تقييم فورد فوكس ٢٠١٠ (تقييم مبدئي )
استلمت العربية الحمدلله و أخذتها بلسعر القديم دلوقتي هي كل الموديلات زادت ٩ آلاف جنيه مرة واحدة المهم أبل مبدأ التقييم العربية ماشاء الله فاقت توقعاتي كمان بجد فعلا تستاهل وال تقييمات بتاعتها في أوروبا مش من فراغ
تقييم فورد فوكس ٢٠١٠ (تقييم مبدئي )
الشكل العام :
الخارجي: شكل حلو أوي الشكل ده هو facelift للشكل بتاع ٢٠٠٥ هو نزل أخر ٢٠٠٨ شكلها من قدام جامد و هجومي من ورا مفيش تغيير عن القديم مقارنتا لمنافسين (جتا،أوكتافيا) شكلها ممتاز ٩/١٠
الداخلي :إحساس عام بل فخامة وال جودة شكل كلاسيكي شوية ماتحسيش إنه حديث أوي بس فنفس الوقت تحب تشوفوا ٨/١٠
أنوار التابلوه أبيض والعدادات بل أحمر شكله حلو أوي و متطور جدا على فكرة معظم العربيات الألمانية الجديدة بقت بتستعمل نفس درجة الألوان ده زي الجولف ٦ و فانتازيا ٩/١٠
أماكن التخزين :كتيرا أوي بس مش كلها عملي زي حامل الأكواب مثلا ،درج التابلوه عميق أوي و ده ميزة حلوة، شنطة واسعة جدا و تشيل بلاوي ٨/١٠
إضاءة داخلية : الأنوار اللي جوا العربية كثيرة يعني من الأخير ممكن تقلب الليل نهار ، حاجة ظرفا أوي هي معظم العربية بيبقى فيه مصباح قراءة في نص السقف ، لا هنا في إتنين واحد قدام و واحد ورا فى مثلا لو اللي قاعدين ورا نوره النور مش هايأثار على اللي سايق وال عكس ١٠/١٠
الأداء العام :
العزل : في ملاحظة عامة على كل العربية الألماني و هي إن صوت المطور ببقى على من برا العربية بيعاكس الياباني اللي بيبقى هادي ،الفوكس كدة لما دورة العربية ووقفت برا كان صوتها مزعج أوي بس لما ركبت هنا بقا يجي دور العزل ، العربية هدية جدا في قيادتها ولا كأنك سامع أي حاجة إحساس بنعومة و سلاسة رهيبة حتى ونتا فاتح الزجاج و فتحت السقف ٩/١٠
الأداء : أنا لسة طبعا فل تليين مش أدر أشد بها أوي بس العربية مش بطيئة خالص زي مابعد الناس خايفة من الموضوع ده بالعكس سحبها مرضي جدا جدا
ناقل الحركة : هو ستريبترونيك أربع نقلات أنا بصراحة كنت قلقان من أول لما جبت العربية لأني كنت حاسس إنه قديم بالنسبة للحاجات ٦ نقلات وال DSG مثلا لكن هو عجبني أوي سلس جدا جدا و مفيش أي إحساس بي النقلات بجد تحفة ١٠/١٠
الثبات و متعة القيادة مش هتكلم عنهم لأنهم معروفين عن الفوكس بالذات اللي تعتبر في أوروبا benshmark للقياس ١٠/١٠
مميزات :
ثبات رائع
موتور قوي و ناعم
جياربوكس حلو أوي
واسعة
كماليات كتيرة
أمان عالي
شكل جذاب من الخارج الداخل
sound system سوني أربع سماعات و أربع تويتترات صوت نقي جدا
عيوب:
درج التابلوه
رغم إنه عميق بس إضاءته ضعيفة
المرايات الجانبية لا تطوى على الأخير فى تباعا معرضة لل كسر مش عارف إيه الصعب في كدة بس الغريب إن كل الألماني كدة حتى المرسيدس !!!!!!!!
باب تانك البنزين ضعيف جدا جدا و بلاستيك وأنا متوقع لو بتاع البنزين فتحو جامد هيطلع في إيده .بجد كل أجزاء العربية صلب ماعدا الباب الغبي ده !
علامة فورد الأمامية نفس الشيء برضو الحرامي مش هاياجيد أدنى صعوبة إنو يفكها بس عامتا كدة كدة بيعرفو يسرقه أي ماركة !
ملاحظات :
التجربة تمت بستعمل بنزين ٩٢
موديل :Ghia SR