الموضوع: معلومة هامة لكل مسلم ينتظر مولود

معلش أنا آسف ..
الورع هو بالعمل بالحديث الضعيف وليس تركه
بينما الشرع على ترك الاستناد على الحديث الضعيف في الحكم الشرعي
والقاعدة الفقهية بتقول : " الحديث الضعيف يعمل به في فضائل الأعمال "
يعني أي شيء ورد من طريق ضعيف يصير من فضائل الأعمال

أما النهي التام فهو عن الحديث الموضوع أو المكذوب وهو المفترى على سيدنا رسول الله صلى الله عليه وسلم فقط ..

وهذا للعلم .. ولا تتوسعوا في مفهوم البدع ..
وكما قال صلى الله عليه وسلم : " إن هذا الدين متين فأوغلوا فيه برفق " وقال أيضاً : "إن الدين يسر ولن يشاد الدين أحد إلا غلبه "
صدقت يا سيدي يا رسول الله
تقبلوا خالص مودتي

بردو مشكله البدعه ومش البدعه
يا جماعه أعملوا عقلكم
البدعه ضلاله تؤدى الى النار
أذا أكتشفت أنك بتعمل حاجه وبتكررها والحاجه دى غلط تبقى بدعه
أنما للأسف المعظم فاكر كلمه بدعه يعنى حاجه جديده
فعيب بجد
من أمتى ذكر الله بقى بدعه
سيبك من الحديث صحته من ضعفه
هل حرام أو غير مستحب أن أول كلمات يسمعها أبنى تكون أذان الله لصلاته والاقامه
أنهى عقل عاقل يقول أن دى بدعه
أيه البدعه الى هى ضلاله الى هى هتلقى بى فى نار جهنم بسبب أنى أذنت وأقمت فى أذن مولودى
هخش النار علشان كدا
للأسف أحنا سيبنا البدع الحقيقيه ووجهنا أنظارنا لصغائر الاشياء
أنا كلامى مش بس مبنى على العقل الى ربنا ميزنا بيه
لكن فى يوم صليت صلاه العيد فى مسجد عمرو بن العاص
وكان فى أيمها لغط على صيغه الدعاء الى بنردده قبل الصلاه
في ناس تقول أن زياده "وحده صدق وعده ونصر عبده وأعز جنده وهزم الاحزاب وحده...." وصولا للجزء الخاص بالرسول "اللهم صلى على سيدنا محمد وعلى آل سيدنا محمد...."
كان نفسى الناس تشوف أمام الجامع وهو بزعق فى الناس ويقلوهم خليتو ذكر الله بدعه الله يسامحكم
وقعد يردد الدعاء كامل عندا فى الى بيقولو العكس
الى عايز أقوله
القاعده زى مبينها الرسول
البدعه ضلاله والضلاله فى النار
شيل بدعه وحط الى على كيفك وشوف ماشيه ولا لأ
بس

معلش بس انا ليه تساؤل
طيب لو كبرت او ادنت فى ودنها اليمين و اقمت فى الشمال و قريت ايات من الذكر الحكيم فى ودنها وحطيت ايدى على راسها و قريت سور من القران

ده فيه مشكله تضايق حد او ربنا يحاسبنى عليها سواء كان فيه حديث صحيح او مش صحيح؟؟

معلش حد يوضحلى ايه المشكله لو عملنا كده
هوه احنا بنعمل حاجه عيب او بنقول كلام مش كويس
احنا بنذكر ربنا فى ودن مولود
انا بس عايز افهم ايه اللى هيعود على البشريه و الاسلام لو ماعملناش كده
وايه اللى هنستفاده لما نقول ان ديه بدعه و حرام

المشاركة الأصلية كتبت بواسطة dojuar

العبرة بأنك تمشي في السكة اللي كان ماشي فيها الرسول صلى الله عليه وسلم وفي التعبد بالذات

موضوع فضائل الاعمال لا يصح اطلاقا و لا دليل عليه

لان اساس العبادات هو القران و الحديث الصحيح

وبعدين انا لما بعمل عباده (قول او عمل) ايه هو ال reference بتاعي؟؟

حتي لو كنت متعود عليها من زمان لو عرفت انها مكنتش سنة النبي عليه الصلاة و السلام يبقى لازم التزم خصوصا لو واحد زي الحويني اللي يعتبر علامة العصر في الحديث

