الموضوع: معلومة هامة لكل مسلم ينتظر مولود

المشاركة الأصلية كتبت بواسطة د.أحمد سمير

رغم إنك لم ترد على كلامي ..
لكن استحملني معلش ..
تعريف البدعة اللي انت حاطه ده غلط ..
البدعة مش انك تنسب عبادة إلى زمان ومكان وطريقة
البدعة في أن تظن أن فعلك على عكس هذه الطريقة غلط

يعني قراءة سورة الكهف مش بدعة
البدعة إنك تظن أنك أثمت بعدم قراءتها
زي سورة السجدة كدة في صلاة الفجر
البدعة مش في قراءتها
البدعة في الاقتناع بأن الصلاة لا تصح بدونها ..

ده الجانب الأساسي في التفرقة بين ما هو بدعة وما هو ليس ببدعة
تاني حاجة إنك لو قررت إنك تفعل هذا الأمر
ألا تأمر الناس به وتدعوهم إليه على اعتبار أنه سنة
يمكنك مناصحة الناس بفعله على اعتبار أنه مكرمة
أو عدم نصح الناس به أصلاً وتدعهم لأنفسهم يفعلون أو لا يفعلون
لكن لا تأمرهم بترك الفعل

يعني أخونا العزيز أحمد كمال افترض إنها بدعة ..
كان الأولى أن يقول إنها مش سنة
والفرق كبير جداً بين الحالتين
تقبل خالص مودتي

تقريبا انا لسه كاتب نفس المعنى دلوقتى
ياريت تأكدلى اذا اللى انا كتبته ده نفس اللى حضرتك تقصده عشان بس ابقى متأكد

المشاركة الأصلية كتبت بواسطة human12

مش عارف حد فاهم اللى اقصد اقوله - يعنى المشايخ اللى بيشوطوا الناس عشان حاجات زى ديه انا اعتقد انهم ينفوا ان ده من افعال الرسول و فنفس الوقت ماينفعش (من وجهه نظرى) يجرم فاعلها و يبقى فيه هجوم عليه لدرجه ان الناس تستغر و تندم ان هيه عملت كده

مهو دا الى أنا بقوله وبركز عليه
لأى واحد بيعمل عمل صالح مش من السنه
أنه يبقى عارف فى نفسه أن هو الى عمل العمل دا أى كان
وميخبرش أى مخلوق أن الرسول هو من قام بالعمل دا
ولا يلزم أى مخلوق بعمله
بكده يبقى لاهى بدعه ولا يحزنون وربنا هيجزيه على عمله دا
فى حاجات كتير وقضايا خاصه بالدين فى حياتنا لو خدناها من هذا المنطلق كانت أتحلت
لكن طالما فى شيوخ مازلوا بعقليه الى معملوش الرسول حتى لو عامل صالح يبقى بدعه
يبقى أنتهى الزمن وأستنى يوم القيامه

المشاركة الأصلية كتبت بواسطة human12

تقريبا انا لسه كاتب نفس المعنى دلوقتى
ياريت تأكدلى اذا اللى انا كتبته ده نفس اللى حضرتك تقصده عشان بس ابقى متأكد

مضبوط يا طارق بك .. كلامك صح
فيه خلط كبير في مفهوم البدع
وفيه أخطاء منهجية كثيرة في فكر المعاصرين من علماء الدين
أهمها الانتقاء بين العديد من الأمور بين المذاهب دون تكوين إطار فكري واضح ومحدد لها

أنا مش عارف إذا كنت عارف إني مدرس في جامعة الأزهر .. وأزهري منذ الإبتدائي حتى الآن
وجدي الأكبر هو الشيخ العلامة الإمام أحمد الصاوي المالكي ..
يعني معصور في كل هذه الأمور
لأجد في النهاية كلام مرسل فيه أحكام قطعية لم يأت بها أحد من قبل ولا من بعد
فاعذروني جميعاً على ما قد يشتم منه ريحة عصبية في هذا الموضوع على غير طبعي
وتقبلوا جميعاً خالص مودتي

المشاركة الأصلية كتبت بواسطة د.أحمد سمير

مضبوط يا طارق بك .. كلامك صح
فيه خلط كبير في مفهوم البدع
وفيه أخطاء منهجية كثيرة في فكر المعاصرين من علماء الدين
أهمها الانتقاء بين العديد من الأمور بين المذاهب دون تكوين إطار فكري واضح ومحدد لها

