ارجو الافادة شكرا
معلومة مفيدة:
عملت صيانة 1000 كيلو وكلفتنى 300 جنيه شاملة الزيت (موبيل 1) والفلتر وتربيط العفشة و مراجعة السيارة.
لكن الشى الجيد بالفعل انهم طلبوا منى ترك السيارة لمدة 24 ساعة لانهم حيغيروا ال software بتاع النقلات الاتوماتيك للاحسن ، وهى خطوة اختيارية لكن مفيدة للسيارة ، كما انها بالمجان.
اعتقد انهم فعلا محترمين
م / تامر
أرجو أن تكون في أفضل حال
ايه أخبار عربيتك الفوكاس دلوقت؟ وأخبار الوكيل الجديد ايه؟ أرجوك كلمنا عن خبرتك مع العربية ؟ لأني بصدد شراء سيارة جديدة والفوكاس من ضمن الترشيحات
مع خالص تقديري