مين افضل و امهر سائقين من خلال مشاهداتك اليومية حسب نوع العربية

**haitham83** · 22-01-2008 08:20 PM

انا اول حاجه بعد الميكروباصات و التاكسيات ببص على النمر بلاقيه قاهرة او جيزة ( وما اكثرهم فى الاسكندريه صيفا ) و بعدين اللانوس و الفيرنا علشان غالبيتهم بيبقو متاجرين و اللى ماجرهم علشان يطلع بوزها ( حرق و غرز و خلافه ) و بعدين العربيات امثال ال 127 و 131 و 128 و هكذا لانها بتبقى مش فارقه معاة

**شريف** · 22-01-2008 08:39 PM

المشاركة الأصلية كتبت بواسطة haitham83

انا اول حاجه بعد الميكروباصات و التاكسيات ببص على النمر بلاقيه قاهرة او جيزة ( وما اكثرهم فى الاسكندريه صيفا ) و بعدين اللانوس و الفيرنا علشان غالبيتهم بيبقو متاجرين و اللى ماجرهم علشان يطلع بوزها ( حرق و غرز و خلافه ) و بعدين العربيات امثال ال 127 و 131 و 128 و هكذا لانها بتبقى مش فارقه معاة

ياراجل دة سواقة الاسكندرانية بالذات صعبة جدا (بس ماعداك عشان متزعلش منى)
بس فعلا السواقة فى القاهرة من كل العربيات بدون استثناء بقت صدااااع

**sab3aawy** · 22-01-2008 09:08 PM

انا مش ببص على ماركة السيارة

انا ببص على راس اللى سايق اشوف شكلها(راس تغطيها ايشارب ، راس عليها كورة شعر، راس ملفوفة بعمة وكوفية،راس مربية دقن، راس محلوقة كابوريا وشعر الوش متحدد بالموس ...الخ ) لأن ده اللى بيدينى توقعات لشكل تصرف السواق اكتر من نوع العربية، وكنت كتبت قبل كدة مضوع فى هذا الصدد

لكن عموما انا ببعد عن اى عربية عليها نمر مش ملاكى(اجرة،نقل،سياحة،حكوم� �،شرطة،جيش....الخ)، واى عربية متفيمة واى عربية عليها نمر سودا واى عربية 127

**wsaleh2** · 22-01-2008 09:20 PM

the best are the tourists bus and super jet
the worst are the mini bus in cairo

**ahmedsrs** · 22-01-2008 09:35 PM

انا ببص على حالة العربية لو قديمة ومدغدغة ومفيهاش اشارات او الأستوب مش شغال باركن على جنب لمل تعدى لو جديدة ومخبطة بابعد او اهدى لو كارو عمرى مامشى وراه بس ممكن ازنق على الحمار عشان بتبقى روح العربجى فيه

**Ahmed Anwer** · 23-01-2008 12:14 AM

أسوأ السائقين اللانسر ،

دايما يبصلك و يتحداك إنك تشد معاه مش عارف ليه ،، غير الغرز

الصني و الكورولا اعتقد إنهم أكثرهم عقلآ و هدوء بحس إنها عربيات سن العقل و الوقار

عائلة الفيات و الشاهين و اللادا هاديين بس تخاف منهم دايما تحس وجهة نظرهم شوف الفانوس عندك

بكام و عندي بكام

الفيرنا و اللانوس و كل ما هو أقل من 70000 دائما ماشيين جنب الحيط لأن أغلبهم شاريها قسط

و لسه طالع من 128 و خايف علي عربيته أوي

البي إم و المرسيدس ،، بكيزة هانم ،،، قرفان من الزبالة اللي ماشية جنبه في الشوارع

كل ما هو شبابي موديلات التسعينات جولف-سيفيك-ابيزا-الخ غرز و شد و حركات دول بوسعلهم

عالطول

ده لو التصنيف حسب الموديل لكن لو حسب لوحات المرور الوضع يختلف

**aif** · 23-01-2008 12:33 AM

انا بطلت احكم علي اي شخص من خلال السواقة لأني مقتنع تماما ان العيب مش عيب السواقين فقط
يا جماعة احنا في مدينة ملاهي كبيرة
وفوق كدة مافيش قوانين ولا حد ينظم ولا حد يمتحن ولا حد يعمل اي حاجة واعتقد اني لو شفت نفسي وانا سايق ح اكره نفسي
هي دي اخلاقيات الزحام والفوضي
لكن انا باخاف اوي من الستات والرجالة الكبار في السن باحاول اهدي لغاية ما يبعدو عني
منها احترام للسن ومنها برضه من خاف سلم

**memo_hefnawy** · 23-01-2008 08:43 AM

المشاركة الأصلية كتبت بواسطة aif

ا.........
يا جماعة احنا في مدينة ملاهي كبيرة
..............