أنا مش عارف إذا كنت عارف إني مدرس في جامعة الأزهر .. وأزهري منذ الإبتدائي حتى الآن
وجدي الأكبر هو الشيخ العلامة الإمام أحمد الصاوي المالكي ..
يعني معصور في كل هذه الأمور
لأجد في النهاية كلام مرسل فيه أحكام قطعية لم يأت بها أحد من قبل ولا من بعد
فاعذروني جميعاً على ما قد يشتم منه ريحة عصبية في هذا الموضوع على غير طبعي
وتقبلوا جميعاً خالص مودتي

انا معرفش الموضوع ده بس بجد مبسوط عشان انا كنت فاكر ان ده اجتهاد منك او ان حضرتك خريج ازهرى بس دايما اللى اتعودته من حضرتك وسطيه الكلام و لين الحديث دون كلام صادم و دائما اعمال العقل و اعطاء العقل مساحه كبيره للتفكير و ده بيخلينى دايما معجب بارائك

شكرا جدا

قال صلى الله عليه وسلم : " إن هذا الدين متين فأوغلوا فيه برفق " وقال أيضاً : "إن الدين يسر ولن يشاد الدين أحد إلا غلبه "

شكرا للتذكره

المشاركة الأصلية كتبت بواسطة normal

مهو دا الى أنا بقوله وبركز عليه
لأى واحد بيعمل عمل صالح مش من السنه
أنه يبقى عارف فى نفسه أن هو الى عمل العمل دا أى كان
وميخبرش أى مخلوق أن الرسول هو من قام بالعمل دا
ولا يلزم أى مخلوق بعمله
بكده يبقى لاهى بدعه ولا يحزنون وربنا هيجزيه على عمله دا
فى حاجات كتير وقضايا خاصه بالدين فى حياتنا لو خدناها من هذا المنطلق كانت أتحلت
لكن طالما فى شيوخ مازلوا بعقليه الى معملوش الرسول حتى لو عامل صالح يبقى بدعه
يبقى أنتهى الزمن وأستنى يوم القيامه

متفق معاك

المشاركة الأصلية كتبت بواسطة dojuar

مش ممكن تجاهل كلام حضرتك خالص بالعكس لك كامل المحبة و الاحترام
بالنسبة لبقية الجوانب في هذا الموضوع, لا أخجل اني اقول انتهت حدود معلوماتي بخصوصه, وأخاف كلامي بعد كده يكون غلط و يكون في رقبتي يوم القيامه

انا يمكن تداخلت في الموضوع من الاول مش لغرض بناء جدل لا ينتهي, انما شوفت اني عندي بعض المعلومات و الفيديوهات اللي كنت عارفها قبل كده

شكرا و لك جزيل الشكر

أخي الكريم أنا مقدر جداً لنيتك الكريمة
واعذرني إن كان هناك قدراً من العصبية في كلامي فأنا لا أقصدك بها قطعاً
أنا مشوفتش الفيديو لكن متوقع محتواه
لكن شوف معايا كدة كم العلماء الذين تكلموا في إعمال الحديث الضعيف في فضائل الأعمال ..
الحافظ إبن حجر العسقلاني ، والإمام النووي ، والإمام إبن جماعة ، والإمام الطيبي ، والخطيب الشربيني ، والإمام سراج الدين البفيني ، وشهاب الدين الرملي ، والحافظ زين الدين أبو الفضل العراقي ، والإمام إبن دقيق العيد ، والحافظ إبن حجر الهيتمي ،وابن مفلح الحنبلي ، والخطاب المالكي والإمام الكمال بن الهمام ، والإمام إبن علان ، والإمام الصنعاني ، واختار هذا القول الشيخ بن باز ، والشيخ صالح اللحيدان ، والشيخ صالح الفوزان ، والشيخ عبدالعزيز آل الشيخ ، مع العلم أن كل هؤلاء لا يمثلون مدرسة فقهية واحدة ولا مذهباً واحداً ..

وحتى إن كان هناك من يرى عكس هذا فهذا يقطع بأن المسألة خلافية ، والمسائل الخلافية لا ترتب أحكاماً قطعية .. أليس كذلك .
لكنها تنقل الأمر إلى دائرة المباحات والتخيير بين الفعل والترك وفق الوقاعد التي أشرت إليها سلفاً ..
وتقبل خالص مودتي وتقديري

المشاركة الأصلية كتبت بواسطة human12

انا معرفش الموضوع ده بس بجد مبسوط عشان انا كنت فاكر ان ده اجتهاد منك او ان حضرتك خريج ازهرى بس دايما اللى اتعودته من حضرتك وسطيه الكلام و لين الحديث دون كلام صادم و دائما اعمال العقل و اعطاء العقل مساحه كبيره للتفكير و ده بيخلينى دايما معجب بارائك

أخجلتم تواضعنا يا باشا