حادثة فى تونس وشوف أخلاق الناس

**hany_mohamed** · 19-04-2010 09:45 PM

كنت فى زيارة فى تونس الخضرا وكنت جالس فى احد المقاهى التى فى شارع الحبيب بورقيبة وهو تقريبا يشبه شارع الشانزليزية بفرنسا
واذا بشاب فى عربية ملاكى جه و ركن على اليمين عادى جدا ومدى اشارات انتظار و جاء تاكسى من وراه خبط فية بقوة بهدل العربيتين خالص
لحظات ونزل السائقين " وقلت اجهز نفسى علشان أحوش المجزرة اللى هتحصل"
و بص كل واحد على الثانى تم نظرا الى التلفيات .... و سلما على بعضهما واطمئنا ان الاخر بخير و كأن شيئا لم يكن ورجع كل واحد عربيته ومشى
ليه يا ترى لما بتحصل حتى لمسة بين عربيتين هنا فى مصر على طول بننده على حد علشان يمسح الدم!!!

**hugan** · 19-04-2010 09:59 PM

علشان احنا شعب مقهور وبيطلع الكبت اللي جواه بل الخناق في الشارع اهو اي حاجه افش فيها الغل اللي جوايا

**hany_mohamed** · 19-04-2010 10:17 PM

المشاركة الأصلية كتبت بواسطة hugan

علشان احنا شعب مقهور وبيطلع الكبت اللي جواه بل الخناق في الشارع اهو اي حاجه افش فيها الغل اللي جوايا

ياباشا ولا تضايق نفسك ... انت يا باشا تمشى براحتك مش برضه هوجان

قولى بس انت بتمشى من اى طريق وانا اركن واخدها مشى

المشاركة الأصلية كتبت بواسطة aboalm

مره كان سواق ميكروباص بيتخانق مع واحد بتاع ملاكى و يقوله انت كنت حا تخبطنى الرجل يقوله ياعم حصل خير مش حصل حاجه و مش خبطتك و لا حاجه . بتاع الميكروباص يقوله هو انا كنت حا استنى لما تخبطنى و لسه برضه عمال يزعق و يتخانق. قلت امال لو كان خبطه كان حصل ايه صحيح

الميكروباص ده عالم تانى ..... والنبى انا بدور على مضرب بيسبول يكون حديد اسيبة فى الشنطة لوقت عوزة

**aif** · 19-04-2010 10:32 PM

المشاركة الأصلية كتبت بواسطة hugan

علشان احنا شعب مقهور وبيطلع الكبت اللي جواه بل الخناق في الشارع اهو اي حاجه افش فيها الغل اللي جوايا

انا ليا تفسير مختلف شوية
وعن تجارب شخصية
البلاد التانية غير مصر .... التأمين الشامل بيبقى اجباري ..... وبعض البلاد مش اجباري لكن الشركات وجهات العمل بتجبر الموظفين على التأمين الشامل ( ده حصل معايا من حوالي 20 سنة ) ... وحتى لو مافيش تأمين ..... الشرطة بتجبر المخطيء على التكفل بمصاريف الاصلاح حسب نسبة الخطأ
وده حصل مع اخويا من سنوات في السعودية وكان الطرف المخطيء موظف عسكري في الحرس الوطني ( يعني سلطة ) والشرطة اجبروه على دفع التكاليف ولما ماطل امر الظابط بوضعه في التوقيف لحين سداد الفلوس ... راح دافع علطول

وكل واحد بياخد حقه من شركة التأمين بتاعته .... او بياخد حقه بالشرطة
...
احنا عندنا مش كدة
ماحدش بياخد حق ولا مستحق ..... واللي يقولك انت ح تقبل العوض ؟؟؟؟ كأنك يعني ح تاكل اموال اليتامى ...
علشان كدة طالما مش ح آخد حقي .... يبقى آخد اي حاجة تعوضني عن حقي
انا كنت في السعودية .... دائما اللي بيحصل ان بعد الحادث بتنشأ صداقة بين الطرفين طالما الامر اقتصر على تلفيات في السيارة ....
احنا ماعندناش حد بياخد حقه ومافيش اهتمام بأي حادث الا لو فيه قتلى

**hany_mohamed** · 19-04-2010 10:40 PM

المشاركة الأصلية كتبت بواسطة aif

انا ليا تفسير مختلف شوية
وعن تجارب شخصية
البلاد التانية غير مصر .... التأمين الشامل بيبقى اجباري ..... وبعض البلاد مش اجباري لكن الشركات وجهات العمل بتجبر الموظفين على التأمين الشامل ( ده حصل معايا من حوالي 20 سنة ) ... وحتى لو مافيش تأمين ..... الشرطة بتجبر المخطيء على التكفل بمصاريف الاصلاح حسب نسبة الخطأ
وده حصل مع اخويا من سنوات في السعودية وكان الطرف المخطيء موظف عسكري في الحرس الوطني ( يعني سلطة ) والشرطة اجبروه على دفع التكاليف ولما ماطل امر الظابط بوضعه في التوقيف لحين سداد الفلوس ... راح دافع علطول

وكل واحد بياخد حقه من شركة التأمين بتاعته .... او بياخد حقه بالشرطة
...
احنا عندنا مش كدة
ماحدش بياخد حق ولا مستحق ..... واللي يقولك انت ح تقبل العوض ؟؟؟؟ كأنك يعني ح تاكل اموال اليتامى ...
علشان كدة طالما مش ح آخد حقي .... يبقى آخد اي حاجة تعوضني عن حقي
انا كنت في السعودية .... دائما اللي بيحصل ان بعد الحادث بتنشأ صداقة بين الطرفين طالما الامر اقتصر على تلفيات في السيارة ....
احنا ماعندناش حد بياخد حقه ومافيش اهتمام بأي حادث الا لو فيه قتلى

اعتقد ان كلام حضرتك مضبوط ... المشكله بس ان هنا الموضوع ممكن يوصل لقتل بدون سبب

**hugan** · 19-04-2010 10:50 PM

المشاركة الأصلية كتبت بواسطة hany_mohamed

ياباشا ولا تضايق نفسك ... انت يا باشا تمشى براحتك مش برضه هوجان :s_thum1[1]:
قولى بس انت بتمشى من اى طريق وانا اركن واخدها مشى

اوعي يغرك الاسم الاسم مالوش علاقه بل الجسم هو جان ده اسم الميل بتاع ابن اخويا اللي انا مشترك بيه لان الميل عندي كان عطلان وانا با شترك في المنتدي بس ادي كل الحكايه