أجمد تعليق شوفته فى الموضوع ده إن إحنا فعلا فى مدينة ملاهى كبيرة بس مابنلعبش عربيات متصادمة بنلعب عربيات متسارعة

------------

نفسى يا جماعه نقدر نفرق و نبطل نفرض أحكام جماعية على كل الناس أو على فئة ما بسبب إنطباعات شخصية على مجموعة منهم

هاضربلكم مثال و أرجوا إن نتأمله حبه عشان نكون موضوعيين :
-------------------------------

دلوقت عندنا أسرة مكونة من 5 أفراد و الأسرة دى تمتلك 4 عربيات كالتالى

1- 128
2- كرولا
3- فيرنا أو لانسر
4- بى إم 520

الأسرة دى الأب راجل 68 سنة الأم 48 سنة و الأولاد واحد 30 أخته 25 و الأخ الأصغر 18 سنة

لو الواد الصغير ده شاب روش و راكب الانسر أو الفيرنا هاينطبق عليه إنطباعات معظمكم لكن لو والده ركب العربية فى أى مشوار فالوضع غير طب لو أخوه الكبير ده عاقل و راسى مش بتاع غرز ولا تزنييق ؟ الوضع غير

طب فرضا الواد الصغير ده ضرب على ال 520 مشوار ؟ هايسوقها ذى ما باباه أو مامته سايقينها ؟
طب أخته هاتسوق ال 128 هاتقولوه بتزنق و مش بتعرف تسوق طب لو ساقت الكرولا ولا اللانسر ؟

إعملوا التباديل كلها و التوافيق

-------------------------

النتيجة ماينفعش نحكم على محموعه من الناس بنفس الأسلوب ده لمجرد إنهم سايقيين ماركة معينه نهائى

وأرجع أقول التعميم فى هذه الحالة غلط تماما و كل السائقيين فى الشارع حواليك توقع منهم أى حاجة فى أى وقت حتى لو سايق فيرارى

مش جايز سايق بورش و معدى من جنبك و ماسك حاجة ساقعه أو سخنة بيشربها إتدلقت عليه ؟ فجأه ...إتخض و ساب الطريق عربيته حدفت عليك هب لبست فيه مع إنه واد جامد و راكب بورش وبتبرق و مفيش فيها خدش واحد؟

الموضوع ماينفعش فيه التعميم و لازم تحرص من كل إللى حوالييك دى وجهة نظرى

**Karim_Monir** · 23-01-2008 10:15 AM

انا برضه بحكم من طريق المشي والحدفة والبصة والايحاءات اللي بيمشي بيها البني ادام
بس النهاردة الصبح واحدة خاتني احكم غلط خالص
انا الشارع اللي ساكن فيه شارع متفرع من شارع رئيسي كبير
وبما ان الغاز الطبيعي بيدخل عندنا بقي الشارع عبارة عن حفر بينهما مسافات صغيرة تطلع عليها بالعربية
وبدور وهاخد نص الشارع بضهري زي كل يوم
لقيت واحدة خارجة بلانوس وتقريبا ماشية على 60 والشارع مايستحملش اكتر من 3 كم في الساعة
العربية كانت لانوس بتتنطط منها وبتطير تقريبا
انا بصراحة ماكنتش مستوعب ولولا ان العربية كانت باردة كنت حصلتها ووقفتها لانها كان ممكن تقتل اي شخص بالطريقة دي
بس برضه مش بحدد الجنس ولا العربية
بس بصفة عامة كل الشباب الروشة بتوع القليوبية اللي ماتعرفش ان العربية ملاكي ولا ميكروباص من كتر الاستيكر والنواكل اللي ملزقينها وكانهم شاربين بالقرش كله دول لازم ابعد عنهم

-

الموضوع: مين افضل و امهر سائقين من خلال مشاهداتك اليومية حسب نوع العربية

LinkBack

أدوات الموضوع

عرض

-

-

-

-

-

المواضيع المتشابهه

انا هسمكر وارش العربية قريب في خلال اسبوع

مصاريف العربية اليومية ( منقول )

محتاج المساعدة عشان خلاص حجيب العربية في خلال أسبوع..أجيب إيه أحسن؟؟؟

ما هو افضل منفاخ للكاوتش يعمل من خلال فيشة الولاعة فى السيارة؟؟

الكلمات الدلالية لهذا الموضوع

المفضلات

المفضلات

ضوابط المشاركة