الموضوع: الجنط 17 ممكن يكون ليه حل سهل

المشاركة الأصلية كتبت بواسطة hamadahosni

استاذ حسام و د/ أحمد متشكرين ليكم على المعلومات القيمة اللي دائما بتفيدونا بيها.
بس ليا سؤال صغير لو ممكن ؟؟ هي أسعار الكاوتش ده تقريبا كام ؟؟؟ اللي هو المقاس 215/50
علشان أنا كنت يوم الخميس اللي فات عند بريدجيستون عباس العقاد و كنت بسأل عن الكاوتش 215/45 علشان عندي فردة دخل فيها مسمار كبير و الراجل اللي عندهم قاللي ده مش هينفع يتلحم , المهم انه قاللي إن تمن الفردة الواحدة ال 215/45 = 975 جنيه !!!!!

الكاوتش ال 17 فى اى ماركه مش كورى هايكون غالى زى بريدجستون

الافضل تجيب كومهو فى حدود 500 جنيه ويفضل يكون made in korea

المشاركة الأصلية كتبت بواسطة alzwawy

فعلا يا ا\احمد انت و ا\حسام لو ركبنا 215\50 هيكون احسن كتير ولو العداد قري اقل شويه يا ا\احمد احسن ما كل شويه فرده يجرالها حاجه و تفرقع و بلالين و وجع دماغ و متهيألي مش هيقرأ اقل كتير يا ا\احمد يعني ممكن يقرأ اقل 10ك\س بس و كده مش هيبقي وحش مع الحفاظ علي الكاوتش والعافشه هتستريح اكتر

العداد هايفرق حوالى 3.4 كم مش 10 كم ولا حاجه

يعنى وانت ماشى 100 العداد هايبقى قارى 96.6

المشاركة الأصلية كتبت بواسطة M7amD_7amDy

مفيش تعديل للعداد بعد تغير مقاس الكاوتش ؟! عشان يقرأ مظبوط !

مش عارف بصراحه

بس الفرق مش كبير

وعلى فكره فى فرق اصلا بين الجنط ال 15 والجنط ال 17 فى قراية العداد

يعنى لو حد غير من 195 / 65 - 15 الى 215 / 45 - 17

الجنط ال 17 هايبقى قارى كيلو اسرع يعنى وانت ماشى 100 العداد هايبقى قارى 101

ولو حسبنا المقاس اللى عايزين نركبه 215 / 50 - 17 مقارنة بمقاس الجنط ال 15 اللى هو 195 / 65

هانلاقى الفرق اقل من 2 كم فقط

يعنى وانت ماشى 100 العداد هايبقى قارى 98.1