محتاج مساعدة عشان محتار و مش عارف ,, (الجامعة)
اولا السلام عليكم
ثانيا ارجو اني مطولش عليكم عشان الموضوع صعب شوية
دلوقتي انا طالب في تانية IG (النظام البريطاني)
انا ان شاء الله هتخرج السنة الجاية
اهم ميزة في IG , انك ممكن تختار المواد التدرسها , فبالتالي بيبقى ممكن اتحكم نوعا ما في المجموع الكلي
عشان في حد ادنى من المواد لازم اخدها و لكن ممكن ازود على راحتي
المهم , انا دلوقتي عشان اختار هاخد مواد ايه السنة الجاية , عايز اعرف هخش ايه في الجامعة
دلوقتي انا ميولي فنية , بحب الرسم و التصوير جدا جدا
ففكرت في فنون تطبيقية (applied arts) , في الGUC , حاولت اعرف عنها شوية حاجات و العرفته عجبني جدا
اهلي مش هيعترضوا لو انا قررت , بس مش عاجبهم , لانهم مش عارفين بدرس ايه , او هطلع اشتغل ايه , و هل ليه شغل في مصر (فياريت يا جماعة اليعرف حاجة يقولي)
فبصيت في ايه تاني , لقيت فنون جميلة الزمالك عمارة او interior design , اهلي عجبهم الفكرة دي جدا , لأنها في رسم و فن و دة الانا بدور عليه , غير اني هتخرج اسمي مهندس (و دة طبعا ليه مميزات جامدة زاى الشغل و نقابة المهندسين)
و لكني مش عارف في الجامعات الحكومية بحسب فيها الدرجات بتاعتي ازاى ؟!
طب هو فنون جميلة بتبقى عايزة مجموع كام في المية ؟!
و هل فعلا بياخدوا اعلى 5٪ بس من الشهادات المعادلة ؟!
(للعلم انا مش شاطر اوي , درجاتي جيدة لكن مش ممتازة)
انا بما اني بحب الرسم و العربيات , فحلمي اني ابقا مصمم عربيات , فهل في اي امل ؟؟!!
ارجو اني مكنش طولت اوي , بس انا فعلا محتار جدا و محتاج مساعدة , دة غير ان في اسئلة كتير لسه عايز اسئلها بس مش فاكر دلوقتي
و بذات في الاسئلة دي , و السؤال بتاع الGUC , يا جماعة ان عايز اليعرف اي حاجة او في حاجة عايز يقولها , يقولها
لأني معرفش حد يفيدني غيركم
