الموضوع: يتعمل ايه لما زوجتك بتخبط العربيه؟؟؟؟

المشاركة الأصلية كتبت بواسطة nabaster

مواقف كتير اكيد بتحصل لاي حد متجوز

وخصوصا لما تكون مراته بتعرف تسوق وبتنزل بالعربيه

اكيد في بعض المرات(واكيد ده بيتكرر كتير يعني) انها تيجي وتعرض عليك الموضوع باكتر من طريقه

1- تبقي هاديه (وده لو الخبطه خفيفه) تقولك العربيه حصل فيها كذا وكذا

زى بعضة يامدام قومى حضرلنا العشا علشان جعان.

2- تبقي منهاره وبتعيط وتقولك هما الوحشيين الغلسيين الي خبطوها وطبعا هيا مش غلطانه (ولو اتكلمت هتبقي انتا كمان غلطان)

أنتى ياست أنتى متركبيش عربيتى تانى أنت فاهمة.

3- متجبلكش سيره اصلا وتنزل انتا تشوف العربيه وتستحمل الصدمه (وانتا وحظك بقي)

حيفضل الشك قاتلنى لفترة لا بأس بها.

4- وده الي بيتكرر غالبا انها مش هتروح البيت بس هتتصل بيك وهيا في مكان الحادثه وغالبا برضه وهيا منهاره وبتقولك الحق انا في المكان الفلاني والعربيه مخبوطه

حرام عليكى جيبانى على مالا وشى. أنا زهقت منك.

والموقف الاخير طبعا لما يكون الراجل الي هيا خبطته مش عايز يسيبها الا لما تصلح العربيه لانها اكيد غلطانه (غالبا بيبقي صاحب تاكسي)

معلش بقا يانجم ربنا يعوض عليك. أتفضلى قدامى على البيت.

ايه بقي الي ممكن تعمله في المواقف دي ؟؟؟؟؟؟؟؟

A.Yakout

المشاركة الأصلية كتبت بواسطة أم حمـــاس

فكرتني باعلان كوك زيرو

يعني اي كوك زيرو

يعني تخبطي عربية واحد غريب بعربية زوجك

والاتنين يسامحوكي :)

أكتر تعليق كوميدى قريتة فى المنتدى من فترة كبيرة.

الحمد لله هى ليها عربيتها بس انا الى بتدبس وخصوصا مع سائقى التاكسى
لكن عربيتى الحمد لله هى بتقول انها كبيرة عليها ومش بتعرف تسوقها

انا بقي مراتي عمرها ما بتركب عربيتي ومبتركبش غير عربية والدها هي واخواتها ووالدتها ودي بفي لما بتتخبط محدش بيعرف من كتر الخبطات يعني مش بتبان لانها ما شاء الله فابريكه من الداخل فقط ومن الخارج رش وسمكرة ممكن كل شهرين كدا ولا حاجة مع انها عربية جميلة وتستحق دخول متحف للسيفيا مفيهاش مسمار ولا حتة 1 سم غير وفيها خبطة وطبعا دا مشجعني اني وانا مش موجود عربيتي من المحرمات عليها طبعا والمفتاحين معايا عشان الشيطان ميلعبش بدماغ حد خالص