يعني الكل بيركب ياباني يبقي الياباني هو الافضل مش في الغربيات بس---
الاوروبي يبقي الاوروبي هو الا فضل؟---- يعني لو المانيا حطت علامة اسكودا او فولكس علي اي
عربيه صيني ما شفنهاش قبل كده والله ها نكتب فيها اشعار ونشربها زي الحلاوه
عرض للطباعة
يعني الكل بيركب ياباني يبقي الياباني هو الافضل مش في الغربيات بس---
الاوروبي يبقي الاوروبي هو الا فضل؟---- يعني لو المانيا حطت علامة اسكودا او فولكس علي اي
عربيه صيني ما شفنهاش قبل كده والله ها نكتب فيها اشعار ونشربها زي الحلاوه
لالا انا مش مع حضرتك كل ركوبة عربية بتختلف عن التانية عندك نثلا اليباني الات الجر بتاعتة ناعمة وتكيفها شديد
الالماني الات الجر بتاعتة ناشفة شوية وتكيفها شديد الكوري الات الجر والتكيف فحدث ولا حرك الامريكان تحس انك راكب طيارة مش عربية فهمت قصدي
مع عدم أنحيازى للصينى أو الكورى أو اليابانى أو الأمريكى أو التوك توك الهندى
لما الأوروبى و الألمانى يبقى فى سعر الصينى ساعتها محدش هيبص للصينى
يا جماعة مالها العربيات الصينى فى الوقت الحالى !؟
الناس مرتاحه كدة بيها أة سعرها فى إعادة البيع زباله و خاصه الشانا بينى شوفتلها أعلان بـ18 ألف جنيه و بـ21 ألف جنيه و حرام طبعا الخسارة دى كلها بس بدل ماتشكك فى عقليه المصريين أشتكى المنظومة الفاشلة الخاصة بالجمارك والضرايب و مكاسب الوكلاء الجشعة و المستوردين و ساعتها هقولك محدش هيشترى صينى لأن سعر الألمانى هيبقى قريب من الصينى
فاكر الكورى أول مادخل !؟
و حضرتك من ممتلكين الكيا يعنى أكيد كنت سمعت عن الهوجه بتاعة الكورى و الهيونداى لما نزلت و الدايو و الكيا كله قال دى عربيات ورق و عربيات زباله
أدعى بس بدل ماتزعل من نوع معين من العربيات أننا نبقى نصهم مش زيهم فى التطور
و على فكرة الناس منبهرة بالصينى لأن دى دولة بتفكر بتشوف الناس عايزة أية و بتعمله فياريت أحنا كدولة نشوف شعبنا عايز أية و نعمله
حسبى الله و نعم الوكيل فى المنظومات المسؤله عن السيارات فى مصر
الفكر الجماعي بالفعل هو المسيطر على عقولنا
بس برده ياجماعة متنسوش حاجات مهمة وخاصة ما يفعلة التوكيل فى التحكم فى اسعار قطع الغيار والصيانة
فده بياثر على انتشار العربية والناس لما بتدور بتدور على الحاجه المنتشرة عشان اكيد هتكون كويسة
عن نفسي انا شوفت ان الفيرنا منتشره كتاكسي و كملاكي يعني عربيه كويسه من غير معرف عنها حاجه و اشتريتها عمياني و ده طبعا قمه في الغلط بس دلوقتي العمليه اختلفت معايا
فعلا يا أستاذ محمود لأن أحنا الدولة الوحيدة إلى معندهاش ثقافة تجارية بالنسبه للشعب فكله بيمشى بمبدأ أنه تعبان فى القرش و الباقى ماشى بمبدأ الغالى تمنه فيه و طبعا دا مبدأ خطيـــر و كارثة و محدش فاهم ليه العربية دى بـ100 ألف جنيه مثلا و دى ليه بـ150 ألف جنيه و هكذا
و دا إلى بيخلى كله يمشى مع الهوجه لما حاجة رخيصة تنزل بعيدا عن الجودة ممكن أبو 10 جنيه يكون أفضل من أبو 50 جنيه لكن بدون أى تجارب و أى خبرة بيكون الحكم بناء على المنشأ و الدولة أو بيكون بناء عن الأنبهار أو بيكون بناء على أن الغالى تمنه فيه أو بيكون بناء على أنه مش معاه كتير فبيجيب الرخيص و هكذا و دا إلى بيدمر الشعب المصرى إلى فى أيد المواطن مهما كان كتير برضة بيكون قليل على سلع كتيرة
الناس في مصر بتحب تقلد بعضها تحقيقاً لمبدأ اشمعنى ,, وبالتالي تجد انتشار لماركة معينة دون الاخرى ورفض ماركة اخرى وهكذا
بصراحة ...
انا بلوم الناس اللي بتشرتي عربيات صيني (و مش عايز حد يزعل مني) ... و يوجد بديل في نفس السعر (يمكن يكون اقل في كماليات و الوسع لكن اسمه بديل "مش صيني..... لأن بسببهم العربيات في المستقبل هتبقى كلها صيني و ربنا يستر
فين دا يا دكتور ؟؟
انا شايف ان احنا كمصريين معندناش حتة العمل الجماعي دي خالص... كل واحد نفسي نفسي (إلا نادراً!)