و ادي حاجه كمان بالمناسبة ديه

youtube - ‫ظ…ط§ طµط.ط© ط.ط¯ظٹط« ظ‚ط±ط§ط،ط© ط³ظˆط±ط© ط§ظ„ظƒظ‡ظپ ظٹظˆظ… ط§ظ„ط¬ظ…ط¹ط© طں‬‎

وارجو النقاش ميكونش سبب لاي نوع من العصبيه

وشكرا

معلش خدونى على اد عقلى

انا عارف ان قراءه سوره الكهف مش من السنن عن الرسول

طيب احنا بنقراها يوم الجمعه و الناس بتشغلها بحكم تعود و بيشغلوا سور تانيه و كمان بيقروا سور تانيه

الموضوع ده فيه حاجه تضايق حد؟!!

ربنا هيحاسب الناس عشان كده؟!!!

المشاركة الأصلية كتبت بواسطة dojuar

موضوع فضائل الاعمال لا يصح اطلاقا و لا دليل عليه

ممكن أعرف مصدر حضرتك في هذا الكلام ..
هذا باب كامل في علم أصول الفقه
ومسألة اختلف حولها أئمة الحديث من لدن البخاري حتى العلماء المعاصرين
هذا أولاً ..
وثانياً .. الحديث الضعيف يفيد الاحتمالية .. وهذا لا يعني قطعاً بفعل عكس ما ورد في الحديث .. كيف هذا ..
يعني الرسول محتمل يكون قال هذا الكلام ومحتمل لأ
يبقى الحل إني أعمل الحديث تورعاً من ترك فعل قد يكون الرسول صلى الله عليه وسلم فعله ..
أو اتحوط فلا أفعل ولا أترك (بمعنى أن يصير الأمر مباحاً بين الفعل لمن رغب والترك لمن رغب دون إثم على الجانبين )
أما أن أترك وآمر الناس بالترك .. وأقول أن الحديث الضعيف بدعة
هذا هو الكلام الذي لا يصح

ومن جديد أؤكد أن هذا الكلام فيما لا يخص الحكم الشرعي فالحديث الضعيف لا حجية له في الشريعة ، ولم يأخذ به إلا الإمام أحمد بن حنبل وحسب .

وهذا يعني أن الأئمة الفقهاء اختاروا إعمال العقل والقياس بديلاً عن إعمال الحديث الضعيف .. لأن الحديث الضعيف إن ورد من طريق آخر حسن أو صحيح فالحكم يتأسس على الحديث الصحيح أو الحسن دون الضعيف ..
وهو ما يعني بالتبعية أنه عند انفراد حديث ضعيف بحكم شرعي .. يتم الاستناد إلى العقل دون الحديث الضعيف ..
ارجو أن تكون الفكرة وصلت
وعليه فنحن نتكلم عن أحاديث لا تمنح حكماً شرعياً من الوجوب والندب والاستحباب والكراهة والتحريم
وإنما إرشادات وتوجيهات
وتقبل خالص مودتي

المشاركة الأصلية كتبت بواسطة dojuar

العبرة بأنك تمشي في السكة اللي كان ماشي فيها الرسول صلى الله عليه وسلم وفي التعبد بالذات

موضوع فضائل الاعمال لا يصح اطلاقا و لا دليل عليه

لان اساس العبادات هو القران و الحديث الصحيح

وبعدين انا لما بعمل عباده (قول او عمل) ايه هو ال reference بتاعي؟؟

حتي لو كنت متعود عليها من زمان لو عرفت انها مكنتش سنة النبي عليه الصلاة و السلام يبقى لازم التزم خصوصا لو واحد زي الحويني اللي يعتبر علامة العصر في الحديث

و ادي حاجه كمان بالمناسبة ديه

youtube - ‫ظ…ط§ طµط.ط© ط.ط¯ظٹط« ظ‚ط±ط§ط،ط© ط³ظˆط±ط© ط§ظ„ظƒظ‡ظپ ظٹظˆظ… ط§ظ„ط¬ظ…ط¹ط© طں‬‎

