السلام عليكم انا بفكر ابيع الانوس بتاعتى عشان محتاج فلوسها لشقة المهم نقول مواصفات العربية وياريت تقولولى تسوى كام بدون ماحد يطلع يخفس بيها الارض لان فية ناس هنا فى المنتدى عنده غية تجيب نقطة للى بيبيع عربيتة المهم المواصفات / لانوس 2004 نبيتى ماشية 87 الف كم فابريقة دواخل وخوارج رشة ماعدا السقف والشنطة كاملة مانيوال كاوتش جديد اماى ممشيش 2000 كم وخلفى ماشى حوالى 6000 كم انذار وسنتر فرش جلد فى قطيفة فوق الفرش الاصلى بتاعها الكتالوجات الاصلية بتاعتها موجودة وكتيب الضمان العربية الرخصة هتنتهى فى شهر 8 وانا شاريها من سنة بتوكيل يعنى اللى هيشترى لازم يروح يسجل فى الشهر العقارى / العربية بها سى دى كينوود ماليزى كونت جايبة من دبى وبها سماعات سونى اكسبلود 450 واط اعتقد انى شرحت السيارة بما فية الكفاية واسف ان كونت طولت عليكم بس انا معرفش تجيب كام دلوقتى