حد عنده حل يخلي العربيات متكهربش أنا عن نفسي بلاحظ إن إختلاف نوع الشوز له علاقة بس مش معقول لما أشتري شوز أجربه الأول على السيارة - الموضوع عاوز خبير كهرباء إستاتيكية
عرض للطباعة
حد عنده حل يخلي العربيات متكهربش أنا عن نفسي بلاحظ إن إختلاف نوع الشوز له علاقة بس مش معقول لما أشتري شوز أجربه الأول على السيارة - الموضوع عاوز خبير كهرباء إستاتيكية
انا مش بيحصل معايا في عربيتي لكن عندي واحد قريبي مفيش مرة ركبت معاة العربية وجاي وانا نازل اتكهرب
الصراحة انا اتكهربت كمان و انا جوا العربية و كنت بفتح المراية اللي جنب السواق
هوب جسمي حك في فرش العربية اتشحنت
اول ما لمست المراية كهربة رهيبة حصلت و ايدي اتنطر جامد و خبطت في حرف الازاز و كانت خبطة جامدة و ورمت
دة غير كمان لما بتخرج من العربيبة بيحصل نفس الكلام بقيت انط من باب العربية و ازقة برجلي او السوستة هي اللي بتقفلة
الموضوع كبير و عايز اعدة كبيرة
ههههههههههههه
ربنا يسترها معانا كلنا
موضوع غريب
انا برضه عندي لما بنزل من باب العربية و اجي اقفله بقوم واخد لي حبة كهرباء حلوين
كأن العربية بتقولي خد تعالى انت سايبني و رايح فين
عندي برضوا كل ما انزل من العربية اتكهرب
الغريب الاربع ابواب بيكهربوا هههههه
لدرجة وانا نازل بقيت اخاف واقفل الباب من الايد
ربما تشعر بصدمة كهربائية خفيفة عند خروجك من باب السيارة وملامسة يدك لجسم السيارة خاصة بعد فترة قيادة طويلة، فلا تنزعج لأن هذه ظاهرة طبيعية تعرف بالكهرباء الاستاتيكية وقد تحدث تحت ظروف معينة وخاصة ان كان الجو الخارجي جافا، ولا يمكن منعها ولكن يمكن تقليلها بارتداء ملابس قطنية والبعد عن الملابس المصنعة من الألياف الصناعية ويراعي ذلك في كرسي القيادة أيضا، وعند مغادرتك لكرسي القيادة لا تغادره فجأة ولكن ببطء، وقبل النهوض من الكرسي حاول أن تمسك بيدك أي جزء معدني من جسم السيارة لتفريغ شحنتك الاستاتيكية من خلاله
أنا عارف إنها ظاهرة طبيعية بس برضة بنزعج جداً
( أحياناً من قوة الشحنة بيكون ليها صوت واضح )
وبدور على طريقة سهلة لتلافيه
- فين خبير الكهرباء الإستاتيكية
( ملاحظة أنا معظم ملابسي قطنية صيف شتاء )
ايه الكلام ده انا اول مره اسمع عنه الحمد لله
بصراحه انا اول مره اسمع حاجه عن الموضوع ده
أيوووووووووووووووه هو ده
انا يوميا بتكهرب وانا نازل من العربيه حد يلحقني بقي احسن خلاص قربت انور بجد
المشكله مش في قوتها المشكله انها بتعمل صوت بتاع لسعه كده و حاجه فله يعني
طب و اللي عايز عربيته تكهرب بجد , ألف فولت ولا حاجة
يعمل ايه ؟
انا بلاحظ الموضوع دا في فصل الشتأ بس... لما اكون لابس صوف..
بس كدا كدا ان متعود اني ممكن المس اي حاجة و اتكهرب... اصل الفولت عندي عالي شوية
:d
مش الكوتشي بس هو الي ليه عامل حتي اللبس له عامل في الحوار ده
الكهرباء دي بتحس بيها انت لما تعد في العربيه فتره طويله و عشات متتكهربشي اب ما تنزل طلع اديك من الشباك و حطها علي صاج العربيه هتفضي كل الشحنه الي فيك في الصاج هي بتحصل مع اخواتي بس عمرها محصلت لي!!!
انا برده بيحصل معايا كده
انا كمان بيحصل معايا كده
انا بتكهرب كتير وكل اللى يركب وهوة نازل يتكهرب مش عارف لية
يمكن من الفرو اللى حطة على الكراسى ممكن !!!!!!!
وانا كمان بيحصل معايا كدة, وبفكر اركب فردة ارضي في الاحذية كلها
في نوعية ملابس بتعمل شحنات كهربائية في الجسم وعند ملامسه اي شي معدني تحدث هذا الموضوع وده بيحصل اكثر في الشتاء عن الصيف
دة انا اتكهربت بما فية كفاية
دلوقتى بقيت انزل وازق الباب من الزجاج علشان متكهربش
بس احيانا وانا بقفل الباب بالمفتاح بلاقى المفتاح عمل زى شيرز مع الكالون بتاع الباب
طيب أنا بعمل كدة وبنزل من السيارة لامس الصاج بتاع الباب فتبقى المشكلة إنى بتكهرب في باب الجراج أو أول أرضى ألمسه بعد كدة وبيكون الحل إنى ألمس أول معدن عن طريق طرف مفتاح السيارة ولكن من كتر الإجراءات تنسى حاجة أو يكون الشوز عازل بزيادة فيصدادك الشارز المتين على حين غرة
بس الملاحظة القوية إن هناك بعض الشوزات أفضل من الأخرى فى مقاومة هذه الظاهرة
والظاهر إن الحل حيكون زى ما قال أحد الأعضاء هو تركيب أرضى فى الجزمة ( زى فل فى النعل في المسرحية الشهيرة :) )
فيه حل امسك مفتاح العربيه من اي جزي معدني فيه واول ما تنزل اخبط طرف المفتاح في باب العربيه الكهربه هاتتفرغ من غير ما تتكهرب
كل الناس بتتكهرب وانا حصلتلى مرتين تلاته رغم انى بسوق من 17 سنه لكن احلى حاجه فى الكهربا دى ان المدام عندى على طول بتتكهرب وانا بصراحه نفس اعلى الفولت كمان شويه بس للاسف بتبقى لسعه صغيره هههههههههههههههههههههه
وكمان احمدو ربنا فيه ناس موش لاقيه كهربا اصلا هههههههههههههههههههه
مشكلتى بقا انى انا الوحيد اللى بتكهرب
ده انا من كتر الرعب اللى عملوه ولاد الحلال بخصوص السيراتو لما بقيت اتكهرب منها كنت خايف يطلع العيب فيها
بس فعلن حاجة غريبة لما يحصل معايا كده ف كل عربية اركبها مع اختلاف اللبس يعنى بدلة او كلاسيك او شورت او حتا مايوه
بس وبعمل زى ماقالو معظم الناس افضى شحنة جسمي وانزل بالراحة وامسك اى حتا ف الصاج قبل منزل
المشكلة بقا دى بتخلى الكهربا اقوى وبجد بتنفض ساعات
وتانى مشكلة شكل الواحد لو ف حتا فيها ناس واتنفض كده بيبقا شكله بشع زى ميكون ملبوووس ولا حاجة :b4_237:
كنت مقيم في الاحساء في السعودية ودي من اكتر المناطق جفافا لدرجة نزيف الانف
المهم الحكايــة دي مؤلمة جدا وكنت اما اجي اقرب من اي معدن فالصيدلية كان الطقطقة المسموعة واللسعة المؤلمة وكان السبب ألياف البالطو الصناعية مع ان كل لبسي قطن