وارجو النقاش ميكونش سبب لاي نوع من العصبيه

وشكرا

أضم صوتى لصوتك أن ياريت النقاش ميسببش تعصب من أى نوع
بخصوص سؤالك عن المصدر
الى فعلا بيعمل كدا ألتصق بالمصدر
القران والسنه
الرسول قال قولو بسم الله الرحمن الرحيم لما تيجوا تكلوا
أفرض واحد بيسمى ويدعى ربنا بعدها أنه يباركله فى الطعام ويدمها نعمه ويعد يدعى بتاع ربع ساعه
دا عمل حاجه زياده
الرسول مقلكش أدعى ربع ساعه قبل متاكل
أقول عليه أبتدع
علشان زود فوق ما قالو الرسول
لأ
أقوله أعمل الى على كيفك طالما هو من عصب الدين
دعاء صلاه على كيفك
بس
متجيش فى يوم تقول الرسول قال كده
تبقى كدبت عليه وتبوأت مقعدك من النار
ولا تلزم حد أنه يعمل زيك
هى دى القصه
الرسول قالك صلى صلاه سنه ركعتين بعد المغرب
واحد بيحب يصلى 70
أقوله حرام عليك دى بدعه!!!!!!!!!!
صلى أنشله 1000 بس تبقى عارف أن دى منك
لا الرسول قالها ولا تلزم أنت الناس بيها فى كلامك
الخلاصه
شوف الاعمال الصالحه أيه
وكتر منها زى منت عايز والى يقلك دى بدعه .......... متدردش عليه أفضل

بخضوض الفيديو الى أنت حطه انا مشفتوش ومش ناوى
بس لو هو بيقول أن قراءه الكهف فى يوم الجمعه بدعه
يبقى عليه العوض و منه العوض

المشاركة الأصلية كتبت بواسطة dojuar

تخصيص العبادات بوقت أو بطريقة أو مكان..... من غير دليل صحيح

من انواع البدع

انا عن نفسي اذنت مع اولادي و كنت فاكر ان ده الصح و كنت كمان مضايق اني مأذنتش بتركيز

لكن ممكن ارقي المولود او اقرا اي سورة وهكذا

ليه بقى؟؟

لان لو كل واحد مهتمش بالافعال و الاقوال الصحيحه الوارده عن الرسول

هيجي الوقت اللي السنة تضيع و يحل محلها السنن بتاعتي و بتاعتك و بتاع غيرنا

تخيل انك في جزيره و معام مائة شخص و انت الوحيد اللي عايز تطلع منها

ومعاك طياره و كل واحد فيهم اداك ال guide بتاع الطيران الخاص بيه

موقفك ايه ساعتها؟؟

رغم إنك لم ترد على كلامي ..
لكن استحملني معلش ..
تعريف البدعة اللي انت حاطه ده غلط ..
البدعة مش انك تنسب عبادة إلى زمان ومكان وطريقة
البدعة في أن تظن أن فعلك على عكس هذه الطريقة غلط

يعني قراءة سورة الكهف مش بدعة
البدعة إنك تظن أنك أثمت بعدم قراءتها
زي سورة السجدة كدة في صلاة الفجر
البدعة مش في قراءتها
البدعة في الاقتناع بأن الصلاة لا تصح بدونها ..

ده الجانب الأساسي في التفرقة بين ما هو بدعة وما هو ليس ببدعة
تاني حاجة إنك لو قررت إنك تفعل هذا الأمر
ألا تأمر الناس به وتدعوهم إليه على اعتبار أنه سنة
يمكنك مناصحة الناس بفعله على اعتبار أنه مكرمة
أو عدم نصح الناس به أصلاً وتدعهم لأنفسهم يفعلون أو لا يفعلون
لكن لا تأمرهم بترك الفعل

يعني أخونا العزيز أحمد كمال افترض إنها بدعة ..
كان الأولى أن يقول إنها مش سنة
والفرق كبير جداً بين الحالتين
تقبل خالص مودتي